یُوحنّا 17:9 - پنجابی نواں عہد نامہ نظرثانی شدہ چھپائی

⁹ مَیں اوہناں لئی درخواست کرنا آں مَیں دُنیا لئی درخواست نئیں کر دا پر اوہناں لئی جیہڑے تُوں مَینُوں دِتّے نیں کیوں جو اوہ تیرے نیں۔

یُوحنّا 17:9 ပူးပေါင်းရင်းမြစ်များ

لُوقا 22:32

پر مَیں تیرے لئی دُعا کِیتی۔ پئی تیرا اِیمان جاندا نا رہے۔ تے جد تُوں مُڑ پئیں تے اپنے بھراواں نُوں تگڑیاں کریں۔

لُوقا 23:34

تے یِسُوع آکھیا اَے پئیو ایہناں نُوں مُعاف کر۔ کیوں جو ایہہ نئیں جان دے پئی کِیہ کر دے نیں۔ تے اوہناں اوہدے کپڑے ونڈ کے گُنے پائے۔

لُوقا 8:34

چران والے ایہہ حال ویکھ کے بَھجّے تے شہر تے پِنڈاں وِچ خبر کِیتی۔

یُوحنّا 14:16

تے مَیں باپ کول عرض کراں گا تے اوہ تُہانوں دُوجا مددگار بخشے گا پئی اوہ سدا تُہاڈے نال ہوئے۔

یُوحنّا 17:2

جیویں تُوں اوہنوں کُل اِنسان اُتّے اختیار دِتّا اے پئی جیہڑے تُوں اوہنوں دِتّے نیں اوہ اوہناں سبھناں نُوں سدا دی زِندگی دیوے۔

یُوحنّا 17:20

مَیں نِرا ایہناں ای لئی درخواست نئیں کر دا پر اوہناں لئی وی جیہڑے اوہناں دے کلام دی راہِیں میرے اُتّے اِیمان لیاؤندے نیں۔

یُوحنّا 17:6

مَیں تیرے ناں نُوں اوہناں بندیاں اُتّے ظاہر کِیتا اے جیہڑے تُوں مَینُوں دُنیا وِچوں دِتّے۔ اوہ تے تیرے سن تے تُوں مَینُوں دِتّے نیں۔ تے اوہناں تیرا کلام مَن لیا اے۔

یُوحنّا 6:37

سبھ کُجھ جو باپ مَینُوں دیندا اے میرے ولّ آوے گا تے جیہڑا میرے کول آؤندا اے اوہنوں مَیں کَدے وی باہر نا کڈھاں گا۔

یُوحنّا 6:39

تے جِس مَینُوں گھلّیا اے اوہدی ایہہ مرضی اے پئی جو کُجھ اوس مَینُوں دِتّا اے اوہدے وِچوں مَیں کُجھ نا گواواں پر اخِیری دِن فیر زِندہ کراں۔

عِبرانیوں 7:25

ایس واسطے جیہڑے اوہدے راہِیں خُدا کول آوندے نیں اوہ اوہناں نُوں پُوری نجات دے سکدا اے۔ کیوں جو اوہ اوہناں دی سفارِش لئی ہمیشہ جِیوندا اے۔

عِبرانیوں 9:24

کیوں جو مسِیح اوس ہتّھاں نال بنائے ہوئے پاک مکان وِچ نئیں وڑیا۔ جیہڑا اصلی مکان دی نقل اے پر اصلی اسمان وِچ وڑیا تاں جو خُدا دے اگّے ساڈے لئی حاضر ہوئے۔

۱-یُوحنّا 5:19

سانُوں پتا اے پئی اسی خُدا ولّوں آں تے ساری دُنیا اوس شریر دے ہتّھ وِچ پئی ہوئی اے۔

مُکاشفہ 12:9

تے اوہ وَڈا ناگ یعنی اوہو ای پرانا سَپّ جیہڑا ابلیس تے شیطان اکھواؤندا اے تے سارے جہان نُوں بدراہ کر دیندا اے۔ زمین اُتّے ڈیگیا گیا تے اوہدے فرِشتے وی اوہدے نال ڈیگے گئے۔

مُکاشفہ 13:8

تے زمین دے اوہ سارے رہن والے اوہدی پُوجا کرن گے جِنہاں دے ناں اوس لیلے دی حیاتی دی کتاب وِچ لِکھے نئیں سن گئے جیہڑا دُنیا دے مُڈھ توں پہلاں ہلال ہویا ہویا اے۔

مُکاشفہ 20:15

تے جِس کِسے دا ناں حیاتی دی کتاب وِچ نا لَبّھیا۔ اوہ اَگ دی جِھیل وِچ سُٹّیا گیا۔