یُوحنّا 3:11 - پنجابی نواں عہد نامہ نظرثانی شدہ چھپائی

¹¹ مَیں تینُوں سَچ سَچ آکھنا آں پئی جو کُجھ اسی جاننے آں سو بولنے آں تے جِہنُوں اساں ویکھیا اے اوہدی گواہی دینے آں تُسی ساڈی گواہی قبول نئیں کر دے اوہ۔

یُوحنّا 3:11 ပူးပေါင်းရင်းမြစ်များ

متّی 11:27

سارِیاں شیواں میرے باپ توں مَینُوں سونپِیاں گِیئاں۔ تے کوئی پُتر نُوں نئیں جان دا پر باپ۔ تے نا باپ نُوں کوئی جان دا اے پر پُتر۔ تے اوہ جِہدے اُتّے پُتر اوہنوں ظاہر کرنا چاہے۔

متّی 23:37

اَے یرُوشلِیم اَے یرُوشلِیم نبیاں نُوں مار سُٹّن والی تے اوہناں نُوں پتّھراؤ کرن والی جیہڑے تیرے کول گھلّے گئے سن۔ کِنی واری مَیں چاہندا ساں پئی تیرے بچّیاں نُوں اوسے طرح اکٹّھے کراں۔ جیویں کُکّڑی اپنے چُوچیاں نُوں کھنباں ہیٹھ اکٹّھے کر دی اے پر تُسی نئیں سو چاہندے۔

لُوقا 10:22

سبھ کُجھ میرے باپ ولّوں مَینُوں دِتّا گیا اے۔ تے کوئی پُتر نُوں بِناں باپ دے نئیں جان دا۔ پئی اوہ کون اے۔ تے نا کوئی باپ نُوں جان دا اے پئی اوہ کون اے۔ بِناں پُتر دے۔ تے اوہ جِہدے اُتّے پُتر اوہنوں ظاہر کرنا چاہے۔

یُوحنّا 1:11

اوہ اپنیاں کول آیا تے اوہناں اوہنوں قبول نا کِیتا۔

یُوحنّا 1:18

خُدا نُوں کدی کِسے نئیں ڈِٹّھا پر اِکلَوتے پُتر نیں جیہڑا باپ دی گدّ وِچ اے اوہنوں ظاہر کِیتا۔

یُوحنّا 12:49

کیوں جو مَیں اپنے ولّوں نئیں بولیا پر باپ جِس مَینُوں گھلّیا اوس مَینُوں حُکم دِتّا اے پئی مَیں کِیہ آکھاں تے کِیہ بولاں۔

یُوحنّا 14:24

اوہ جیہڑا مَینُوں پیار نئیں کر دا اوہ میرے کلام نُوں نئیں مَن دا۔ تے جیہڑا کلام تُسی سُندے ہو میرا نئیں پر باپ دا اے جِس مَینُوں گھلّیا۔

یُوحنّا 3:12

جدوں مَیں تُہانوں زمین دِیاں گلّاں دسیاں نیں تے تُسی نئیں مَن دے تدوں تُسی کِیویں مَنّو گے جے مَیں اسمان دِیاں گلّاں تُہانوں دساں؟

یُوحنّا 3:13

تے اسمان اُتّے کوئی نئیں چڑھیا اوہدے سِوا جیہڑا اسمانوں لتّھا اے۔ یعنی اِبنِ آدم جیہڑا اسمان دے وِچ اے۔

یُوحنّا 3:3

یِسُوع اوہنوں جواب دِتّا مَیں تینُوں سَچ سَچ آکھنا آں کوئی بندہ جے نَوِیں سِریوں نا جمّے اوہ خُدا دی بادشاہی نُوں ویکھ نئیں سکدا۔

یُوحنّا 3:5

یِسُوع جواب دِتّا مَیں تینُوں سَچ سَچ آکھنا آں جے کوئی پانی تے رُوح تُھوں نا جمّے اوہ خُدا دی بادشاہی وِچ وڑ نئیں سکدا۔

یُوحنّا 5:43

مَیں اپنے باپ دے ناں اُتّے آیا آں تے تُسی مَینُوں قبول نئیں کر دے۔ جے ہور کوئی اپنے ای ناں اُتّے آوے اوہنوں تُسی قبول کر لوؤ گے۔

یُوحنّا 7:16

تَد یِسُوع اوہناں نُوں جواب دِتّا۔ میری تعلِیم میری نئیں پر میرے گھلّن والے دی اے۔

یُوحنّا 8:14

یِسُوع اوہناں نُوں آکھیا۔ بھانویں مَیں آپ اپنے حق وِچ گواہی دینا آں تے وی میری گواہی سَچّی اے کیوں جو مَیں جاننا آں پئی کِدھروں آیا تے کِدھر نُوں جانا آں۔ پر تُسی نئیں جان دے پئی کِدھروں آیا آں تے کِدھر نُوں جاناں آں۔

یُوحنّا 8:26

مَینُوں تُہاڈی بابت بُہت کُجھ بولنا تے فیصلہ کرنا اے۔ پر میرا گھلّن والا سَچّا اے۔ تے جیہڑیاں گلّاں مَیں اوہدے کولوں سُنیاں نیں سو ای مَیں دُنیا وِچ بولنا آں۔

یُوحنّا 8:38

جو کُجھ مَیں اپنے باپ کول ویکھیا اے اوہو مَیں بولنا آں۔ تے تُسی اوہو کر دے ہو جیہڑا تُساں اپنے پئیو کولوں سُنیا اے۔

اعمال 22:18

تے اوہ مَینُوں آکھدا سی۔ پئی چھیتی کر۔ یرُوشلِیم توں فٹافٹ نِکل جا۔ کیوں جو تیری گواہی نُوں میری بابت اوہ قبول نا کرن گے۔

۲-کُرِنتھِیوں 4:4

یعنی اوہناں بے اِیماناں لئی جِنہاں دِیاں اَکھّیاں نُوں ایس جہان دے خُدا اَنھیاں کر دِتّا اے۔ تاں جو مسِیح جیہڑا خُدا دی صُورت اے اوہدے جلال دی خُوشخبری دا چانن اوہناں اُتّے نا پئے۔

مُکاشفہ 1:5

تے یِسُوع مسِیح ولّوں جیہڑا سَچّا گواہ تے مُردیاں وِچوں جی اُٹھن والیاں دا پلیٹھا اے۔ تے دُنیا دے بادشاہاں دا حاکم اے۔ جیہڑا ساڈے نال مُحبّت رکھدا اے تے جِس اپنے خُون دی راہِیں سانُوں گُناہ توں خلاصی بخشی۔

مُکاشفہ 3:14

تے لَودِیکیہ دی کلِیسیا دے فرِشتے نُوں ایہہ لِکھ پئی جیہڑا آمِین تے سَچّا تے برحق گواہ تے خُدا دی خلقت دا مُڈھ اے اوہ ایہہ آکھدا اے پئی۔