یُوحنّا 18:37 - پنجابی نواں عہد نامہ نظرثانی شدہ چھپائی

³⁷ تَد پِیلاطُس اوہنوں آکھیا۔ تے فیر تُوں بادشاہ ایں؟ یِسُوع جواب دِتّا تے آکھیا تُوں آپی آکھنا ایں پئی مَیں بادشاہ آں۔ مَیں ایس گلّ لئی جمّیا تے ایس گلّ لئی دُنیا وِچ آیا آں پئی مَیں سچیائی اُتّے گواہی دیاں۔ ہر اِک جیہڑا سچیائی دا اے میری اواز سُندا اے۔

یُوحنّا 18:37 ပူးပေါင်းရင်းမြစ်များ

متّی 26:64

یِسُوع اوہنوں آکھیا تُوں آپے آکھ دِتّا اے فیر وی مَیں تُہانوں آکھنا آں پئی ایدوں اگّے تُسی اِبنِ آدم نُوں قُدرت دے سَجّے ہتّھ بَیٹھیاں ہویاں تے اسمان دے بدّلاں اُتّے آؤندیاں ویکھو گے۔

متّی 27:11

تے یِسُوع حاکم دے اگّے کھلا سی تے حاکم نے اوہدے توں ایہہ پُچھیا۔ تُوں یہُودِیاں دا بادشاہ ایں؟ تے یِسُوع اوہنوں آکھیا تُوں آکھنا ایں۔

مرقس 14:62

یِسُوع آکھیا۔ مَیں آں۔ تے تُسی اِبنِ آدم نُوں قُدرت دے سَجّے ہتّھ بَیٹھیاں ہویاں تے بدّلاں نال آؤندیاں ویکھو گے۔

مرقس 15:2

تے پِیلاطُس اوہدے توں پُچھیا۔ یہُودِیاں دا بادشاہ تُوں ای ایں؟ اوس اوہنوں جواب دِتّا۔ تُوں آپے آکھ دِتّا اے۔

لُوقا 22:70

تَد ساریاں آکھیا تُوں خُدا دا پُتر ایں؟ اوس اوہناں نُوں آکھیا۔ تُسی آکھدے ہو کیوں جو مَیں ہاں۔

لُوقا 23:3

تے پِیلاطُس اوہنوں ایہہ پُچھیا تُوں یہُودِیاں دا بادشاہ ایں؟ اوس اوہنوں جواب دِتّا تُوں آپے آکھنا ایں۔

یُوحنّا 1:14

تے جِسم لیا تے فضل تے سچیائی نال بھرپُور ہو کے ساڈے کول ڈیرہ کِیتا۔ تے اساں اُسدا اجیہا جلال ویکھیا جیویں باپ دے اِکلَوتے دا جلال۔

یُوحنّا 1:17

کیوں جو شریعت مُوسیٰ دی راہِیں دِتّی گئی سی۔ پر فضل تے سچیائی یِسُوع مسِیح دی راہِیں آئی۔

یُوحنّا 14:6

یِسُوع اوہنوں آکھیا مَیں ای راہ تے سچیائی تے زِندگی آں۔ میرے بِناں کوئی باپ دے کول نئیں آؤندا۔

یُوحنّا 3:32

تاں جو کُجھ اوس ویکھیا تے سُنیا اوہدی گواہی دیندا اے۔ تے اوہدی گواہی کوئی نئیں مَندا۔

یُوحنّا 7:17

جے کوئی اوہدی مرضی تے چلنا چاہندا اے اوہ ایس تعلِیم نُوں جانے گا پئی خُدا ولّوں اے یا مَیں اپنے ولّوں بولنا آں۔

یُوحنّا 8:14

یِسُوع اوہناں نُوں آکھیا۔ بھانویں مَیں آپ اپنے حق وِچ گواہی دینا آں تے وی میری گواہی سَچّی اے کیوں جو مَیں جاننا آں پئی کِدھروں آیا تے کِدھر نُوں جانا آں۔ پر تُسی نئیں جان دے پئی کِدھروں آیا آں تے کِدھر نُوں جاناں آں۔

