یُوحنّا 3:15 - پنجابی نواں عہد نامہ نظرثانی شدہ چھپائی

¹⁵ تاں جو جیہڑا کوئی اِیمان لیاوے اوہنوں اوہدے وِچ سدا دی زِندگی مِلے۔

یُوحنّا 3:15 ပူးပေါင်းရင်းမြစ်များ

متّی 18:10

خبردار ایہناں نِکّیاں وِچوں کِسے نُوں ماڑا نا جانو۔ کیوں جو مَیں تُہانوں آکھنا آں۔ پئی اوہناں دے فرِشتے اسماناں وِچ ہمیشہ میرے باپ دا مُنھ جیہڑا اسماناں وِچ اے ویکھدے نیں۔

متّی 25:46

تے اوہ ہمیشہ دی سزا وِچ جان گے۔ پر نیک ہمیشہ دی زِندگی وِچ۔

مرقس 16:16

جیہڑا اِیمان لیاؤندا تے بپتِسمہ پاندا اے۔ سو ای نجات پاوے گا۔ تے جیہڑا اِیمان نئیں لیاؤندا۔ اوہ مُجرم کِیتا جاوے گا۔

لُوقا 19:10

کیوں جو اِبنِ آدم گواچے ہویاں نُوں لَبّھن تے بچان آیا اے۔

یُوحنّا 1:12

پر جِنّیاں اوہنوں قبول کِیتا اوس اوہناں نُوں حق دِتّا پئی خُدا دے پُتر بن جان یعنی اوہناں نُوں جیہڑے اوہدے ناں اُتّے اِیمان لیاؤندے نیں۔

یُوحنّا 16:33

ایہہ گلّاں مَیں تُہانوں آکھیاں نیں تاں جو تُہانوں میرے وِچ سُکھ مِلے۔ دُنیا وِچ تُہانوں دُکھ اے پر تگڑے رہو کیوں جو مَیں دُنیا نُوں جِت لیا اے۔

یُوحنّا 20:31

پر ایہہ لِکھیاں گِئیاں نیں تاں جو تُسی اِیمان لیاؤ پئی یِسُوع جو اے اوہو مسِیح خُدا دا پُتر اے۔ تے اِیمان لیا کے اوہدے ناں توں تُہانوں زِندگی مِلے۔

یُوحنّا 3:16

کیوں جو خُدا دُنیا نُوں اجیہا پیار کِیتا پئی اوس اپنا اِکلَوتا پُتر بخشیا تاں جو جیہڑا اوہدے اُتّے اِیمان لیاوے اوہ ہلاک نا ہوئے سگوں اوہنوں سدا دی زِندگی مِلے۔

یُوحنّا 3:36

جیہڑا پُتر اُتّے اِیمان لیاؤندا اے سدا دی زِندگی اوہدی اے۔ پر جیہڑا پُتر نُوں نئیں مَندا اوہ تے زِندگی نئیں ویکھے گا سگوں خُدا دا قَہر اوہدے اُتّے رہندا اے۔

یُوحنّا 5:24

مَیں تُہانوں سَچ سَچ آکھنا آں پئی اوہ جیہڑا میرا کلام سُندا اے تے اوہدے اُتّے جِس مَینُوں گھلّیا اے اِیمان لیاؤندا اے سدا دی زِندگی اوہدی اے۔ تے اوہ عدالت وِچ نئیں آؤندا سگوں مَوت توں لنگھ کے اوہ زِندگی وِچ جا اَپڑیا اے۔

یُوحنّا 6:27

فنا ہون والے کھانے لئی محنت نا کرو پر اوس کھانے لئی جیہڑا سدا دی زِندگی تِیکر رہن والا اے جیہڑا اِبنِ آدم تُہانوں دیوے گا کیوں جو خُدا جیہڑا باپ اے اوس اوہدے اُتّے مُہر کر دِتّی اے۔

یُوحنّا 6:40

کیوں جو میرے باپ دی ایہہ مرضی اے پئی جیہڑا پُتر نُوں ویکھدا اے تے اوہدے اُتّے اِیمان لیاؤندا اے سدا دی زِندگی اوہنوں مِلے۔ تے اخِیری دِن مَیں اوہنوں فیر زِندہ کراں گا۔

