یُوحنّا 21:22 - پنجابی نواں عہد نامہ نظرثانی شدہ چھپائی

²² یِسُوع اوہنوں آکھیا جے میری مرضی ہوئے پئی ایہہ میرے آؤن تِیکر اے تے تینُوں کِیہ؟ تُوں میرے مگر آ

یُوحنّا 21:22 ပူးပေါင်းရင်းမြစ်များ

متّی 16:24

تَد یِسُوع نے اپنے شاگِرداں نُوں آکھیا۔ جے کوئی میرے پِچّھے آؤنا چاہے تے اپنے آپ دا اِنکار کرے تے اپنی صلِیب چُک کے میرے مگر ٹُر پئے۔

متّی 24:27

کیوں جو جیویں بِجلی چڑھدیوں نِکل کے لہندے تِیکر لِشک مار دی اے اونویں ای اِبنِ آدم دا آؤنا ہوئے گا۔

متّی 24:3

تے جد اوہ زَیتُوناں دے پہاڑ اُتّے بَیٹھا ہویا سی اوہدے شاگِرداں وَکھریاں ہو کے اوہدے کولوں پُچھیا۔ سانُوں دس ایہہ گلّاں کدوں ہون گِیاں؟ تے تیرے آؤن دا تے ایس زمانے دے مُک جان دا کِیہ نِشان اے؟

متّی 24:44

ایس کر کے تُسی وی تیار رہو۔ کیوں جو جِس گھڑی تُہانوں کوئی چِت چیتا نا ہوئے اوس گھڑی اِبنِ آدم آوے گا۔

متّی 25:31

جد اِبنِ آدم اپنے جلال وِچ آوے گا تے سارے فرِشتے اوہدے نال تَد اوہ اپنے جلال دے تخت اُتّے بَہے گا۔

متّی 8:22

پر یِسُوع اوہنوں آکھیا میرے مگر ٹُر آ۔ تے مُردیاں نُوں اپنے مُردے دفناں دے۔

مرقس 9:1

تے اوس اوہناں نُوں آکھیا۔ مَیں تُہانوں سَچ آکھنا آں پئی بعضے جیہڑے ایتھے کھلوتے نیں۔ جد تِیکر خُدا دی بادشاہی نُوں قُدرت نال آیا نا ویکھن گے کدی مَوت دا سواد نا لین گے۔

یُوحنّا 21:19

اوس ایس گلّ نال اشارہ کِیتا پئی اوہ کیہڑی مَوت نال خُدا دی وڈیائی کرے گا تے ایہہ آکھ کے آکھیا میرے مگر آ۔

یُوحنّا 21:21

سو پطرس اوہنوں ویکھ کے یِسُوع نُوں آکھیا اَے خُداوند اوہدا کِیہ ہوئے گا؟

۱-کُرِنتھِیوں 11:26

کیوں جو جدوں کَدے تُسی ایہہ روٹی کھاندے تے ایس پیالے وِچوں پِیندے اوہ۔ تے خُداوند دی مَوت دا ہوکا دیندے اوہ۔ جد تِیکر نا آوے۔

۱-کُرِنتھِیوں 4:5

سو جد تِیکر خُداوند نا آوے۔ ویلے توں پہلاں کِسے کمّ دا فیصلہ نا کرو اوہو ہنیرے دِیاں چُھپیاں ہویاں گلّاں نُوں روشن کر دے گا۔ تے دِلاں دے منصُوبے ظاہر کر دے گا۔ اوس ویلے ہر اِک دی وڈیائی خُدا ولّوں ہوئے گی۔

۱-تھِسّلُنِیکوں 2:19

بھلا آس تے خُوشی تے فخر دا تاج کِیہ اے؟ کِیہ اوہ ساڈے خُداوند یِسُوع دے سامھنے اوہدے آؤن دے ویلے تُسی نا ہوؤگے؟

یعقُوب 5:7

سو بھراؤ! خُداوند دے آؤن تِیکر صبر کرو۔ ویکھو زمیندار زمین دی قِیمتی پَیداوار نُوں اوڈِیکدا اے۔ تے پہلے تے پِچّھلے مینہ دے وَسّن تِیکر صبر کر دا رہندا اے۔

یعقُوب 5:8

تُسی وی صبر کرو۔ تے اپنے دِلاں نُوں تگڑیاں رکھو۔ کیوں جو خُداوند چھیتی آؤندا اے۔

مُکاشفہ 1:7

ویکھو اوہ بدّلاں دے نال آؤن والا اَے۔ تے ہر اِک اَکھ اوہنوں ویکھے گی۔ تے جِنہاں اوہنوں وِنّھیا سی۔ اوہ وی ویکھن گے تے زمین دے سارے خاندان اوہدے سبّب پٹنگے بے شک۔ آمِین۔

مُکاشفہ 2:25

بے شک جو کُجھ تُہاڈے کول اے۔ میرے آؤن تِیکر گُھٹ کے پَھڑی رکھو۔

مُکاشفہ 22:20

جیہڑا ایہناں گلّاں دی گواہی دیندا اے۔ اوہ ایہہ آکھدا اے۔ پئی بے شک مَیں چھیتی آؤن والا آں۔ آمِین اَے خُداوند یِسُوع آ۔

مُکاشفہ 22:7

تے ویکھ مَیں چھیتی آؤن والا آں۔ مُبارک اوہ اے جیہڑا ایس کتاب دی نبُوّت دِیاں گلّاں اُتّے عمل کر دا اے۔

مُکاشفہ 3:11

مَیں چھیتی آؤن والا آں جو کُجھ تیرے کول اے اوہنوں گُھٹ کے پَھڑی رکھ پئی کوئی تیرا تاج نا کھوہ لَوے۔