یُوحنّا 8:45

پر تُسی مَینُوں ایس گلّے نئیں مَن دے کیوں جو مَیں سَچ آکھنا آں۔

یُوحنّا 8:46

تُہاڈے وِچوں کون اے جیہڑا میرے اُتّے گُناہ ثابت کر دا اے جے مَیں سَچ آکھنا آں تُسی مَینُوں کیوں نئیں مَن دے؟

یُوحنّا 8:47

اوہ جیہڑا خُدا توں اے خُدا دِیاں گلّاں سُندا اے تُسی ایس کر کے نئیں سُندے کیوں جو خُدا توں نئیں ہو۔

۱-تِیمُتِھیُس 6:13

مَیں اوس خُدا نُوں جیہڑا سارِیاں شیواں نُوں جوالدا اے۔ تے مسِیح یِسُوع نُوں جِس پُنطِیُس پِیلاطُس دے اگّے چَنگا اِقرار کِیتا سی گواہ کر کے تینُوں پَکّی کرنا آں۔

۱-پطرس 1:22

ایس کر کے پئی تُساں سچیائی نُوں مَن کے بھراواں نال سَچّی مُحبّت کرن لئی اپنیاں دِلاں نُوں پاک کِیتا اے۔ دِلوں جانوں آپو وِچ مُحبّت کرو۔

۱-یُوحنّا 2:21

مَیں تُہانوں ایس کر کے نئیں لِکھیا۔ پئی تُسی سچیائی نُوں نئیں جاندے سگوں ایس کر کے پئی تُسی اوہنوں جان دے ہو۔ تے ایس لئی پئی کوئی جُھوٹھ سچیائی ولّوں نئیں۔

۱-یُوحنّا 3:14

ایس کر کے سانُوں پتا اے۔ پئی اسی مَوت وِچوں نِکل کے زِندگی وِچ آئے ہوئے آں۔ کیوں جو اسی بھرا نُوں نال مُحبّت کرنے آں۔ جیہڑا مُحبّت نئیں کر دا اوہ مَوت وِچ رہندا اے۔

۱-یُوحنّا 3:19

ایس توں سانُوں پَتا لگ جائے گا پئی سچیائی دے آں۔ تے جیہڑی گلّ دا الزام ساڈے اُتّے ساڈا دِل لائے گا اوہدے اگّے سانُوں اوسے گلّ دا پَکّ ہوئے گا۔

۱-یُوحنّا 4:6

اسی خُدا ولّوں آں۔ جیہڑا خُدا نُوں جان دا اے اوہ ساڈی سُندا اے۔ جیہڑا خُدا ولّوں نئیں اوہ ساڈی نئیں سُندا۔ ایسے توں اسی سچیائی دی رُوح تے بدراہی دی رُوح نُوں پچھان لینے آں۔

۱-یُوحنّا 5:20

تے ایہہ وی جاننے آں پئی خُدا دا پُتر آگیا اے۔ تے اوس سانُوں سمجھ دِتّی اے۔ تاں جو اوہنوں جیہڑا اصلی اے جانئے۔ تے اسی اوہدے وِچ۔ جیہڑا اصلی اے یعنی اوہدے پُتر یِسُوع مسِیح وِچ آں۔ اصلی خُدا تے ہمیشہ دی زِندگی ایہی اے۔

مُکاشفہ 1:4

یُوحنّا ولّوں اوہناں ستّاں کلِیسیاواں دے ناں جیہڑیاں آسِیہ وِچ نیں اوہدے ولّوں جیہڑا اَے۔ تے جیہڑا اَے سی تے جیہڑا آؤن والا اے۔ تے اوہناں ستّاں رُوحاں ولّوں جیہڑیاں اوہدے تخت دے سامھنے نیں۔ تُہانوں فضل تے تسلّی مِلدی رہے۔

مُکاشفہ 3:14

تے لَودِیکیہ دی کلِیسیا دے فرِشتے نُوں ایہہ لِکھ پئی جیہڑا آمِین تے سَچّا تے برحق گواہ تے خُدا دی خلقت دا مُڈھ اے اوہ ایہہ آکھدا اے پئی۔