یُوحنّا 5:18 - پنجابی نواں عہد نامہ نظرثانی شدہ چھپائی

¹⁸ ایس لئی یہُودی ہور وی وَدّھ کے اوہدے مارن دا داء لبّھدے سن۔ کیوں جو اوس نا نِرا سبت نُوں توڑ دِتّا پر ایہہ وی پئی خُدا نُوں خاص اپنا باپ آکھ کے اپنے آپ نُوں خُدا دے برابر کِیتا۔

یُوحنّا 5:18 ပူးပေါင်းရင်းမြစ်များ

متّی 12:5

یا تُسی توریت وِچ نئیں پڑھیا پئی کاہِن سبت دے دِن ہیکل دے وِچ سبت نُوں توڑ دیندے نیں۔

یُوحنّا 1:19

تے یُوحنّا دی گواہی ایہہ اے پئی جِس ویلے یہُودِیاں نیں کاہِناں تے لاویاں نُوں یرُوشلِیم توں گھلّیا پئی پچُھّن تُوں کون ایں؟

یُوحنّا 10:30

مَیں تے باپ اِک آں۔

یُوحنّا 10:33

یہُودِیاں اوہنوں جواب دِتّا اسی تینُوں چنگے کمّ لئی پتّھر نئیں مار دے پر کُفر لئی کیوں جو تُوں بندہ ہو کے اپنے آپ نُوں خُدا بنانا ایں۔

یُوحنّا 14:23

یِسُوع اوہنوں جواب دِتّا جے کوئی مَینُوں پیار کر دا اے اوہ میرے کلام نُوں مَنّے گا۔ تے میرا باپ اوہنوں پیار کرے گا۔ تے اسی اوہدے کول آواں گے تے اوہدے نال رہاں گے۔

یُوحنّا 14:9

یِسُوع اوہنوں آکھیا اَے فِلپُّس مَیں اینے چِر دا تُہاڈے نال آں تے تُوں مَینُوں نئیں جان دا؟ جِس مَینُوں ویکھیا اے اوس باپ نُوں ویکھ لیا اے۔ تے تُوں کِیویں آکھنا ایں پئی باپ سانُوں وکھال؟

یُوحنّا 19:7

یہُودِیاں اوہنوں جواب دِتّا پئی اسی شریعت والے آں تے شریعت دے سببّوں اوہ قتل کرن دے لائق اے ایس لئی پئی ایس اپنے آپ نُوں خُدا دا پُتر بنایا۔

یُوحنّا 5:15

اوہ بندہ ٹُر گیا تے یہُودِیاں نُوں خبر دِتّی پئی جِس مَینُوں چَنگا کِیتا سی اوہ یِسُوع اے۔

یُوحنّا 5:16

تے ایس گلّے یہُودی یِسُوع دے مگر پئے۔ کیوں جو اوہ اجیہے کمّ سبت نُوں کر دا سی۔

یُوحنّا 5:17

پر یِسُوع جواب دِتّا پئی میرا باپ ہُن تِیکر کمّ کر دا اے تے مَیں وی کمّ کرنا آں۔

یُوحنّا 5:23

تاں جو سبھ لوک پُتر دی عِزّت کرن جیویں باپ دی عِزّت کر دے نیں۔ جیہڑا پُتر دی عِزّت نئیں کر دا اوہ باپ دی وی جِس اوہنوں گھلّیا عِزّت نئیں کر دا۔

یُوحنّا 7:1

تے ایدوں بعد یِسُوع گلِیل وِچ پِھردا رہیا کیوں جو یہُودیہ دیس وِچ اوس پِھرنا پسند نا کِیتا ایس کر کے پئی یہُودی اوہدے مارن لئی داء لبّھدے سن۔

یُوحنّا 7:19

کِیہ مُوسیٰ تُہانوں شریعت نئیں دِتّی؟ تَد وی تُہاڈے وِچوں کوئی شریعت اُتّے نئیں ٹُردا۔ تُسی کاہِنُوں میرے مار سُٹّن دے مگر پئے ہوئے ہو؟

یُوحنّا 8:54

یِسُوع جواب دِتّا جے مَیں اپنے آپ نُوں وڈیاواں تے میری وڈیائی کُجھ نئیں اے۔ پر میری وڈیائی میرا باپ کر دا اے جِہنُوں تُسی آکھدے ہو پئی اوہ ساڈا خُدا اے۔

یُوحنّا 8:58

یِسُوع اوہناں نُوں آکھیا مَیں تُہانوں سَچ سَچ آکھنا آں۔ ایدوں پہلاں پئی ابرہام سی مَیں آں۔

فِلِپّیوں 2:6

اوہ بھانویں خُدا دی صُورت وِچ سی۔ پر اوہنے خُدا دے برابر ہون نُوں اپنے قبضے وِچ رکھن دی شے نا جانیا۔

مُکاشفہ 22:1

فیر اوس مَینُوں بلّور وانگر چمکدا ہویا حیاتی دے پانی دا اِک دریا وکھایا جیہڑا خُدا تے لیلے دے تخت وِچوں نِکل کے اوس شہر دی سڑک دے وِچ پیا وگدا سی۔

مُکاشفہ 22:3

تے فیر لعنت نا ہوئے گی تے خُدا تے لیلے دا تخت اوس شہر وِچ ہوئے گا۔ تے اوہدے بندے اوہدی بندگی کرن گے۔