یُوحنّا 17:6 - پنجابی نواں عہد نامہ نظرثانی شدہ چھپائی

⁶ مَیں تیرے ناں نُوں اوہناں بندیاں اُتّے ظاہر کِیتا اے جیہڑے تُوں مَینُوں دُنیا وِچوں دِتّے۔ اوہ تے تیرے سن تے تُوں مَینُوں دِتّے نیں۔ تے اوہناں تیرا کلام مَن لیا اے۔

یُوحنّا 17:6 ပူးပေါင်းရင်းမြစ်များ

یُوحنّا 1:18

خُدا نُوں کدی کِسے نئیں ڈِٹّھا پر اِکلَوتے پُتر نیں جیہڑا باپ دی گدّ وِچ اے اوہنوں ظاہر کِیتا۔

یُوحنّا 12:28

اَے باپ اپنے ناں نُوں جلال دے۔ تَد اسمانوں اواز آئی پئی مَیں جلال دِتّا اے تے فیر وی جلال دیاں گا۔

یُوحنّا 15:19

جے تُسی دُنیا دے ہوندے تے دُنیا اپنیاں نُوں پیار کر دی۔ پر تُسی دُنیا دے جو نئیں ہو ایس لئی پئی مَیں تُہانوں دُنیا وِچوں چُنیا دُنیا تُہاڈے نال وَیر رکھدی اے۔

یُوحنّا 15:3

ہُن اوس گلّ دے سبّب جیہڑی مَیں تُہانوں آکھی اے تُسی پاک اوہ۔

یُوحنّا 15:7

جے تُسی میرے وِچ رہو تے میرِیاں گلّاں تُہاڈے وِچ رہن۔ تاں جو چاہو منگو تے اوہ تُہاڈے لئی ہوئے گا۔

یُوحنّا 17:12

جد مَیں اوہناں دے نال ساں تیرے ناں دی راہِیں جیہڑا تُوں مَینُوں دِتّا اے اوہناں دی سنبھالنا کِیتی تے مَیں اوہناں دی راکھی کِیتی۔ تے ہلاکت دے پُتر دے باہجوں کِسے دا ناس نئیں ہویا تاں جو نوِشتہ پُورا ہوئے۔

یُوحنّا 17:14

مَیں اوہناں نُوں تیرا کلام دِتّا اے تے دُنیا اوہناں نال وَیر رکھیا کیوں جو اوہ دُنیا دے نئیں جیویں مَیں دُنیا دا نئیں آں۔

یُوحنّا 17:16

اوہ دُنیا دے نئیں جیویں مَیں وی دُنیا دا نئیں آں۔

یُوحنّا 17:2

جیویں تُوں اوہنوں کُل اِنسان اُتّے اختیار دِتّا اے پئی جیہڑے تُوں اوہنوں دِتّے نیں اوہ اوہناں سبھناں نُوں سدا دی زِندگی دیوے۔

یُوحنّا 17:24

اَے باپ مَیں چاہناں آں پئی جِتّھے مَیں آں اوہ وی جیہڑے تُوں مَینُوں دِتّے نیں۔ میرے نال ہون۔ تاں جو اوہ میرا جلال جیہڑا تُوں مَینُوں دِتّا اے ویکھن کیوں جو تُوں دُنیا دے بنن توں پہلا ای مَینُوں پیار کِیتا۔

یُوحنّا 17:26

تے مَیں اوہناں نُوں تیرے ناں توں واقف کرایا تے کر لواں گا وی۔ تاں جو اوہ پیار جِہدے نال توں مَینُوں پیار کِیتا اوہناں وِچ ہوئے تے مَیں اوہناں وِچ ہوواں۔

یُوحنّا 17:7

تے ہُن اوہناں جان لیا اے۔ پئی اوہ سارِیاں شیواں جیہڑیاں تُوں مَینُوں دِتّیاں نیں تیرے ولّوں نیں۔

یُوحنّا 18:9

تاں جو اوہ گلّ جیہڑی اوس آکھی سی پُوری ہوئے پئی جِنہاں نُوں تُوں مَینُوں دِتّا اے اوہناں وِچوں مَیں اِک وی نا گوایا۔

یُوحنّا 6:37

سبھ کُجھ جو باپ مَینُوں دیندا اے میرے ولّ آوے گا تے جیہڑا میرے کول آؤندا اے اوہنوں مَیں کَدے وی باہر نا کڈھاں گا۔

یُوحنّا 6:39

تے جِس مَینُوں گھلّیا اے اوہدی ایہہ مرضی اے پئی جو کُجھ اوس مَینُوں دِتّا اے اوہدے وِچوں مَیں کُجھ نا گواواں پر اخِیری دِن فیر زِندہ کراں۔

یُوحنّا 8:51

مَیں تُہانوں سَچ سَچ آکھنا آں۔ جے کوئی میرِیاں گلّاں نُوں مَنّے اوہ مَوت نُوں کدی وی نئیں ویکھے گا۔

