یُوحنّا 5:17 - پنجابی نواں عہد نامہ نظرثانی شدہ چھپائی

¹⁷ پر یِسُوع جواب دِتّا پئی میرا باپ ہُن تِیکر کمّ کر دا اے تے مَیں وی کمّ کرنا آں۔

یُوحنّا 5:17 ပူးပေါင်းရင်းမြစ်များ

متّی 10:29

اِک پَیسے دِیاں دو چِڑیاں نئیں وِکدِیاں؟ تے اوہناں وِچوں اِک وی تُہاڈے باپ دی مرضی بِناں زمین اُتّے نئیں ڈِگّدی۔

یُوحنّا 10:36

جِہنُوں باپ نیں مُقدّس کِیتا تے دُنیا وِچ گھلّیا۔ تُسی اوہنوں آکھدے ہو پئی تُوں کُفر بکنا ایں۔ جد مَیں آکھیا پئی مَیں خُدا دا پُتر آں؟

یُوحنّا 14:10

تُوں سَچ نئیں مَن دا پئی مَیں باپ وِچ آں تے باپ میرے وِچ اے؟ جیہڑیاں گلّاں مَیں تُہانوں آکھنا آں مَیں اپنے ولّوں نئیں آکھدا۔ پر باپ میرے وِچ رہ کے اپنے کمّ کر دا اے۔

یُوحنّا 5:16

تے ایس گلّے یہُودی یِسُوع دے مگر پئے۔ کیوں جو اوہ اجیہے کمّ سبت نُوں کر دا سی۔

یُوحنّا 5:18

ایس لئی یہُودی ہور وی وَدّھ کے اوہدے مارن دا داء لبّھدے سن۔ کیوں جو اوس نا نِرا سبت نُوں توڑ دِتّا پر ایہہ وی پئی خُدا نُوں خاص اپنا باپ آکھ کے اپنے آپ نُوں خُدا دے برابر کِیتا۔

یُوحنّا 9:4

جد تِیکر دِن اے سانُوں اوہدے کمّ کرنے پَیندے نیں جِس مَینُوں گھلّیا اے۔ رات آؤندی اے جد کوئی کمّ نئیں کر سکدا

اعمال 14:17

تَد وی اوس اپنے آپ نُوں بے گواہ نئیں چھڈیا۔ اوس مہربانِیاں کِیتیاں۔ تے اسمانوں تُہاڈے لئی مینہ وسایا۔ تے فصل والے مَوسم گھلّے۔ تے تُہاڈے دِل اَن پانی تے خُوشی نال بھر دِتّے۔

اعمال 17:28

کیوں جو اوہدے وِچ اسی جِیوندے تے ٹُردے پِھرے دے تے موجُود رہنے آں۔ جیویں بعضے تُہاڈے اپنے شاعِراں نیں وی آکھیا اے۔ پئی اسی تاں اوسے دی نسل آں۔

۱-کُرِنتھِیوں 12:6

تے تاثِیراں وی طرح طرح دِیاں نیں پر خُداوند اِکّوئی اے۔ جیہڑا ساریاں وِچ ہر طرح دا اثر پَیدا کر دا اے۔

کُلُسِّیوں 1:16

کیوں جو اوسے توں سارِیاں شیواں پَیدا کِیتیاں گِئیاں۔ بھانویں اسمان دِیاں ہون۔ بھانویں زمین دِیاں۔ ویکھیاں ہویاں ہون بھانویں انویکھیاں۔ تخت ہون بھانویں ریاستاں۔ بھانویں حکُومتاں بھانویں اختیار۔ سارِیاں شیواں اوسے دی راہِیں تے اوہدے واسطے پَیدا کِیتیاں ہویاں نیں۔

۱-تھِسّلُنِیکوں 2:13

ایس لئی اسی وی ہر ویلے خُدا دا شُکر کرنے آں پئی جدوں تُساں خُدا دے سنیہے دا کلام ساڈی راہِیں سُنیاں تدوں تُساں اوہنوں بندیاں دا کلام سمجھ کے نئیں پر (جو اوہ سَچ مُچ ہے وی۔) خُدا دا کلام جان کے قبول کِیتا تے اوہ تُہاڈے اِیمان لیاؤن والیاں وِچ کمّ وی پیا کر دا اے۔

عِبرانیوں 1:3

اوہ اوہدے جلال دا لشکارا تے اوہدی ذات دا ٹھپّہ ہو کے سارِیاں شیواں نُوں اپنی قُدرت دے کلام نال سمبھالدا اے۔ اوہ ساڈے گُناہاں نُوں دھو کے بلندی اُتّے جناب باری دے سَجّے پاسے جا بَیٹھا۔