یُوحنّا 20:26 - پنجابی نواں عہد نامہ نظرثانی شدہ چھپائی

²⁶ تے اَٹھاں دِناں پِچّھوں فیر اوہدے شاگِرد اندر سن تے تُوما اوہناں دے نال سی۔ بُوہے وَجّے ہوئے سن یِسُوع آیا تے وِچکار کھلو کے آکھیا تُہاڈی سلامتی ہوئے۔

یُوحنّا 20:26 ပူးပေါင်းရင်းမြစ်များ

متّی 17:1

تے چھِئیاں دِناں پِچّھوں یِسُوع پطرس تے یعقُوب تے اوہدے بھرا یُوحنّا نُوں نال لیا۔ تے اوہناں نُوں اِک اُچّے پہاڑ اُتّے وکھری تھاں لے گیا۔

مرقس 16:14

ایدوں پِچّھے اوس یارھاں نُوں جد اوہ کھان بَیٹھے سن وکھالی دِتّی تے اوہناں دی بے یقیِنی تے سخت دِلی دا اُلاہما دِتّا ایس لئی پئی جِنہاں اوہنوں جی اُٹھیا ہویاں ویکھیا سی۔ اوہناں لوکاں دا اوہناں سَچ نا مَنّیا۔

لُوقا 24:36

اوہ ایہہ گلّاں پئے کر دے ای سن پئی اوہ آپ اوہناں دے وِچ آ کے کھلو گیا تے اوہناں نُوں آکھیا تُہاڈی سلامتی ہوئے۔

لُوقا 9:28

تے اوہناں گلّاں دے اَٹھاں کُو دِناں پِچّھوں اجیہا ہویا جد پطرس تے یُوحنّا تے یعقُوب نُوں نال لے کے اوہ پہاڑ اُتّے دُعا منگن نُوں چڑھیا۔

یُوحنّا 11:16

تَد تُوما جِہنُوں جوڑا آکھدے نیں اپنے نال دے شاگِرداں نُوں آکھیا آؤ اسی وی چلّئے تاں جو اوہدے نال مریئے۔

یُوحنّا 14:27

سُکھ مَیں تُہانوں دیئی جاناں آں۔ اپنا سُکھ مَیں تُہانوں دینا آں۔ جیویں دُنیا دیندی اے اوس طرح تُہانوں نئیں دیندا۔ تُہاڈا دِل نا گھبرائے تے نا ڈرے۔

یُوحنّا 20:19

فیر اوسے دِن جیہڑا ہفتے دا پہلا دِن سی شاماں ویلے جیہڑے تھاں یہُودِیاں دے ڈر دے مارِیاں شاگِرداں بُوہے مارے ہوئے سن یِسُوع وِچکار آکھلوتا تے اوہناں نُوں آکھیا تُہاڈی سلامتی ہوئے۔

یُوحنّا 20:21

تَد یِسُوع اوہناں نُوں فیر آکھیا تُہاڈی سلامتی ہوئے۔ باپ نیں جیویں مَینُوں گھلّیا اے اوسے طرح مَیں تُہانوں گھلّنا آں۔

یُوحنّا 21:1

ایہناں گلّاں دے پِچّھوں یِسُوع فیر تِبریاس دے سمُندر اُتّے اپنے آپ نُوں شاگِرداں اُتّے ظاہر کِیتا۔ تے اوس ایس طرح ظاہر کِیتا۔

یُوحنّا 21:14

ہُن ایہہ ترِیجی وار اے پئی یِسُوع مُردیاں وِچوں جی اُٹھن دے پِچّھوں شاگِرداں نُوں وکھالی دِتّی۔

اعمال 1:3

اوہناں نُوں اوس اپنے دُکھ سہن دے پِچّھوں بتھیریاں ثبُوتاں نال اپنے آپ نُوں جِیوندا وکھایا۔ چاھلیاں دِناں تِیکر اوہ اوہناں نُوں وکھالی دیندا تے خُدا دی بادشاہی دِیاں گلّاں دسدا رہیا۔