یُوحنّا 2:12 - پنجابی نواں عہد نامہ نظرثانی شدہ چھپائی

¹² ایدوں پِچّھوں اوہ تے اوہدی ماں تے بھرا تے اوہدے شاگِرد کَفرنحُوم نُوں گئے۔ تے اوتھے کُجھ دِن رہے۔

یُوحنّا 2:12 ပူးပေါင်းရင်းမြစ်များ

متّی 11:23

تے اَے کَفرنحُوم تُوں اسمان تِیکر اُچّا کِیتا جائیں گا؟ تُوں تے پاتال تِیکر نِیواں کِیتا جائیں گا کیوں جو ایہہ کراماتاں جیہڑیاں تیرے وِچ ہویاں نیں جے سدُوم وِچ ہوندیاں۔ تے اوہ اَج تِیکر رہ جاندا۔

متّی 12:46

اجے اوہ لوکاں نال گلّاں پیا کر دا سی تے ویکھو اوہدی ماں تے بھرا باہر کھلوتے ہوئے اوہدے نال گلّ کرنی چاہندے سن۔

متّی 4:13

تے ناصرۃ نُوں چھڈ کے کَفرنحُوم وِچ جیہڑا سمُندر دے کنڈھے زبُولُون تے نفتالی دِیاں حداں وِچ اے جا رہیا۔

مرقس 6:3

ایہہ اوہ ترکھان نئیں اے مریم دا پُتر۔ تے یعقُوب تے یوسیس تے یہُوداہ تے شمعُون دا بھرا؟ تے اوہدیاں بھیناں ایتھے ساڈے کول نئیں نیں؟ تے اوہناں اوہدے توں ٹھوکر کھادِی۔

یُوحنّا 2:2

تے یِسُوع تے اوہدے شاگِرد وی ایس ویاہ وِچ سَدّے گئے سن۔

یُوحنّا 4:46

فیر یِسُوع مُڑ گلِیل دے قانا نُوں آیا جِتّھے اوس پانی توں انگور دا رَس بنایا سی۔ اوتھے اِک سردار سی جِہدا پُتر کَفرنحُوم وِچ ماندا سی۔

یُوحنّا 6:17

تے بیڑی وِچ چڑھ کے سمُندر دے پرلے پاسے کَفرنحُوم نُوں ٹُرپَئے۔ تے ہُن ہنیرا ہو پیا سی تے یِسُوع اوہناں کول اجے نئیں سی آیا۔

۱-کُرِنتھِیوں 9:5

سانُوں ایہہ اختیار نئیں پئی کِسے مسِیحی بھین نُوں ویاہ کے لئی پِھریئے جیویں ہور رسُول تے خُداوند دے بھرا تے کیفا کر دے نیں۔

گلتِیوں 1:19

پر ہورناں رسُولاں وِچوں خُداوند دے بھرا یعقُوب دے بِناں کِسے نُوں نا ویکھیا۔