یُوحنّا 3:5 - پنجابی نواں عہد نامہ نظرثانی شدہ چھپائی

⁵ یِسُوع جواب دِتّا مَیں تینُوں سَچ سَچ آکھنا آں جے کوئی پانی تے رُوح تُھوں نا جمّے اوہ خُدا دی بادشاہی وِچ وڑ نئیں سکدا۔

یُوحنّا 3:5 ပူးပေါင်းရင်းမြစ်များ

متّی 18:3

تے آکھیا مَیں تُہانوں سَچ آکھنا آں پئی جے تُسی نا مُڑو تے بچّیاں وانگُوں نا بنو تُسی اسمان دی بادشاہی وِچ کدی نا وڑو گے۔

متّی 19:24

تے فیر مَیں تُہانوں آکھنا آں پئی سُوئی دے نکّے وِچوں اُوٹھ دا لنگھناں ایس نالوں سوکھالا اے پئی دَولتمند بندہ خُدا دی بادشاہی وِچ داخل ہوئے۔

متّی 21:31

اوہناں دوہاں وِچوں کِس پئیو دی مرضی پُوری کِیتی؟ اوہ آکھن لگّے پہلے نے۔ یِسُوع اوہناں نُوں آکھیا۔ مَیں تُہانوں سَچ آکھنا آں پئی محصُولئے تے کسبیاں تُہاڈے توں اگّے خُدا دی بادشاہی وِچ جاندے نیں۔

متّی 28:19

ایس کر کے تُسی جاؤ تے سارِیاں قوماں نُوں شاگِرد بناؤ۔ تے باپ تے پُتر تے پاک رُوح دے نال اُتّے اوہناں نُوں بپتِسمہ دیو۔

متّی 3:11

مَیں تے تُہانوں تَوبہ دے واسطے پانی نال بپتِسمہ دینا آں۔ پر اوہ جیہڑا میرے پِچّھے آؤندا اے مَیتھوں زوراور اے۔ اوہدی جُتّی چُکن دے مَیں لائق نئیں آں۔ اوہ ای تُہانوں پاک رُوح تے اَگ نال بپتِسمہ دیوے گا۔

متّی 5:20

مَیں تُہانوں دسنا آں پئی جے تُہاڈی راستبازی فقِیہاں تے فرِیسیاں دی راستبازی نالوں وَدّھ نا جائے گی تُسی اسمان دی بادشاہی وِچ کدی وی نا جاؤ گے۔

مرقس 10:14

یِسُوع ایہہ ویکھ کے بُہت ناراض ہویا۔ تے اوہناں نُوں آکھیا۔ بالاں نُوں میرے کول آؤن دیو۔ اوہناں نُوں نا روکو۔ کیوں جو خُدا دی بادشاہی ایہناں جیہاں دی اے۔

مرقس 16:16

جیہڑا اِیمان لیاؤندا تے بپتِسمہ پاندا اے۔ سو ای نجات پاوے گا۔ تے جیہڑا اِیمان نئیں لیاؤندا۔ اوہ مُجرم کِیتا جاوے گا۔

مرقس 9:47

تے جے تیری اَکھ تینُوں ٹھوکر کھوائے۔ تے اوہنوں کڈھ سُٹ۔ خُدا دی بادشاہی وِچ کانیاں ہو کے وڑنا تیرے لئی ایہدے نالوں چَنگا اے پئی دو اَکھّیاں ہوندیاں جہنّم وِچ سُٹّیا جائیں۔

لُوقا 13:24

دِلوں کوشش کرو۔ پئی بِھیڑے بُوہے توں وڑو۔ کیوں جو مَیں تُہانوں آکھناں آں۔ پئی بتھیرے وڑنا چاہن گے پر وڑ نا سکن گے۔

لُوقا 13:3

مَیں تُہانوں آکھنا آں پئی نئیں۔ پر جے تُسی تَوبہ نا کرو۔ تے تُسی سبھو ایسے طرح ہلاک ہوؤگے۔

لُوقا 13:5

مَیں تُہانوں آکھنا آں نئیں۔ پر جے تُسی تَوبہ نا کرو تے سبھو ایسے طرح ہلاک ہوؤگے۔

یُوحنّا 1:13

اوہ نا لہو توں نا بدن دی چاہ توں نا اِنسان دی چاہ توں پر خُدا توں پَیدا ہوئے سن۔

یُوحنّا 3:3

یِسُوع اوہنوں جواب دِتّا مَیں تینُوں سَچ سَچ آکھنا آں کوئی بندہ جے نَوِیں سِریوں نا جمّے اوہ خُدا دی بادشاہی نُوں ویکھ نئیں سکدا۔

