یُوحنّا 4:14 - پنجابی نواں عہد نامہ نظرثانی شدہ چھپائی

¹⁴ پر جیہڑا اوس پانی توں پِیوے جیہڑا مَیں اوہنوں دیاں گا۔ اوہ کدی تریہایا نا ہوئے گا۔ پر جیہڑا پانی مَیں اوہنوں دیاں گا۔ اوہ اوہدے وِچ اِک چشمہ بن جاوے گا جیہڑا سدا دی زِندگی لئی وگدا رہے گا۔

یُوحنّا 4:14 ပူးပေါင်းရင်းမြစ်များ

متّی 25:46

تے اوہ ہمیشہ دی سزا وِچ جان گے۔ پر نیک ہمیشہ دی زِندگی وِچ۔

متّی 5:6

دھنّ نیں اوہ جیہڑے راستبازی دے بُھکھے تے تریہائے نیں کیوں جو اوہ رجائے جان گئے۔

یُوحنّا 10:10

چور بِناں چوری کرن تے کوہن تے چَوڑ کرن توں بِناں نئیں آؤندا۔ مَیں ایس لئی آیا ہاں پئی اوہناں کول جیون ہوئے تے بُہتا چوکھا ہوئے؟ سگوں بُہتا اوہناں نُوں مِلے۔

یُوحنّا 11:26

تے جیہڑا کوئی جِیوندا اے تے میرے اُتّے اِیمان لیاؤندا اے کدی وی نئیں مرے گا۔ تُوں ایہہ گلّ مننی ایں؟

یُوحنّا 4:10

یِسُوع اوہنوں آکھیا جے تُوں خُدا دی بخشِش نُوں جان دِیوں تے ایہہ وی جان دِیوں پئی اوہ کون اے جیہڑا تینُوں آکھدا اے پئی مَینُوں پانی پیا تاں تُوں اوہدے کولوں مَنگدِیوں تے اوہ تینُوں جیون دا پانی دیندا۔

یُوحنّا 4:11

اوہ عورت اوہنوں آکھن لگّی۔ جناب تواڈے کول تے ڈول وی نئیں اے تے کُھوہ ڈونگھا اے فیر اوہ جیون دا پانی تواڈے کول کِتّھوں آیا؟

یُوحنّا 4:13

یِسُوع اوہنوں آکھیا۔ ایس پانی نُوں جیہڑا پِیوے فیر تریہایا ہوئے گا۔

یُوحنّا 4:36

وَڈّھن والے نُوں مزدُوری مِلدی اے تے اوہ سدا دی زِندگی لئی پَھل اکٹّھا کر دا اے تاں جو بِیجن والا تے وَڈّھن والا رَل کے خُوشی کرن۔

یُوحنّا 6:27

فنا ہون والے کھانے لئی محنت نا کرو پر اوس کھانے لئی جیہڑا سدا دی زِندگی تِیکر رہن والا اے جیہڑا اِبنِ آدم تُہانوں دیوے گا کیوں جو خُدا جیہڑا باپ اے اوس اوہدے اُتّے مُہر کر دِتّی اے۔

یُوحنّا 6:35

یِسُوع اوہناں نُوں آکھیا زِندگی دی روٹی مَیں آں جیہڑا میرے کول آؤندا اے بُھکھا نا ہوئے گا۔ تے جیہڑا میرے اُتّے اِیمان لیاؤندا اے کدی وی تریہایا نا ہوئے گا۔

یُوحنّا 6:58

روٹی جیہڑی اسمانوں لتّھی ایہہ اے۔ اجیہی نئیں جیہڑی وڈّیاں کھادِی تے مر گئے۔ جیہڑا ایس روٹی نُوں کھائے سدا جیوے گا۔

یُوحنّا 7:37

چھیکڑلے دِن جیہڑا عید دا خاص دِن اے یِسُوع کھلو گیا تے اُچّی اُچّی آکھن لگّا جے کوئی تریہایا ہوئے تے میرے کول آئے تے پِیئے۔

رُومِیوں 5:21

تاں جو جیویں گُناہ مَوت وِچ بادشاہی کِیتی۔ ایسے طرح فضل دی زِندگی توڑی راستبازی دی راہِیں یِسُوع مسِیح ساڈے خُداوند دی راہِیں بادشاہی کرے۔

رُومِیوں 6:23

کیوں جو گُناہ دی مزدُوری مَوت اے۔ پر خُدا دی بخشِش ساڈے خُداوند یِسُوع مسِیح وِچ ہمیشہ دی زِندگی اے۔

۲-کُرِنتھِیوں 1:22

جِس ساڈے اُتّے مُہر وی لائی۔ تے رُوح دی سائی ساڈے دِلاں وِچ دِتّی۔

اِفسِیوں 4:30

تے خُدا دے پاک رُوح نُوں نا کلپاؤ جِہدی ساڈے اُتّے چُھٹکارے دے دِن لئی مُہر لگّی ہوئی اے۔

۱-پطرس 1:22

ایس کر کے پئی تُساں سچیائی نُوں مَن کے بھراواں نال سَچّی مُحبّت کرن لئی اپنیاں دِلاں نُوں پاک کِیتا اے۔ دِلوں جانوں آپو وِچ مُحبّت کرو۔

۱-یُوحنّا 5:20

تے ایہہ وی جاننے آں پئی خُدا دا پُتر آگیا اے۔ تے اوس سانُوں سمجھ دِتّی اے۔ تاں جو اوہنوں جیہڑا اصلی اے جانئے۔ تے اسی اوہدے وِچ۔ جیہڑا اصلی اے یعنی اوہدے پُتر یِسُوع مسِیح وِچ آں۔ اصلی خُدا تے ہمیشہ دی زِندگی ایہی اے۔

مُکاشفہ 7:16

ایہدے پِچّھوں نا کدی اوہناں نُوں بُھکھ لگّے گی نا تَریہہ نا کدی اوہناں نُوں دُھپ ستائے گی نا گرمی۔

مُکاشفہ 7:17

کیوں جو جیہڑا لیلا تخت دے وِچ اے۔ اوہ اوہناں دی نِگہبانی کرے گا۔ تے اوہناں نُوں زِندگی دے پانی دے سوتیاں کول لے جائے گا۔ تے خُدا اوہناں دِیاں اَکھّیاں توں سارے اتھرُو پُونجھ دے گا۔