یُوحنّا 17:24 - پنجابی نواں عہد نامہ نظرثانی شدہ چھپائی

²⁴ اَے باپ مَیں چاہناں آں پئی جِتّھے مَیں آں اوہ وی جیہڑے تُوں مَینُوں دِتّے نیں۔ میرے نال ہون۔ تاں جو اوہ میرا جلال جیہڑا تُوں مَینُوں دِتّا اے ویکھن کیوں جو تُوں دُنیا دے بنن توں پہلا ای مَینُوں پیار کِیتا۔

یُوحنّا 17:24 ပူးပေါင်းရင်းမြစ်များ

متّی 25:21

اوہدے مالک نے اوہنوں آکھیا شاواشے چنگیا تے وفادار نوکرا۔ تُوں تے تھوڑے وِچ وفادار نِکلیا۔ مَیں تینُوں بتھیرے اُتّے اختیار دیاں گا۔ تُوں اپنے مالک دی خُوشی وِچ داخل ہو۔

متّی 25:23

اوہدے مالک اوہنوں آکھیا شاواشے چنگیا تے وفادار نوکرا۔ تُوں تے تھوڑے وِچ وفادار نِکلیوں۔ مَیں تینُوں بتھیرے اُتّے اختیار دیاں گا۔ تُوں اپنے مالک دی خُوشی وِچ داخل ہو۔

متّی 25:34

تَد بادشاہ اپنے سَجّے پاسے والیاں نُوں آکھے گا اَے میرے باپ دے مُبارک لوکو آؤ۔ اوس بادشاہی دے وارث بنو جیہڑی دُنیا دے مُڈھوں ای تُہاڈے لئی تیار کِیتی گئی سی۔

متّی 26:29

تے مَیں تُہانوں آکھنا آں پئی ایدوں اگّے مَیں ایس انگور دی رَس نُوں نا پِیاں گا اوس دِن تِیکر جدوں اپنے باپ دی بادشاہی وِچ مَیں اوہنوں تُہاڈے نال نَوِیں سِروں نا پِیاں۔

لُوقا 12:37

دھنّ نیں اوہ نوکر جِنہاں دا مالک آ کے اوہناں نُوں جاگدیاں ویکھے۔ مَیں تُہانوں سَچ آکھنا آں۔ پئی اوہ آپ لکّ بَنّھ کے کھان لئی اوہناں نُوں بٹھائے گا۔ تے کول آ کے اوہناں دی سیوا کرے گا۔

لُوقا 23:43

یِسُوع اوہنوں آکھیا مَیں تینُوں سَچ آکھنا آں پئی اَج تُوں میرے نال بہشت وِچ ہوئیں گا۔

یُوحنّا 1:14

تے جِسم لیا تے فضل تے سچیائی نال بھرپُور ہو کے ساڈے کول ڈیرہ کِیتا۔ تے اساں اُسدا اجیہا جلال ویکھیا جیویں باپ دے اِکلَوتے دا جلال۔

یُوحنّا 12:26

جے کوئی میری سیوا کرے تے اوہ میرے مگر آئے۔ تے جِتّھے مَیں آں میری سیوا کرن والا وی اوتھے ہوئے گا۔ جے کوئی میری سیوا کرے تے باپ اوہدی عِزّت کرے گا۔

یُوحنّا 14:3

تے جے مَیں جا کے تُہاڈے لئی تھاں تیار کراں مَیں مُڑ آ کے تُہانوں اپنے نال لے لاں گا پئی جِتّھے مَیں آں تُسی وی ہوؤ۔

یُوحنّا 15:9

جیویں باپ مَینُوں پیار کِیتا اوسے طرح مَیں وی تُہانوں کِیتا۔ تُسی میرے پیار وِچ رہو۔

یُوحنّا 17:2

جیویں تُوں اوہنوں کُل اِنسان اُتّے اختیار دِتّا اے پئی جیہڑے تُوں اوہنوں دِتّے نیں اوہ اوہناں سبھناں نُوں سدا دی زِندگی دیوے۔

یُوحنّا 17:22

تے مَیں اوہناں نُوں اوہ جلال دِتّا اے جیہڑا تُوں مَینُوں دِتّا اے۔ تاں جو اوہ اِک ہون جیویں اسی اِک آں۔

