یُوحنّا 5:10 - پنجابی نواں عہد نامہ نظرثانی شدہ چھپائی

¹⁰ ایس کر کے یہُودِیاں اوہنوں جیہڑا چَنگا ہویا سی آکھیا اَج سبت دا دِن اے تینُوں مَنجی چُکنی نئیں چاہیدی۔

یُوحنّا 5:10 ပူးပေါင်းရင်းမြစ်များ

متّی 12:10

تے ویکھو اِک بندہ سی جِہدا ہتّھ سُکّیا ہویا سی۔ تے اوہناں ایس مطلب نال پئی اوہدے اُتّے عیب لان ایہہ آکھ کے اوہدے کولوں پُچھیا۔ سبت دے دِن بندے نُوں چَنگا کرنا روا اے؟

مرقس 2:24

تے فرِیسیاں نیں اوہنوں آکھیا۔ ویکھ۔ ایہہ سبت دے دِن کیوں اوہ کمّ کر دے نیں جِہدا کرنا روا نئیں اے؟

مرقس 3:4

تَد اوس اوہناں نُوں آکھیا۔ سبت دے دِن بھلے کمّ کرنے روا نیں یا بُرے کمّ؟ جان بچانی یا جان مارنی؟ پر اوہ چُپ ای رہے

لُوقا 13:14

تَد عبادت خانے دا سردار ایس لئی پئی یِسُوع سبت دے دِن چَنگا کِیتا غُصّے ہو کے لوکاں نُوں آکھن لگّا۔ پئی چھ دِن نیں جِنہاں وِچ کمّ کرنا چاہیدا اے۔ سو اوہناں وِچ آ کے علاج کراؤ۔ نا سبت دے دِن۔

لُوقا 23:56

تے مُڑ کے خوشبو والے مصالے تے عِطر نُوں تیار کِیتا پر سبت دے دِن حُکم دے سببّوں آرام کِیتا۔

لُوقا 6:2

پر فرِیسیاں وِچوں کئیاں آکھیا تُسی کیوں اوہ کمّ کر دے ہو جیہڑا سبت دے دِن کرنا روا نئیں اے؟

یُوحنّا 1:19

تے یُوحنّا دی گواہی ایہہ اے پئی جِس ویلے یہُودِیاں نیں کاہِناں تے لاویاں نُوں یرُوشلِیم توں گھلّیا پئی پچُھّن تُوں کون ایں؟

یُوحنّا 5:11

اوس اوہناں نُوں جواب دِتّا پئی جِس مَینُوں چَنگا کِیتا اوسے مَینُوں آکھیا ”اپنی مَنجی چُک تے ٹُر پَو۔“

یُوحنّا 5:15

اوہ بندہ ٹُر گیا تے یہُودِیاں نُوں خبر دِتّی پئی جِس مَینُوں چَنگا کِیتا سی اوہ یِسُوع اے۔

یُوحنّا 5:16

تے ایس گلّے یہُودی یِسُوع دے مگر پئے۔ کیوں جو اوہ اجیہے کمّ سبت نُوں کر دا سی۔

یُوحنّا 7:23

جد سبت دے دِن بندہ سُنتی بہندا اے پئی کِتے مُوسیٰ دی شریعت ٹُٹ نا جائے۔ تُسی ایس لئی میرے اُتّے غُصّے ہوندے ہو پئی مَیں بندے نُوں سبت دے دِن پُورا چَنگا کِیتا؟

یُوحنّا 9:16

تَد فرِیسیاں وِچوں کئیاں آکھیا پئی ایہہ بندہ ربّ ولّوں نئیں اے کیوں جو اوہ سبت نُوں نئیں مَندا۔ پر ہورناں آکھیا گُناہگار بندہ کِیویں ایہو جِہیاں کراماتاں وکھا سکدا اے؟ تے اوہناں وِچ پُھٹ پئی۔