یُوحنّا 19:11 - پنجابی نواں عہد نامہ نظرثانی شدہ چھپائی

¹¹ یِسُوع اوہنوں جواب دِتّا پئی تیرا میرے اُتّے کُجھ وی وَس نا ہوندا جے تینُوں اُتّوں دِتّا نا جاندا۔ ایس لئی جِس مَینُوں تیرے حوالے کِیتا اوہدا وَدّھ گُناہ اے۔

یُوحنّا 19:11 ပူးပေါင်းရင်းမြစ်များ

متّی 26:65

تَد سردار کاہِن اپنے کپڑے پاڑ کے آکھیا ایس کُفر آکھیا اے۔ ہُن سانُوں گواہاں دی کِیہ لوڑ اے؟ لوؤ ہُن تُساں وی کُفر سُن لیا اے۔

متّی 27:2

تے اوہنوں بَنّھ کے لے گئے۔ تے پِیلاطُس حاکم دے حوالے کر دِتّا۔

متّی 6:13

تے سانُوں ازمایش وِچ نا لیا۔ سگوں بُریائی توں بچا [کیوں جو بادشاہی تے قُدرت تے جلال ہمیشہ تِیکر تیرے ای نیں۔ آمِین۔]

مرقس 14:44

تے اوہدے پھڑان والے نیں اوہناں نُوں ایہہ پَتا دِتّا سی۔ پئی جِہنُوں مَیں چُمّاں۔ اوہو اے۔ اوہنوں پھڑ کے تگڑائی نال لے جاؤ۔

لُوقا 22:53

جد مَیں روز ہیکل وِچ تُہاڈے نال ساں تُساں میرے اُتّے ہتّھ نا پائے پر ایہہ تُہاڈی گھڑی تے ہنیرے دا اختیار اے۔

یُوحنّا 18:13

تے پہلاں اوہنوں حنّا کول لے گئے۔ کیوں جو اوہ کائفا دا سَوہرا سی جیہڑا اوس ورھے سردار کاہِن سی۔

یُوحنّا 18:3

سو یہُوداہ سپاہیاں دی پلٹن تے سردار کاہِناں نیں فرِیسیاں ولّوں پیادے لے کے لالٹیناں تے مسالاں تے ہتّھیاراں سَنے اوتھے آیا۔

یُوحنّا 19:10

پِیلاطُس اوہنوں آکھیا میرے نال تُوں نئیں بولدا؟ تُوں نئیں جان دا۔ پئی میرے وَس وِچ اے تینُوں چھڈنا تے میرے وَس وِچ اے تینُوں صلِیب دینا؟

یُوحنّا 3:27

یُوحنّا آکھیا بندہ کُجھ نئیں کر سکدا جِنّاں چِر اوہنوں اسمانوں دِتّا نا جاوے۔

یُوحنّا 7:30

تَد اوہ چاہندے سن پئی اوہنوں پھڑ لین۔ پر ایس گلّے کِسے اوہنوں ہتّھ نا پایا۔ پئی اوہدا ویلا اجے نئیں سی آیا۔

یُوحنّا 9:41

یِسُوع اوہناں نُوں آکھیا جے تُسی اَنھے ہوندے تے تُہاڈا گُناہ نا ہوندا۔ پر ہُن تُسی آکھدے ہو پئی سانُوں دِسدا اے۔ تُہاڈا گُناہ تُہاڈے ذِمّے رہندا اے۔

اعمال 2:23

جد خُدا دے ٹھہرائے ہوئے انتظام تے غَیب دے عِلم نال اوہ پھڑایا گیا۔ تُساں غیر شرِعاں دے۔ ہتھّوں کِل ٹُھکّاکے مروا دِتّا۔

اعمال 3:13

ابرہام تے اِضحاق تے یعقُوب دے خُدا۔ ساڈے پئیو دادیاں دے خُدا اپنے خادم یِسُوع نُوں جلال دِتّا۔ اوہنوں تُساں حوالے کِیتا۔ تے پِیلاطُس دے سامھنے اِنکاری ہوئے جِس ویلے اوس اوہنوں چھڈ دین دا اِرادہ کِیتا۔

اعمال 4:28

پئی اوہ کمّ کرن جِہدا ہونا تیرے ہتّھ تے تیری صلاح نے پہلے ای ٹھہرا رکھیا سی۔

رُومِیوں 11:36

کیوں جو اوسے توں تے اوسے دی راہِیں تے اوسے لئی سارِیاں شیواں ہویاں نیں۔ اوہدی وڈیائی سدا تِیکر ہوئے۔ آمِین۔

رُومِیوں 13:1

ہر اِک بندہ اعلیٰ حکُومتاں دے تابعیاں رہے۔ کیوں جو کوئی حکُومت نئیں جیہڑی خُدا ولّوں نا ہوئے۔ تے جِنّیاں ہَین سو خُدا ولّوں ٹھہرائیاں ہویاں نیں۔

یعقُوب 1:17

سارِیاں چَنگیاں نِعمتاں تے اِنعام اُتّوں نیں۔ تے چانن دے باپ ولّوں مِلدے نیں۔ جیہڑا نا بدل سکدا اے نا بھون دے سبّب اوہدے اُتّے کوئی پر چھاواں پَے سکدا اے۔

یعقُوب 4:17

سو جیہڑا بھلا کرنا جان دا اے تے نئیں کر دا اوہ گُناہ کر دا اے۔