یُوحنّا 4:48 - پنجابی نواں عہد نامہ نظرثانی شدہ چھپائی

⁴⁸ تَد یِسُوع اوہنوں آکھیا جے تُسی مُعجزے تے کراماتاں نا ویکھو گے تے اِیمان نئیں لیاؤ گے۔

یُوحنّا 4:48 ပူးပေါင်းရင်းမြစ်များ

متّی 16:1

فیر فرِیسیاں تے صدوقیاں آ کے اوہدے ازمان لئی اوہدے اگّے عرض کِیتی پئی سانُوں اسمانوں اِک نِشان وکھا۔

متّی 24:24

کیوں جو جُھوٹھے مسِیح تے جُھوٹھے پیغمبر اُٹھن گے۔ تے بھارے نِشان تے کراماتاں وکھان گے۔ اجیہے پئی جے ہو سکے تے اوہ چُنیاں ہویاں نُوں وی گُمراہ کر لین۔

متّی 27:42

اوس ہورناں نُوں بچایا۔ پر اپنے نُوں نئیں بچا سکدا۔ ایہہ تے اِسرائیل دا بادشاہ اے صلِیبوں ہُن اُتر آوے تے اسی اوہدے اُتّے اِیمان لیاواں گے۔

مرقس 13:22

کیوں جو جُھوٹھے مسِیح تے جُھوٹھے نبی اُٹھن گے۔ تے نِشان تے اچرج کمّ وکھان گے۔ تاں جو جے ہو سکے اوہ چُنیاں ہویاں نُوں بُھلان۔

لُوقا 10:18

تَد اوس اوہناں نُوں آکھیا۔ مَیں شیطان نُوں بِجلی وانگُوں اسمانوں ڈِگّیا ویکھیا۔

لُوقا 16:31

اوس اوہنوں آکھیا۔ جے مُوسیٰ تے نبیاں دی نئیں سُندے۔ تے بھانویں مُردیاں وِچوں کوئی جی وی اُٹھے۔ اوہ نا مَنّن گے۔

یُوحنّا 12:37

پر بھانویں اوس اینِیاں کراماتاں اوہناں دے سامھنے وکھائیاں سن تَد وی اوہ اوہدے اُتّے اِیمان نا لیائے۔

یُوحنّا 15:24

جے مَیں اوہناں وِچ اوہ کمّ جیہڑے کِسے دُوجے نیں نئیں کِیتے نا کر دا تے اوہناں دا گُناہ نا ہوندا پر ہُن تے اوہناں مَینُوں تے میرے باپ نُوں دوہاں نُوں ویکھیا تے ساڈے نال وَیر وی کِیتا اے۔

یُوحنّا 2:18

تَد یہُودِیاں اوہنوں جواب دِتّا۔ تُوں سانُوں کِیہ نِشان وِکھانا ایں۔ پئی ایہہ کمّ کرنا ایں؟

یُوحنّا 20:29

یِسُوع اوہنوں آکھیا ایس کر کے پئی تُوں مَینُوں ویکھیا اے تُوں اِیمان لیاندا اے۔ مُبارک اوہ نیں جِنہاں ویکھیا نئیں تَد وی اِیمان لیاندا۔

یُوحنّا 4:49

اوس سردار اوہنوں آکھیا اَے خُداوند میرے بچّے دے مرن توں پہلاں چَل۔

اعمال 14:3

سو اوہناں اوس تھاں بڑا چِر لایا۔ تے خُداوند اُتّے آسرا کر کے دلیری نال کلام سُناندے رہے۔ تے اوہ اوہناں دی ہتّھِیں نشانِیاں تے کراماتاں وکھال کے اپنے فضل دے کلام اُتّے گواہی دیندا رہیا۔

اعمال 15:12

تَد ساری جماعت چُپ کر گئی۔ تے برنباس تے پَولُس توں سُنن لگّے۔ پئی خُدا نے کہیو جِہیاں نشانِیاں تے کراماتاں اوہناں دی ہتّھِیں غیر قوماں وِچ وکھالِیاں سن۔

اعمال 2:19

تے مَیں اُتانہہ اسمان وِچ عجب کمّ تے ہیٹھاں زمین اُتّے کراماتاں وکھاواں گا۔ یعنی لہو تے اَگ تے دُھوں دا بدّل وکھاواں گا۔

اعمال 2:22

اَے اِسرائیلیو! ایہہ گلّاں سُنو پئی یِسُوع ناصری اِک بندہ سی جِہدا خُدا دے ولّوں ہونا تُہاڈے اُتّے اوہناں کراماتاں تے نشانِیاں تے عجب کمّاں نال ثابت ہویا جیہڑے خُدا اوہدی ہتّھِیں تُہاڈے وِچ وکھالے۔ جیویں تُسی آپ جان دے ہو۔

اعمال 2:43

تے ہر اِک جان نُوں ڈر لگّا۔ تے بتھیرے عجب کمّ تے نشانِیاں رسُولاں دی راہِیں وکھالِیاں گِئیاں۔

اعمال 4:30

تے تُوں اپنا ہتّھ ولّ کرن لئی وَدّھا تے تیرے پاک خادم یِسُوع دے ناں اُتّے نشانِیاں تے عجب کمّ وکھائے جان۔

اعمال 5:12

تے رسُولاں دے ہتھّوں بُہت کراماتاں تے مُعجزے لوکاں وِچ ظاہر ہوئے تے سبھ اِک دِل ہو کے سُلیمان دے برانڈے وِچ اکٹّھے سن۔

اعمال 6:8

تے ستِفنُس فضل تے طاقت نال بھریا ہویا وڈّے وڈّے مُعجزے لوکاں وِچ کر دا سی۔

اعمال 7:36

اوہو اوہناں نُوں کڈھ لیایا تے مِصر تے لال سمُندر وِچ تے بیابان وِچ چالی ورھے کراماتاں تے نشانِیاں وکھاؤندا رہیا۔

رُومِیوں 15:19

بھانویں نشانِیاں تے کراماتاں دی قُدرت نال بھانویں پاک رُوح دی قُدرت نال۔ ایتھوں تِیکر پئی یرُوشلِیم توں لے کے اِلّرِکُم تِیکر وی مَیں پھیرا مار کے مسِیح دی خُوشخبری دی پُوری منادی کِیتی۔

۱-کُرِنتھِیوں 1:22

جیویں یہُودی نِشان منگدے نیں۔ تے یُونانی دانائی دی کھوج کر دے نیں۔

۲-کُرِنتھِیوں 12:12

رسُول ہوندیاں نشانِیاں پُورے صبر دے نال نشاناں تے عجب کمّاں تے کراماتاں دے وسیلے تُہاڈے وِچ ظاہر ہوئیاں۔

۲-تھِسّلُنِیکوں 2:9

یعنی اوہ بندہ جِہدا آؤنا شیطان دی تاثِیر دے سببّوں ہر طرح دی طاقت تے نشانِیاں تے جُھوٹھے عجوبیاں نال۔

عِبرانیوں 2:4

تے نال ای خُدا وی اپنی مرضی دے سببّوں نشاناں تے کراماتاں تے طرح طرح دے مُعجزیاں تے پاک رُوح دِیاں نِعمتاں دی راہِیں اوہدی گواہی دیندا رہیا۔