یُوحنّا 3:4

نِیکُدِیمُس اوہنوں آکھیا بندہ جد بُڈّھا ہوگیا تے اوہ کِیویں جَم سکدا اے؟ کوئی اپنی ماں دے ڈِھڈ وِچ دُوجی وار جا سکدا اے تے جَم سکدا اے؟

اعمال 2:38

تَد پطرس اوہناں نُوں آکھیا۔ تَوبہ کرو۔ تے تُہاڈے وِچوں ہر اِک اپنے گُناہاں دی مُعافی لئی یِسُوع مسِیح دے ناں اُتّے بپتِسمہ لے لَئے۔ تاں پاک رُوح تُہانوں اِنعام وِچ مِلے گا۔

اعمال 3:19

سو تَوبہ کرو تے پِھرو تاں جو تُہاڈے گُناہ مٹائے جان۔ تے جد خُداوند دی درگاہوں خُوشحالی دے دِن آؤن۔

رُومِیوں 14:17

کیوں جو خُداوند دی بادشاہی کھانا پِینا نئیں اے۔ سگوں راستبازی تے میل ملاپ تے پاک رُوح وِچ خُوشی اے۔

رُومِیوں 8:2

کیوں جو جیہڑی زِندگی مسِیح یِسُوع وِچ اے۔ اوہدے رُوح دی شریعت مَینُوں گُناہ تے مَوت دی شریعت توں چھڈا دِتّا۔

۱-کُرِنتھِیوں 15:50

بھراؤ! مَیں ایہہ آکھنا آں۔ پئی ماس تے لہو خُدا دی بادشاہی دے وارث نئیں ہوسکدے نا ناس ہون والا بقا دا وارث ہوسکدا اے۔

۱-کُرِنتھِیوں 2:12

پر سانُوں دُنیا دی رُوح نئیں۔ سگوں اوہ رُوح مِلیا اے جیہڑا خُدا ولّوں اے۔ تاں جو اوہناں گلّاں نُوں جانئے جیہڑیاں خُدا سانُوں دان کِیتیاں نیں۔

۱-کُرِنتھِیوں 6:11

تے کئی تُہاڈے وِچ اجیہے اے سن وی۔ پر تُسی خُداوند یِسُوع مسِیح دے ناں اُتّے تے ساڈے خُدا دے رُوح نال دھوئے گئے تے پاک ہوئے تے راستباز ٹھہرے۔

گلتِیوں 6:15

کیوں جو نا تے سُنتی بہنا ای کوئی شے اے۔ تے نا سُنتی نا بہنا۔ پر نَوِیں سِریوں جمّنا۔

اِفسِیوں 5:26

تاں جو اوہنوں کلام دی راہِیں پانی نال نوھا کے تے صاف کر کے پاک بنائے۔

۱-پطرس 1:2

خُدا باپ دے اگیترے عِلم دے سببّوں رُوح دے پاک کرن نال تابعدار ہون تے یِسُوع مسِیح دا لہو چِھڑکے جان واسطے چُنے ہوئے نیں۔ فضل تے تسلّی تُہانوں مِلدی رہے۔

۱-پطرس 3:21

تے ٹھیک اوسے پانی وانگر بپتِسمہ وی یِسُوع مسِیح دے جی اُٹھن دی راہِیں ہُن تُہانوں بچاندا اے۔ اوہدے توں جِسم دی مَیل دُور کرنا نئیں پر چنگی نِیّت نال خُدا دا طالب ہونا مُراد اے۔

۱-یُوحنّا 2:29

جے تُسی ایہہ جان دے ہو۔ پئی اوہ راستباز اے تے ایہہ وی جان دے ہو۔ پئی جیہڑا راستبازی کر دا اے۔ اوہ اوہدے توں جمّیا اے۔

۱-یُوحنّا 5:1

جِہدا اِیمان اے۔ پئی یِسُوع ای مسِیح اے۔ اوہ خُدا توں جمّیا اے۔ تے جیہڑا کوئی جمان والے نال مُحبّت کر دا اے۔ اوہ اوہدے جمّیاں نال وی مُحبّت کر دا اے۔