یُوحنّا 20:25 - پنجابی نواں عہد نامہ نظرثانی شدہ چھپائی

²⁵ دُوجے شاگِرداں آکھیا اساں خُداوند نُوں ویکھیا اے۔ پر اوس اوہناں نُوں آکھیا جِنّاں چِر مَیں اوہدے ہتّھاں وِچ کِلاّں دے چھیک نا ویکھیاں تے کِلاّں دے چھیکاں وِچ اپنی اُنگلی نا پاں تے نا اوہدی وَکھّی وِچ اپنا ہتّھ پاں اوناں چِر مَیں کَدے نا منّاں گا۔

یُوحنّا 20:25 ပူးပေါင်းရင်းမြစ်များ

متّی 27:42

اوس ہورناں نُوں بچایا۔ پر اپنے نُوں نئیں بچا سکدا۔ ایہہ تے اِسرائیل دا بادشاہ اے صلِیبوں ہُن اُتر آوے تے اسی اوہدے اُتّے اِیمان لیاواں گے۔

مرقس 16:11

تے اوہناں ایہہ سُن کے پئی اوہ جِیوندا اے تے اوہنوں وکھالی دِتّا۔ سَچ نا مَنّیا۔

مرقس 16:13

تے اوہناں جا کے باقی دیاں نُوں خبر دِتّی پر اوہناں ایہناں دا وی سَچ نا مَنّیا۔

مرقس 16:14

ایدوں پِچّھے اوس یارھاں نُوں جد اوہ کھان بَیٹھے سن وکھالی دِتّی تے اوہناں دی بے یقیِنی تے سخت دِلی دا اُلاہما دِتّا ایس لئی پئی جِنہاں اوہنوں جی اُٹھیا ہویاں ویکھیا سی۔ اوہناں لوکاں دا اوہناں سَچ نا مَنّیا۔

لُوقا 24:25

تَد اوس اوہناں نُوں آکھیا۔ اَے بے عقلو نبیاں دِیاں گلّاں نُوں مَنّن وِچ سُست دِلو۔

یُوحنّا 1:41

اوس پہلاں اپنے سَکّے بھرا شمعُون نُوں لَبّھ کے اوہنوں آکھیا پئی اساں نُوں خُرستُس یعنی مسِیح مل گیا اے۔

یُوحنّا 20:27

تَد اوس تُوما نُوں آکھیا اپنی اُنگل اُراں کر تے میرے ہتّھاں نُوں ویکھ تے اپنا ہتّھ اُراں کر تے میری وَکھّی وِچ پا تے بےاعتبار نا ہو پر اعتبار کر۔

یُوحنّا 21:7

ایس لئی اوہ شاگِرد جِہنُوں یِسُوع پیار کر دا سی پطرس نُوں آکھن لگّا ایہہ تے خُداوند اے۔ سو جد شمعُون پطرس ایہہ سُنیا پئی ایہہ خُداوند اے تَد اپنا کپڑا لکّ نال بَنّھ لیا کیوں جو ننگا سی تے سمُندر وِچ چھال ماری۔

یُوحنّا 6:30

تَد اوہناں اوہنوں آکھیا فیر تُوں کیہڑی کرامات کرنا ایں؟ پئی اسی دیکھئے تے تینُوں مَنّئے تُوں کِیہ کرنا ایں؟

عِبرانیوں 3:12

بھراؤ! خبردار تُہاڈے وِچوں کِسے دا اجیہا بَھیڑا تے بے اِیمان دِل نا ہوئے۔ جیہڑا جِیوندے خُدا توں پھر جاوے۔

عِبرانیوں 3:18

تے کِنّاں دی بابت اوس سَونہہ کھادِی پئی اوہ میرے آرام وِچ نا وڑن گے۔ بِناں اوہناں دے جِنہاں نافرمانی کِیتی؟