یُوحنّا 21:18 - پنجابی نواں عہد نامہ نظرثانی شدہ چھپائی

¹⁸ مَیں تینُوں سَچ سَچ آکھنا آں جد تُوں جوان سَیں تُوں اپنا لکّ آپ بنھدا تے جِتّھے جی کر دا سی ٹُردا پِھردا سَیں۔ پر جدوں تُوں بُڈّھا ہوویں گا تَد اپنے ہتّھ پَساریں گا تے دُوجا تیرا لکّ بنھے گا تے جِتّھے تیرا جی نئیں کر دا اوتھے تینُوں چُک لے جائے گا۔

یُوحنّا 21:18 ပူးပေါင်းရင်းမြစ်များ

لُوقا 12:37

دھنّ نیں اوہ نوکر جِنہاں دا مالک آ کے اوہناں نُوں جاگدیاں ویکھے۔ مَیں تُہانوں سَچ آکھنا آں۔ پئی اوہ آپ لکّ بَنّھ کے کھان لئی اوہناں نُوں بٹھائے گا۔ تے کول آ کے اوہناں دی سیوا کرے گا۔

یُوحنّا 13:36

شمعُون پطرس اوہنوں آکھیا اَے خُداوند تُوں کِتّھے جاناں ایں؟ یِسُوع جواب دِتّا پئی جِتّھے مَیں جاناں آں تُوں ہُن میرے مگر نئیں آسکدا پر پِچّھوں تُوں میرے مگر آویں گا۔

یُوحنّا 21:17

اوس اوہنوں ترِیجی وار آکھیا اَے شمعُون یُوحنّا دے پُتر تُوں مَینُوں پیار کرنا ایں؟ ایس گلّے پئی اوس ترِیجی وار اوہنوں آکھیا تُوں مَینُوں پیار کرنا ایں؟ پطرس اُداس ہویا تے اوہنوں آکھیا اَے خُداوند تُوں ای سبھ کُجھ جاننا ایں تینُوں معلُوم اے پئی مَیں تینُوں پیار کرنا آں۔ یِسُوع اوہنوں آکھیا میرِیاں بھیڈاں نُوں چار۔

یُوحنّا 21:19

اوس ایس گلّ نال اشارہ کِیتا پئی اوہ کیہڑی مَوت نال خُدا دی وڈیائی کرے گا تے ایہہ آکھ کے آکھیا میرے مگر آ۔

اعمال 21:11

اوس ساڈے کول آ کے پَولُس دے لکّ دا پٹکا لیا۔ تے اپنے ہتّھ پَیر بَنّھ کے آکھیا۔ پئی پاک رُوح اینج آ کھدا اے۔ پئی یرُوشلِیم وِچ اوس بندے نُوں جِہدا ایہہ پٹکا اے یہُودی ایسے طرح بنھن گے۔ تے غیر قوماں دے حوالے کرن گے۔

۲-کُرِنتھِیوں 5:4

کیوں جو اسی ایس ڈیرے وِچ رہ کے بھار دیاں مارِیاں کُرلاؤندے آں۔ ایس کر کے نئیں پئی ایہہ پوشاک لاہنی چاہنے آں۔ سگوں ایس اُتّے ہور پانی چاہنے آں۔ تاں جو اوہ جیہڑی فنا ہو جان والی اے۔ زِندگی دے وِچ ڈُب جائے۔