یُوحنّا 18:20 - پنجابی نواں عہد نامہ نظرثانی شدہ چھپائی

²⁰ یِسُوع اوہنوں جواب دِتّا پئی مَیں کُھلّم کُھلا دُنیا وِچ گلّاں کِیتیاں نیں تے ہمیش عبادت خانے تے ہیکل وِچ جِتّھے سارے یہُودی اکٹّھے ہوندے نیں مَیں تعلِیم دِتّی۔ تے چُھپا کے مَیں کُجھ نئیں آکھیا۔

یُوحنّا 18:20 ပူးပေါင်းရင်းမြစ်များ

متّی 24:26

ایس لئی جے تُہانوں آکھن پئی ویکھو اوہ بیابان وِچ اے تے باہر نا جانا۔ جے آکھن ویکھو اندرلیاں کوٹھڑِیاں وِچ اے تے نا مَنّو۔

متّی 26:55

اوسے ویلے یِسُوع لوکاں نُوں آکھیا تُسی مَینُوں چور سمجھ کے تلواراں تے ڈانگاں لے کے پھڑن لئی باہر نِکلے ہو؟ مَیں روز ہیکل وِچ بَہہ کے تعلِیم دیندا ساں تے تُساں مَینُوں نا پھڑیا۔

متّی 26:65

تَد سردار کاہِن اپنے کپڑے پاڑ کے آکھیا ایس کُفر آکھیا اے۔ ہُن سانُوں گواہاں دی کِیہ لوڑ اے؟ لوؤ ہُن تُساں وی کُفر سُن لیا اے۔

متّی 4:23

تے یِسُوع اوہناں دے عِبادتخانیاں وِچ سِکھاؤندا تے بادشاہی دی خُوشخبری دی منادی کر دا تے لوکاں دیاں ساریاں روگاں تے سارِیاں ماندگِیاں نُوں چَنگا کر دا ہویا سارے گلِیل وِچ پِھردا گیا۔

متّی 9:35

تے یِسُوع اوہناں دیاں عبادت خانیاں وِچ تعلِیم دیندا تے بادشاہی دی خُوشخبری دی منادی کر دا تے سبھ دُکھ دَرد تے سارے روگاں نُوں دُور کر دا ہویا ساریاں نگراں تے پِنڈاں وِچ پِھریا

مرقس 8:32

تے اوس ایہہ گلّ کھول کے دسی تَد پطرس اوہنوں اِک پاسے لے جا کے اوہنوں جِھڑکن لگّا۔

لُوقا 21:37

تے روز اوہ ہیکل وِچ تعلِیم دیندا سی۔ تے رات نُوں باہر جا کے اوس پہاڑ اُتّے جیہڑا زَیتُون اکھواؤندا اے۔ ٹِکدا ہوندا سی۔

لُوقا 4:15

تے اوہ اوہناں دیاں عبادت خانیاں وِچ سِکھاؤندا رہیا۔ تے سارے لوکاں کولوں اوہدی وڈیائی ہوئی۔

یُوحنّا 18:21

تُوں مَیتھوں کیوں پُچھناں ایں؟ اوہناں سُنیا اے اوہناں کولوں پُچھ لے پئی مَیں اوہناں نُوں کِیہ آکھیا۔ ویکھ جو کُجھ مَیں آکھیا سو اوہ جان دے نیں۔

یُوحنّا 6:59

اوس ایہہ گلّاں کَفرنحُوم دے عبادت خانے وِچ سِکھاندیاں ہویاں آکھیاں۔

یُوحنّا 7:14

پر جد اَدھی کُو عید رہندی سی یِسُوع ہیکل وِچ جا کے سکھالن لگّا۔

یُوحنّا 7:26

پر ویکھو اوہ تے کھُلاّکھُلی بولدا اے تے اوہ اوہنوں کُجھ نئیں آکھدے۔ ایہہ ہو سکدا اے پئی سردار سَچ مُچ سمجھ گئے نیں۔ پئی ایہہ مسِیح اے؟

یُوحنّا 7:28

ایس واسطے یِسُوع ہیکل وِچ سکھالن ویلے زور نال آکھیا۔ تُسی نالے مَینُوں جان دے ہو تے نالے ایہہ وی جان دے ہو مَیں کِتّھوں دا ہاں۔ تے مَیں اپنے ولّوں نئیں آیا آں۔ پر میرا گھلّن والا جِہنُوں تُسی نئیں جان دے سَچّا اے۔

یُوحنّا 7:4

کیوں جو کوئی اوہلے وِچ کُجھ نئیں کر دا اے تے چاہندا اے پئی مَیں آپ مشہُور ہوواں۔ جے تُوں ایہہ کمّ کرناں ایں تے اپنے آپ نُوں دُنیا اُتّے ظاہر کر۔

یُوحنّا 8:2

تے سویرے فیر ہیکل نُوں گیا۔ تے سارے لوک اوہدے کول آئے۔ تے اوہ بَیہہ کے اوہناں نُوں سکھالن لگّا۔

یُوحنّا 8:26

مَینُوں تُہاڈی بابت بُہت کُجھ بولنا تے فیصلہ کرنا اے۔ پر میرا گھلّن والا سَچّا اے۔ تے جیہڑیاں گلّاں مَیں اوہدے کولوں سُنیاں نیں سو ای مَیں دُنیا وِچ بولنا آں۔

اعمال 26:26

کیوں جو بادشاہ جِہدے حضُور مَیں دلیری نال بولنا آں ایہناں گلّاں دی بابت جان دا اے مَینُوں یقِین اے پئی ایہناں گلّاں وِچوں کوئی وی اوہدے توں لُکی ہوئی نئیں ایس لئی پئی ایہہ کمّ کِسے گُٹّھے نئیں ہویا۔