یُوحنّا 2:11 - پنجابی نواں عہد نامہ نظرثانی شدہ چھپائی

¹¹ ایہہ پہلی کرامات یِسُوع نیں گلِیل دے قانا وِچ کِیتی تے اپنا جلال ظاہر کِیتا تے اوہدیاں شاگِرداں اوہدے اُتّے اِیمان لیاندا۔

یُوحنّا 2:11 ပူးပေါင်းရင်းမြစ်များ

یُوحنّا 1:14

تے جِسم لیا تے فضل تے سچیائی نال بھرپُور ہو کے ساڈے کول ڈیرہ کِیتا۔ تے اساں اُسدا اجیہا جلال ویکھیا جیویں باپ دے اِکلَوتے دا جلال۔

یُوحنّا 1:17

کیوں جو شریعت مُوسیٰ دی راہِیں دِتّی گئی سی۔ پر فضل تے سچیائی یِسُوع مسِیح دی راہِیں آئی۔

یُوحنّا 1:43

اگلے بَھلک اوہ گلِیل دے دیس نُوں جانا چاہندا سی۔ تے فِلپُّس نُوں لَبّھیا تے یِسُوع اوہنوں آکھیا میرے مگر ٹُر پَو۔

یُوحنّا 1:50

یِسُوع اوہنوں جواب دِتّا تُوں ایس لئی اِیمان لیاؤنا ایں پئی مَیں تینُوں آکھیا پئی مَیں تینُوں ہنجیر دے بُوٹے ہیٹھ ویکھیا؟ تُوں ایہناں توں وی وَھڈِیاں گلّاں ویکھیں گا۔

یُوحنّا 10:41

تے بہتیاں اوہدے کول آن کے آکھیا یُوحنّا کوئی مُعجزہ نا کِیتا پر جِنّیاں گلّاں یُوحنّا اوہدے حق وِچ آکھیاں ساریاں سَچ نِکلیاں۔

یُوحنّا 11:15

تے مَیں تُہاڈے لئی ایس گلّے خُوش آں پئی مَیں اوتھے نئیں ساں تاں جو تُسی اِیمان لیاؤ۔ پر چلّو اوہدے کول چلّئے۔

یُوحنّا 11:47

تَد سردار کاہِناں تے فرِیسیاں اپنی جماعت اکٹّھی کر کے آکھیا۔ اسی کِیہ کرنے آں؟ ایہہ بندہ تے بڑے مُعجزے کر دا اے۔

یُوحنّا 12:18

تے لوک ایس کر کے اوہنوں اگّوں والی مِلن گئے پئی اوہناں سُنیا سی پئی اوس ایہہ مُعجزہ کِیتا سی۔

یُوحنّا 12:37

پر بھانویں اوس اینِیاں کراماتاں اوہناں دے سامھنے وکھائیاں سن تَد وی اوہ اوہدے اُتّے اِیمان نا لیائے۔

یُوحنّا 12:41

یسعیاہ ایہہ گلّاں آکھیاں کیوں جو اوس اوہدا جلال دیکھیا تے اوس اوہدیاں گلّاں کِیتیاں۔

یُوحنّا 14:13

تاں جو کُجھ تُسی میرا ناں لے کے منگو گے مَیں اوہ کراں گا تاں جو پُتر وِچ باپ نُوں جلال مِلے۔

یُوحنّا 16:27

کیوں جو باپ آپ ای تُہانوں پیار کر دا اے ایس لئی پئی تُساں مَینُوں پیار کِیتا اے تے اِیمان لیاؤندا اے پئی مَیں باپ کولوں نِکلیا آں۔

یُوحنّا 16:30

ہُن اسی جاننے آں پئی تُوں سبھ کُجھ جاننا ایں تے تینُوں لوڑ نئیں پئی کوئی تَیتھوں پُچھے۔ ایس گلّ توں سانُوں یقِین آؤندا اے پئی تُوں خُدا توں نِکلیا ایں۔

یُوحنّا 2:1

تے ترِیجے دِن قانایِ گلِیل وِچ اِک ویاہ ہویا۔ تے یِسُوع دی ماں اوتھے سی۔

یُوحنّا 2:23

تے فسح دے ویلے عید وِچ جد اوہ یرُوشلِیم وِچ سی بتھیریاں اوہناں کراماتاں نُوں ویکھ کے جیہڑیاں اوس وکھالِیاں سن اوہدے ناں اُتّے اِیمان لیاندا۔

