یُوحنّا 19:13 - پنجابی نواں عہد نامہ نظرثانی شدہ چھپائی

¹³ تَد پِیلاطُس ایہہ گلّاں سُن کے یِسُوع نُوں باہر لے آیا تے اِک تھاں جِہدا ناں چبُوترہ تے عِبرانی بولی وِچ گبّتا سی اے تخت اُتّے بَیہہ گیا۔

یُوحنّا 19:13 ပူးပေါင်းရင်းမြစ်များ

متّی 27:19

تے جد اوہ عدالت دے تخت اُتّے بَیٹھا ہویا سی اوہدی بیوی اوہنوں اکھوا گھلّیا پئی تُوں اوس نیک بندے نال کُجھ واسطہ نا رکھّیں کیوں جو اَج سُفنے وِچ مَیں اوہدے سبّب بڑا دُکھ پایا اے۔

لُوقا 12:5

پر مَیں تُہانوں دسنا آں پئی تُہانوں کِدے کولوں ڈرنا چاہیدا اے اوسے کولوں ڈرو جیہڑا اختیار رکھدا اے پئی مارن دے مگروں جہنّم وِچ سُٹ دیوے ہاں مَیں تُہانوں آکھنا آں۔ اوسے کولوں ڈرو۔

یُوحنّا 19:17

تَد اوہ یِسُوع نُوں لے گئے۔ تے اوہ اپنی صلِیب چُک کے شہروں باہر اوس تھاں نُوں جِہنُوں کھوپڑی دی جگہ تے عِبرانی بولی وِچ گُلگُتا آکھدے نیں گیا۔

یُوحنّا 19:20

تے ایس پٹّی نُوں بُہت یہُودِیاں نیں پڑھیا کیوں جو اوہ تھاں جِتّھے یِسُوع صلِیب دِتّا گیا سی شہر دے نیڑے سی۔ تے اوہ عِبرانی تے لاطینی تے یُونانی بولی وِچ لِکھیا ہویا سی۔

یُوحنّا 19:8

سو جد پِیلاطُس ایہہ گلّ سُنی تے ہور وی ڈر گیا۔

یُوحنّا 5:2

تے یرُوشلِیم وِچ بھیڈاں والے دروازے دے کول اِک حوض اے جِہنُوں عِبرانی بولی وِچ بَیتِ حسدا آکھدے نیں جِہدے پنج برانڈے نیں۔

اعمال 4:19

پر پطرس تے یُوحنّا اوہناں نُوں آکھیا۔ تُسی آپ انصاف کرو۔ پئی خُدا دے اگّے ایہہ ٹھیک اے۔ پئی اسی خُدا دی گلّ نالوں وَدّھ تُہاڈی گلّ سُنئے؟