یُوحنّا 6:47

مَیں تُہانوں سَچ سَچ آکھنا آں پئی جیہڑا میرے اُتّے اِیمان لیاؤندا اے سدا دی زِندگی اوہدی اے۔

اعمال 13:41

پئی اَے حقارت کرن والیو۔ دھیان کرو تے تعجُّب کرو۔ تے فنا ہو جاؤ۔ کیوں جو مَیں تُہاڈے دِناں وِچ اِک کمّ کرنا آں اجیہا کمّ پئی جے کوئی تُہاڈے اگّے بیان کرے تُسی کدی وی سَچ نا مَنّو گے۔

اعمال 8:36

تے جاندِیاں جاندِیاں راہ وِچ اوہ اِک پانی اُتّے اَپڑے۔ تاں کُھسرے آکھیا۔ ویکھ ایہہ پانی اے بپتِسمہ لین توں مَینُوں کِیہ روکدا اے؟

رُومِیوں 5:21

تاں جو جیویں گُناہ مَوت وِچ بادشاہی کِیتی۔ ایسے طرح فضل دی زِندگی توڑی راستبازی دی راہِیں یِسُوع مسِیح ساڈے خُداوند دی راہِیں بادشاہی کرے۔

۱-کُرِنتھِیوں 1:18

کیوں جو صلِیب دی منادی ناس ہون والیاں واسطے تے مُورکھ اے۔ پر ساڈے نجات لین والیاں واسطے خُدا دی قُدرت اے۔

۲-کُرِنتھِیوں 4:3

تے جے ساڈی خُوشخبری اُتّے پردہ پیا ہویا اے۔ تے ہلاک ہون والیاں ای دے لئی پیا اے۔

گلتِیوں 2:16

تَد وی ایہہ جان کے پئی بندہ شریعت دے کمّاں نال نئیں سگوں نِرا یِسُوع مسِیح اُتّے اِیمان لیاؤن نال راستباز ٹھہردا اے۔ اساں آپ وی مسِیح یِسُوع اُتّے اِیمان لیاندا۔ ایس کر کے پئی اسی مسِیح اُتّے اِیمان لیاؤن نال راستباز سمجھے جائیے نا شریعت دیاں کمّاں نال۔ کیوں جو شریعت دیاں کمّاں نال کِسے راستباز نئیں ٹھہرنا۔

گلتِیوں 2:20

مَیں مسِیح دے نال سُولی دِتّا گیا آں ہُن مَیں جِیوندا نا رہیا۔ سگوں مسِیح میرے وِچ جِیوندا اے۔ تے مَیں جیہڑا ہُن جِسم وِچ جِیوناں آں۔ تے خُدا دے پُتر اُتّے اِیمان لیاؤن نال جِیوناں آں۔ جِس مَینُوں پیار کِیتا تے میری تھانویں اپنا آپ دے دِتّا۔

عِبرانیوں 10:39

پر اسی ناس ہون لئی پِچھّاں کھِسکن والے نئیں سگوں اوہناں وِچوں آں جیہڑے جان بچان لئی اِیمان لیاؤندے نیں۔

عِبرانیوں 7:25

ایس واسطے جیہڑے اوہدے راہِیں خُدا کول آوندے نیں اوہ اوہناں نُوں پُوری نجات دے سکدا اے۔ کیوں جو اوہ اوہناں دی سفارِش لئی ہمیشہ جِیوندا اے۔

۱-یُوحنّا 2:25

تے جیہڑی گلّ دا اوس ساڈے نال وعدہ کِیتا اے اوہ سدا دی زِندگی اے۔

۱-یُوحنّا 5:1

جِہدا اِیمان اے۔ پئی یِسُوع ای مسِیح اے۔ اوہ خُدا توں جمّیا اے۔ تے جیہڑا کوئی جمان والے نال مُحبّت کر دا اے۔ اوہ اوہدے جمّیاں نال وی مُحبّت کر دا اے۔

۱-یُوحنّا 5:20

تے ایہہ وی جاننے آں پئی خُدا دا پُتر آگیا اے۔ تے اوس سانُوں سمجھ دِتّی اے۔ تاں جو اوہنوں جیہڑا اصلی اے جانئے۔ تے اسی اوہدے وِچ۔ جیہڑا اصلی اے یعنی اوہدے پُتر یِسُوع مسِیح وِچ آں۔ اصلی خُدا تے ہمیشہ دی زِندگی ایہی اے۔