یُوحنّا 3:2

اوہ رات دے ویلے اوہدے کول آیا تے اوہنوں آکھیا اَے ربّی اسی جاننے آں پئی تُوں خُدا ولّوں اُستاد ہو کے آیا ایں کیوں جو ایہہ کراماتاں جیہڑیاں تُوں کرنا ایں کوئی نئیں کر سکدا جے خُدا اوہدے نال نا ہوئے۔

یُوحنّا 4:3

تَد اوہ یہُودیہ نُوں چھڈ کے فیر گلِیل نُوں ٹُر گیا۔

یُوحنّا 4:46

فیر یِسُوع مُڑ گلِیل دے قانا نُوں آیا جِتّھے اوس پانی توں انگور دا رَس بنایا سی۔ اوتھے اِک سردار سی جِہدا پُتر کَفرنحُوم وِچ ماندا سی۔

یُوحنّا 4:54

ایہہ دُوجا مُعجزہ اے جیہڑا یِسُوع یہُودیہ توں گلِیل وِچ آ کے کِیتا۔

یُوحنّا 5:23

تاں جو سبھ لوک پُتر دی عِزّت کرن جیویں باپ دی عِزّت کر دے نیں۔ جیہڑا پُتر دی عِزّت نئیں کر دا اوہ باپ دی وی جِس اوہنوں گھلّیا عِزّت نئیں کر دا۔

یُوحنّا 6:14

تَد اوہناں لوکاں ایہہ مُعجزہ جیہڑا اوس کِیتا ویکھ کے آکھیا۔ بِناں شک اوہ نبی جیہڑا دُنیا وِچ آؤن والا اے ایہو اے۔

یُوحنّا 6:2

تے بڑی بِھیڑ اوہدے مگر ہو ٹُری۔ ایس لئی پئی اوہناں اوہ مُعجزے ویکھے جیہڑے اوس بِیماراں اُتّے کِیتے سن۔

یُوحنّا 6:26

یِسُوع اوہناں نُوں آکھیا۔ مَیں تُہانوں سَچ سَچ آکھنا آں تُسی مَینُوں ایس واسطے نئیں لبّھدے پئی تُساں کراماتاں ویکھیاں۔ پر ایس واسطے پئی اوہناں روٹِیاں وِچوں کھا کے تُسی رَجّ گئے۔

یُوحنّا 6:30

تَد اوہناں اوہنوں آکھیا فیر تُوں کیہڑی کرامات کرنا ایں؟ پئی اسی دیکھئے تے تینُوں مَنّئے تُوں کِیہ کرنا ایں؟

یُوحنّا 7:31

پر لوکاں وِچوں بتھیرے ایہہ آکھ کے اوہنوں مَن گئے پئی مسِیح جد آئے گا ایہناں نالوں وَدّھ مُعجزے کرے گا۔ جیہڑے ایس کِیتے نیں؟

یُوحنّا 9:16

تَد فرِیسیاں وِچوں کئیاں آکھیا پئی ایہہ بندہ ربّ ولّوں نئیں اے کیوں جو اوہ سبت نُوں نئیں مَندا۔ پر ہورناں آکھیا گُناہگار بندہ کِیویں ایہو جِہیاں کراماتاں وکھا سکدا اے؟ تے اوہناں وِچ پُھٹ پئی۔

۲-کُرِنتھِیوں 3:18

پر جد اساں سبھناں دے بے پردہ چِہریاں توں خُداوند دے جلال دا ایس طرح عکس پَیندا اے جیویں شیشے توں۔ تے اوس خُداوند دی راہِیں جیہڑا رُوح اے۔ اسی اوسے ای جلالی صُورت وِچ درجہ بدرجہ بدلدے جانے آں۔

۲-کُرِنتھِیوں 4:17

کیوں جو ساڈی پَل کُو دی ہَولی جیہی مُصِیبت ساڈے لئی بُہت ای بھارا تے سدا دا جلال پَیدا کر دی جاندی اے۔

۲-کُرِنتھِیوں 4:6

ایس لئی پئی خُدا ای اے جِس آکھیا پئی ہنیرے وِچوں نُور چمکے تے اوہو ای ساڈیاں دِلاں وِچ چمکیا۔ تاں جو خُدا دے جلال دی پچھان دا نُور یِسُوع مسِیح دے چِہرے توں چمکارا مارے۔

۱-یُوحنّا 5:13

مَیں تُہانوں جیہڑے خُدا دے پُتر دے ناں اُتّے اِیمان لیائے ہو ایہہ گلّاں ایس لئی لِکھیاں۔ پئی تُہانوں پتا ہوئے پئی سدا دی زِندگی تُہانوں مِلی اے۔