یُوحنّا 4:38 - پنجابی نواں عہد نامہ نظرثانی شدہ چھپائی

³⁸ مَیں تُہانوں اوہدے وَڈّھن نُوں گھلّیا جِہدی تُساں محنت نئیں کِیتی اے۔ ہورناں محنت کِیتی تے تُسی اوہناں دی محنت وِچ رَل گئے ہو۔

یُوحنّا 4:38 ပူးပေါင်းရင်းမြစ်များ

متّی 4:23

تے یِسُوع اوہناں دے عِبادتخانیاں وِچ سِکھاؤندا تے بادشاہی دی خُوشخبری دی منادی کر دا تے لوکاں دیاں ساریاں روگاں تے سارِیاں ماندگِیاں نُوں چَنگا کر دا ہویا سارے گلِیل وِچ پِھردا گیا۔

یُوحنّا 1:7

اوہ گواہی دے لئی آیا پئی چانن دی بابت گواہی دے۔ تاں جو سبھ لوک اوہدی راہِیں اِیمان لیاؤن۔

یُوحنّا 17:18

جیویں تُوں مَینُوں دُنیا وِچ گھلّیا۔ اوسے طرح مَیں وی اوہناں نُوں دُنیا وِچ گھلّیا۔

یُوحنّا 4:37

تے اوہدے اُتّے ایہہ اکھان ٹھیک آؤندا اے پئی ”بِیجے کوئی تے وَڈّھے کوئی۔“

یُوحنّا 4:39

تے اوس شہر وِچوں بتھیرے سامری لوک اوس عورت دی گواہی دے سبّب اوہدے اُتّے اِیمان لیائے پئی اوس آکھیا جو کُجھ مَیں کِیتا اوس سبھو کُجھ مَینُوں دس دِتّا۔

اعمال 2:41

سو جِنہاں اوہدی گلّ مَن لئی اوہناں بپتِسمہ لیا۔ تے اوسے دِن تِنّ کُو ہزار لوک اوہناں نال رَل گئے۔

اعمال 4:32

تے اِیمانداراں دی جماعت اِک دِل تے اِک جان سی۔ تے کوئی اپنے مال وِچوں کِسے شے نُوں اپنا نئیں سی آکھدا پر اوہ سبھ کُجھ سانجھا رکھدے سن۔

اعمال 4:4

پر بتھیریاں اوہناں وِچوں جِنہاں کلام سُنیا اِیمان لیاندا تے اوہ بندے گنتری وِچ پنج کُو ہزار ہوگئے سن۔

اعمال 5:14

تے ہور وی وَدّھ بندے تے زنانِیاں سگوں جماعتاں دِیاں جماعتاں اِیمان لیا کے خُداوند دے نال مِلدے جاندے سن۔

اعمال 6:7

تے خُدا دا کلام وَدھدا گیا۔ تے یرُوشلِیم وِچ شاگِرداں دی گنتری بُہت وَدّھ گئی۔ تے بتھیرے کاہِن ایس دِین وِچ آگئے۔

۲-کُرِنتھِیوں 10:15

تے اسی اندازیوں وَدّھ کے یعنی ہورناں دِیاں محِنتاں اُتّے فخر نئیں کر دے۔ پر اُمّیدوار آں پئی جد تُہاڈے اِیمان وِچ وادھا ہوئے تے اسی تُہاڈے سببّوں اپنی حد دے سببّوں ہور وی وَدِھیئے۔