یُوحنّا 20:15 - پنجابی نواں عہد نامہ نظرثانی شدہ چھپائی

¹⁵ یِسُوع اوہنوں آکھیا اَے عورت تُوں کیوں رونی ایں؟ تُوں کِنوں لَبّھنی ایں؟ اوس ایہہ سمجھ کے پئی مالی اے اوہنوں آکھیا اَے میاں جے تُوں اوہنوں لے گیا ایں تے مَینُوں دس پئی کِتّھے رکھیا اے تے مَیں اوہنوں لے جاواں گی۔

یُوحنّا 20:15 ပူးပေါင်းရင်းမြစ်များ

متّی 12:34

سپّاں دے بچّیو تُسی بُرے ہو کے کِس طرح چَنگیاں گلّاں کر سکدے ہو؟ کیوں جو جیہڑا مَن وِچ بھریا ہویا اے مُنھ اُتّے آؤندا اے۔

متّی 28:5

پر فرِشتے زنانِیاں نُوں اگّوں آکھیا۔ تُسی نا ڈرو۔ کیوں جو مَیں جاننا آں پئی تُسی یِسُوع نُوں جیہڑا صلِیب اُتّے چڑھایا گیا سی لَبّھ دِیاں اوہ۔

مرقس 16:6

اوس اوہناں نُوں آکھیا۔ نا گھبراؤ تُسی یِسُوع ناصری نُوں جیہڑا صلِیب اُتّے چاڑھیا گیا سی لَبّھدیاں اوہ۔ اوہ تے جی اُٹھیا اے۔ اوہ ایتھے نئیں اے ویکھو ایہہ اوہ تھاں اے۔ جِتّھے اوہناں اوہنوں رکھیا سی۔

لُوقا 2:44

پر ایہہ سمجھ کے پئی اوہ ساک لوکاں دے نال اے اِک منزل نِکل گئے۔ تے اوہنوں اپنے ساکاں تے جان پچھاناں وِچ لبّھدے پِھرے۔

لُوقا 24:5

جد اوہ ڈر گِئیاں تے سِر زمین ولّ ہیٹھاں کِیتے۔ تَد اوہناں نیں اوہناں نُوں آکھیا پئی جِیوندے نُوں مویاں وِچ تُسی کیوں لَبّھدیاں ہو؟

یُوحنّا 1:38

تَد یِسُوع مُڑ کے تے اوہناں نُوں مگر آؤندیاں ویکھ کے اوہناں نُوں آکھیا تُسی کِیہ لبّھدے ہو؟ اوہناں اوہنوں آکھیا اے ربّی (جِہدا مطلب ایہہ اے اَے اُستاد) تُوں کِتّھے رہناں ایں؟

یُوحنّا 18:4

تَد یِسُوع جو کُجھ اوہدے اُتّے ہوناں سی جان کے باہر نِکلیا تے اوہناں نُوں آکھیا تُسی کِنوں لبّھدے ہو؟

یُوحنّا 18:7

ایس لئی اوس اوہناں توں فیر پُچھیا تُسی کِنوں لبّھدے ہو؟ اوہناں آکھیا یِسُوع ناصری نُوں۔

یُوحنّا 20:13

تے اوہ اوہنوں آکھن لگّے اَے عورت تُوں کیوں رونی ایں؟ اوس اوہناں نُوں آکھیا ایس لئی پئی میرے خُداوند نُوں چُک لے گئے نیں تے مَیں نئیں جاندی پئی اوہنوں کِتّھے رکھیا اے۔