یُوحنّا 3:17 - پنجابی نواں عہد نامہ نظرثانی شدہ چھپائی

¹⁷ کیوں جو خُدا اپنے پُتر نُوں دُنیا وِچ ایس لئی نئیں گھلّیا پئی دُنیا دی عدالت کرے سگوں ایس لئی پئی دُنیا اوہدے سببّوں بچ جائے۔

یُوحنّا 3:17 ပူးပေါင်းရင်းမြစ်များ

متّی 1:23

”ویکھو اِک کواری جمّن والی ہوئے گی تے اوہدے ولّ پُتر ہوئے گا۔ تے اوہدا ناں عمانوایل رکھن گے۔ جِہدا مطلب اے خُدا ساڈے نال۔“

متّی 18:10

خبردار ایہناں نِکّیاں وِچوں کِسے نُوں ماڑا نا جانو۔ کیوں جو مَیں تُہانوں آکھنا آں۔ پئی اوہناں دے فرِشتے اسماناں وِچ ہمیشہ میرے باپ دا مُنھ جیہڑا اسماناں وِچ اے ویکھدے نیں۔

متّی 18:11

[کیوں جو اِبنِ آدم گواچے ہویاں نُوں لَبّھن تے بچان آیا اے۔]

لُوقا 19:10

کیوں جو اِبنِ آدم گواچے ہویاں نُوں لَبّھن تے بچان آیا اے۔

لُوقا 9:56

کیوں جو اِبنِ آدم لوکاں دی جان برباد کرن نئیں سگوں بچان آیا] تَد اوہ ہور پِنڈ نُوں ٹُر گئے۔

یُوحنّا 1:29

دُوجے دِن یُوحنّا یِسُوع نُوں اپنے ولّ آؤندیاں ویکھ کے آکھیا ویکھو خُدا دا برّہ جیہڑا دُنیا دا گُناہ چُک لے جاندا اے۔

یُوحنّا 10:36

جِہنُوں باپ نیں مُقدّس کِیتا تے دُنیا وِچ گھلّیا۔ تُسی اوہنوں آکھدے ہو پئی تُوں کُفر بکنا ایں۔ جد مَیں آکھیا پئی مَیں خُدا دا پُتر آں؟

یُوحنّا 11:42

تے مَینُوں تے پتا سی پئی تُوں ہمیش میری سُندا ایں۔ پر لوکاں لئی جیہڑے میرے آلے دوالے کھلوتے ہوئے نیں مَیں ایہہ آکھیا تاں جو اِیمان لیاؤن پئی تُوں مَینُوں گھلّیا اے۔

یُوحنّا 17:18

جیویں تُوں مَینُوں دُنیا وِچ گھلّیا۔ اوسے طرح مَیں وی اوہناں نُوں دُنیا وِچ گھلّیا۔

یُوحنّا 17:21

تاں جو سبھ اِک ہون پئی جیویں اَے باپ تُوں میرے وِچ تے مَیں تیرے وِچ آں اوہ وی ساڈے وِچ ہون تاں جو دُنیا اِیمان لیاوے پئی تُوں مَینُوں گھلّیا۔

یُوحنّا 17:23

مَیں اوہناں وِچ تے تُوں میرے وِچ تاں جو کامِل ہو کے اِک ہو جان۔ تے دُنیا جانے پئی تُوں مَینُوں گھلّیا۔ تے جِس طرح تُوں مَینُوں پیار کِیتا اوسے طرح تُوں اوہناں نُوں وی پیار کِیتا۔

یُوحنّا 17:25

اے سَچّے مُنصف باپ دُنیا تینُوں نئیں جانیا پر مَیں تینُوں جانیا۔ تے اوہناں جانیا پئی تُوں مَینُوں گھلّیا۔

یُوحنّا 17:3

تے سدا دی زِندگی ایہہ اے پئی اوہ تینُوں جانن جیہڑا اکلّا سَچّا خُدا ایں تے نالے یِسُوع مسِیح نُوں جِہنُوں تُوں گھلّیا اے۔