یُوحنّا 8:52

تَد یہُودِیاں اوہنوں آکھیا ہُن اساں جان لیا اے پئی تیرے وِچ بد رُوح اے۔ ابرہام نیں بنی تے مر گئے پر تُوں آکھنا ایں پئی جیہڑا میرِیاں گلّاں نُوں مَنّے اوہ کدی وی مَوت دا سواد نا لَئے گا۔

اعمال 13:48

غیر قوم والے ایہہ گلّاں سُن کے خُوش ہوئے۔ تے خُدا دے کلام دی وڈیائی کرن لگّے تے جِنّے سدا دی زِندگی لئی ٹھہرائے گئے سن سو اِیمان لیائے۔

رُومِیوں 11:2

خُدا اپنی قوم نُوں جِہنُوں اوس پہلے توں جانیا رَدّ نئیں کِیتا۔ تُسی نئیں جان دے پئی ایلیّاہ دے بیان وِچ پاک کتاب کِیہ آکھدی اے؟ پئی اوہ خُدا دے اگّے اِسرائیل دے لئی کِس طرح فریاد کر دا اے۔

۲-کُرِنتھِیوں 4:6

ایس لئی پئی خُدا ای اے جِس آکھیا پئی ہنیرے وِچوں نُور چمکے تے اوہو ای ساڈیاں دِلاں وِچ چمکیا۔ تاں جو خُدا دے جلال دی پچھان دا نُور یِسُوع مسِیح دے چِہرے توں چمکارا مارے۔

کُلُسِّیوں 3:16

مسِیح دے کلام نُوں پُوری دانائی نال اپنے دِل وِچ چنگی طرح وَسّن دیو۔ تے تُسی زبُوراں تے گِیتاں تے رُوحانی غزلاں نال آپو وِچ سکھاؤ تے نصِیحت کرو تے اپنے دِلاں وِچ فضل نال خُدا لئی گاؤ۔

۲-تِیمُتِھیُس 1:13

جیہڑیاں ٹھیک گلّاں تُوں میرے کولوں سُنیاں اوس اِیمان تے پیار دے نال جیہڑا مسِیح یِسُوع وِچ اے۔ اوہناں دا خُلاصہ یاد رکھ۔

عِبرانیوں 2:12

سو اوہ آکھدا اے پئی تیرا ناں مَیں اپنے بھراواں اگّے بیان کراں گا۔ تے کلِیسیا وِچ تیری وڈیائی دے گِیت گاواں۔

عِبرانیوں 3:6

پر مسِیح پُتر وانگر اوہدے سارے گھر دا مُختِیار اے۔ تے اوہدا گھر اسی آں۔ پر ایہہ شرط اے۔ پئی اپنی دلیری تے آس دا فخر اوڑک تِیکر قیم رکھیے۔

۱-پطرس 1:1

یِسُوع مسِیح دے رسُول پطرس ولّوں اوہناں کھِلّرے ہوئے پردیسیاں نُوں جیہڑے پُنطُس۔ گلِتیہ۔ کَپّدُکیہ۔ آسِیہ تے بتُھنیہ وِچ نیں۔

۱-یُوحنّا 5:20

تے ایہہ وی جاننے آں پئی خُدا دا پُتر آگیا اے۔ تے اوس سانُوں سمجھ دِتّی اے۔ تاں جو اوہنوں جیہڑا اصلی اے جانئے۔ تے اسی اوہدے وِچ۔ جیہڑا اصلی اے یعنی اوہدے پُتر یِسُوع مسِیح وِچ آں۔ اصلی خُدا تے ہمیشہ دی زِندگی ایہی اے۔

مُکاشفہ 2:13

مَیں ایہہ تے جاننا آں پئی تُوں شیطان دے تخت دے تھاں وِچ رہنا ایں۔ تے میرے ناں اُتّے قیم رہنا ایں۔ تے جِنہاں دِناں وِچ میرا وفادار گواہ اِنتپاس تُہاڈے وِچ اوس تھاں قتل ہویا سی جِتّھے شیطان رہندا اے اوہناں دِناں وِچ وی تُوں میرے اُتّے اِیمان رکھن توں اِنکار نا کِیتا۔

مُکاشفہ 3:10

ایس کر کے پئی تُوں میرے صبر دے کلام اُتّے عمل کِیتا ایس لئی مَیں وی ازمایش دے اوس ویلے تیری حفاظت کراں گا۔ جیہڑا زمین دے رہن والیاں دے ازمان لئی ساری دُنیا اُتّے آؤن والا ہے۔

مُکاشفہ 3:8

پئی مَیں تیرے کمّاں نُوں جاننا آں (ویکھ مَیں تیرے سامھنے اِک بُوہا کھولیا ہویا اے۔ کوئی اوہنوں بند نئیں کر سکدا) کیوں جو تیرے وِچ تھوڑا جِہیا زور اے۔ تے تُوں میرے کلام اُتّے عمل کِیتا اے۔ تے میرے ناں دا اِنکار نئیں کِیتا۔