یُوحنّا 17:5

تے ہُن اَے باپ تُوں مَینُوں اپنے نال جلال دے اوسے جلال نال جیہڑا مَیں دُنیا دے ہون توں پہلاں ای تیرے نال رکھدا ساں۔

یُوحنّا 6:37

سبھ کُجھ جو باپ مَینُوں دیندا اے میرے ولّ آوے گا تے جیہڑا میرے کول آؤندا اے اوہنوں مَیں کَدے وی باہر نا کڈھاں گا۔

یُوحنّا 6:39

تے جِس مَینُوں گھلّیا اے اوہدی ایہہ مرضی اے پئی جو کُجھ اوس مَینُوں دِتّا اے اوہدے وِچوں مَیں کُجھ نا گواواں پر اخِیری دِن فیر زِندہ کراں۔

یُوحنّا 8:58

یِسُوع اوہناں نُوں آکھیا مَیں تُہانوں سَچ سَچ آکھنا آں۔ ایدوں پہلاں پئی ابرہام سی مَیں آں۔

۱-کُرِنتھِیوں 13:12

ہُن سانُوں شیشے وِچوں دُھندلا جیہا وکھائی دیندا اے پر اوس ویلے آہمنوں سامھنے ویکھاں گے۔ ایس ویلے میرا عِلم اُدھورا اے پر اوس ویلے اجیہا پُوری طرح نال پچھاناں گا۔ جیویں مَیں پچھانیاں گیا۔

۲-کُرِنتھِیوں 3:18

پر جد اساں سبھناں دے بے پردہ چِہریاں توں خُداوند دے جلال دا ایس طرح عکس پَیندا اے جیویں شیشے توں۔ تے اوس خُداوند دی راہِیں جیہڑا رُوح اے۔ اسی اوسے ای جلالی صُورت وِچ درجہ بدرجہ بدلدے جانے آں۔

۲-کُرِنتھِیوں 4:6

ایس لئی پئی خُدا ای اے جِس آکھیا پئی ہنیرے وِچوں نُور چمکے تے اوہو ای ساڈیاں دِلاں وِچ چمکیا۔ تاں جو خُدا دے جلال دی پچھان دا نُور یِسُوع مسِیح دے چِہرے توں چمکارا مارے۔

۲-کُرِنتھِیوں 5:8

سو ساڈی خاطرجمع اے تے سانُوں بدن دے وطن توں وَکھریاں ہو کے خُداوند دے وطن وِچ رہنا وَدّھ منظُور اے۔

فِلِپّیوں 1:23

مَیں دو وَلّیِں پھسیا ہویا آں۔ پر جی تے ایہہ چاہندا اے۔ پئی مسِیح کول کُوچ کر کے جا رہواں ایس لئی پئی ایہہ اودُوں چوکھا چَنگا اے۔

۱-تھِسّلُنِیکوں 4:17

فیر اسی جیہڑے جِیوندے باقی ہوواں گے۔ اوہناں دے نال بدّلاں اُتّے چُکے جاواں گے تاں جو وَا وِچ خُداوند دی اگّوالی کریئے۔ تے ایس طرح سدا خُداوند دے نال رہاں گے۔

۱-پطرس 1:21

تے تُساں اوہدی راہِیں خُدا اُتّے اِیمان لیاندا اے۔ جِس اوہنوں مُردیاں وِچوں جوایا اے۔ تے جلال وی دِتّا۔ تاں جو تُہاڈا اِیمان تے آس خُدا اُتّے ہوئے۔

۱-یُوحنّا 3:2

پیاریو! اسی ہُن خُدا دے پُتر آں۔ تے اجے تِیکر ایہہ ظاہر وی نئیں ہویا پئی کِیہ ہوواں گے۔ اَیناں جاننے آں پئی جدوں اوہ ظاہر ہوئے گا۔ تے اسی وی اوہدے وانگر ہوواں گے۔ کیوں جو جِہا اوہ ہے تِہا ای اوہنوں ویکھاں گے۔

مُکاشفہ 21:22

تے مَیں اوہدے وِچ کوئی ہیکل نا ویکھی ایس لئی پئی خُداوند خُدا قادرِ مُطلق تے لیلا اوہدی ہیکل نیں۔

مُکاشفہ 3:21

جیہڑا جِتّے مَیں اوہنوں اپنے نال تخت اُتّے بہاواں گا۔ جیویں مَیں وی جِت کے اپنے باپ نال اوہدے تخت اُتّے بَہہ گیا۔