یُوحنّا 17:8

ایس لئی پئی ایہہ کلام جیہڑا تُوں مَینُوں دِتّا مَیں اوہناں نُوں دِتّا اے۔ تے اوہناں قبول کِیتا تے سَچ مَنّیا پئی مَیں تیرے ولّوں نِکلیا۔ تے اِیمان لیاندا پئی تُوں مَینُوں گھلّیا۔

یُوحنّا 20:21

تَد یِسُوع اوہناں نُوں فیر آکھیا تُہاڈی سلامتی ہوئے۔ باپ نیں جیویں مَینُوں گھلّیا اے اوسے طرح مَیں تُہانوں گھلّنا آں۔

یُوحنّا 3:34

کیوں جو جِہنُوں خُدا گھلّیا اوہ خُدا دِیاں گلّاں کر دا اے۔ ایس لئی پئی اوہ رُوح مِن کے نئیں دیندا۔

یُوحنّا 5:36

پر میرے کول جیہڑی گواہی اے اوہ یُوحنّا دی گواہی توں وڈّی اے کیوں جو جیہڑے کمّ باپ میرے سپُرد کِیتے پئی مَیں اوہناں نُوں پُوریاں کراں یعنی ایہو کمّ جیہڑے مَیں کرنا آں اوہ میرے حق وِچ گواہی دیندے نیں پئی باپ مَینُوں گھلّیا اے۔

یُوحنّا 5:38

تے اوہدا کلام تُہاڈے وِچ نئیں رہندا کیوں جو جِہنُوں اوس گھلّیا تُسی اوہنوں نئیں مَن دے۔

یُوحنّا 5:45

ایہہ نا سمجھو پئی مَیں باپ اگّے تُہاڈے اُتّے الزام لاواں گا۔ اِک اے تُہاڈے اُتّے الزام لان والا یعنی مُوسیٰ جِہدے اُتّے تُساں بھروسا رکھیا ہویا اے۔

یُوحنّا 6:29

یِسُوع اوہناں نُوں جواب دِتّا خُدا دا کمّ ایہہ اے پئی تُسی اوہدے اُتّے جِہنُوں اوس گھلّیا اے اِیمان لیاؤ۔

یُوحنّا 6:38

کیوں جو مَیں اسمانوں اپنی مرضی پُوری کرن نُوں نئیں لتّھا آں۔ پر اوہدی مرضی جِس مَینُوں گھلّیا اے۔

یُوحنّا 6:40

کیوں جو میرے باپ دی ایہہ مرضی اے پئی جیہڑا پُتر نُوں ویکھدا اے تے اوہدے اُتّے اِیمان لیاؤندا اے سدا دی زِندگی اوہنوں مِلے۔ تے اخِیری دِن مَیں اوہنوں فیر زِندہ کراں گا۔

یُوحنّا 6:57

جیویں باپ جیہڑا جِیوندا اے مَینُوں گھلّیا تے مَیں باپ دے سبّب جِیوناں آں۔ اوہ وی جیہڑا مَینُوں کھاندا اے میرے سبّب جیوے گا۔

یُوحنّا 7:29

مَیں اوہنوں جاننا آں کیوں جو مَیں اوہدے ولّوں آں تے اوس مَینُوں گھلّیا۔

یُوحنّا 8:11

تے اوس آکھیا اَے خُداوند کِسے وی نئیں۔ تَد یِسُوع اوہنوں آکھیا مَیں وی تیرے اُتّے فتویٰ نئیں دیندا۔ ٹُر جا تے ایدوں اگّے مُڑ کدی گُناہ نا کریں۔]

یُوحنّا 8:42

یِسُوع اوہناں نُوں آکھیا جے خُدا تُہاڈا باپ ہوندا تے تُسی مَینُوں پیار کر دے۔ کیوں جو مَیں خُدا توں نِکلیا تے آیا آں۔ تے مَیں آپ توں نئیں آیا آں پر اوس مَینُوں گھلّیا۔

۱-یُوحنّا 2:2

تے اوہ ساڈے گُناہاں دا کفّارہ اے۔ تے نِرے ساڈیاں دا ای نئیں سگوں ساری دُنیا دا وی۔

۱-یُوحنّا 4:14

تے اساں ویکھ لیا اے تے گواہی دینے آں پئی باپ پُتر نُوں دُنیا دا نجات دین والا ہون واسطے گھلّیا۔