یُوحنّا 17:21 - پنجابی نواں عہد نامہ نظرثانی شدہ چھپائی

²¹ تاں جو سبھ اِک ہون پئی جیویں اَے باپ تُوں میرے وِچ تے مَیں تیرے وِچ آں اوہ وی ساڈے وِچ ہون تاں جو دُنیا اِیمان لیاوے پئی تُوں مَینُوں گھلّیا۔

یُوحنّا 17:21 ပူးပေါင်းရင်းမြစ်များ

مرقس 3:24

تے جیکر کِسے راج وِچ پُھٹ پَے جاوے۔ تے اوہ راج قیم نئیں رہ سکدا۔

یُوحنّا 10:16

میرِیاں ہور وی بھیڈاں نیں جیہڑیاں ایس واڑے دِیاں نئیں۔ اوہناں نُوں وی مَیں لیاؤنا اے تے اوہ میری اواز سُنن گِیاں تے اوہ اِک اِجّڑ تے اِک ایّالی ہو جان گِیاں۔

یُوحنّا 10:30

مَیں تے باپ اِک آں۔

یُوحنّا 10:38

پر جے مَیں کرنا آں۔ تَد مَینُوں بھانویں نا ای مَنّو پر میرے کمّاں نُوں تے مَنّو تاں جو تُسی جانوں تے سمجھو پئی باپ میرے وِچ اے تے مَیں باپ وِچ۔

یُوحنّا 11:42

تے مَینُوں تے پتا سی پئی تُوں ہمیش میری سُندا ایں۔ پر لوکاں لئی جیہڑے میرے آلے دوالے کھلوتے ہوئے نیں مَیں ایہہ آکھیا تاں جو اِیمان لیاؤن پئی تُوں مَینُوں گھلّیا اے۔

یُوحنّا 13:32

تے خُدا اوہنوں وی اپنے وِچ جلال دیوے گا۔ تے چھیتی اوہنوں جلال دیوے گا۔

یُوحنّا 13:35

ایس گلّوں سارے جانن گے پئی تُسی میرے شاگِرد ہو جے آپو وِچ پیار رکھو۔

یُوحنّا 17:11

تے ہُن مَیں دُنیا وِچ ہور نئیں رہنا۔ تے ایہہ دُنیا وِچ نیں۔ تے مَیں تیرے کول آؤناں آں۔ اَے قُدُّوس باپ! تُوں اپنے اوس ناں دی راہِیں جیہڑا تُوں مَینُوں دِتّا اے اوہناں دی سنبھالنا کر تاں جو اوہ ساڈے وانگُوں اِک ہون۔

یُوحنّا 17:18

جیویں تُوں مَینُوں دُنیا وِچ گھلّیا۔ اوسے طرح مَیں وی اوہناں نُوں دُنیا وِچ گھلّیا۔

یُوحنّا 17:20

مَیں نِرا ایہناں ای لئی درخواست نئیں کر دا پر اوہناں لئی وی جیہڑے اوہناں دے کلام دی راہِیں میرے اُتّے اِیمان لیاؤندے نیں۔

یُوحنّا 17:25

اے سَچّے مُنصف باپ دُنیا تینُوں نئیں جانیا پر مَیں تینُوں جانیا۔ تے اوہناں جانیا پئی تُوں مَینُوں گھلّیا۔

یُوحنّا 17:3

تے سدا دی زِندگی ایہہ اے پئی اوہ تینُوں جانن جیہڑا اکلّا سَچّا خُدا ایں تے نالے یِسُوع مسِیح نُوں جِہنُوں تُوں گھلّیا اے۔

یُوحنّا 17:8

ایس لئی پئی ایہہ کلام جیہڑا تُوں مَینُوں دِتّا مَیں اوہناں نُوں دِتّا اے۔ تے اوہناں قبول کِیتا تے سَچ مَنّیا پئی مَیں تیرے ولّوں نِکلیا۔ تے اِیمان لیاندا پئی تُوں مَینُوں گھلّیا۔

یُوحنّا 3:17

کیوں جو خُدا اپنے پُتر نُوں دُنیا وِچ ایس لئی نئیں گھلّیا پئی دُنیا دی عدالت کرے سگوں ایس لئی پئی دُنیا اوہدے سببّوں بچ جائے۔

یُوحنّا 5:23

تاں جو سبھ لوک پُتر دی عِزّت کرن جیویں باپ دی عِزّت کر دے نیں۔ جیہڑا پُتر دی عِزّت نئیں کر دا اوہ باپ دی وی جِس اوہنوں گھلّیا عِزّت نئیں کر دا۔

اعمال 2:46

تے روز دِہاڑے اِک دِل ہو کے ہیکل وِچ اکٹّھے ہوندے سن۔ تے گھراں وِچ روٹی توڑ کے خُوشی تے صاف دِلی نال اَن پانی کھاندے سن۔

اعمال 4:32

تے اِیمانداراں دی جماعت اِک دِل تے اِک جان سی۔ تے کوئی اپنے مال وِچوں کِسے شے نُوں اپنا نئیں سی آکھدا پر اوہ سبھ کُجھ سانجھا رکھدے سن۔

رُومِیوں 12:5

اوسے طرح اسی جیہڑے بتھیرے آں پر مسِیح وِچ اِک بدن آں۔ تے اِک اِک کر کے اِک دُوجے دے انگ آں۔

۱-کُرِنتھِیوں 1:10

ہُن بھراؤ! مَیں یِسُوع مسِیح دا جیہڑا ساڈا خُداوند اے ناں یاد دوا کے تُہاڈے اگّے مِنّت کرنا آں۔ پئی اِکّو جِہی گلّ آکھو تے تُہاڈے وِچ دُوجا پن نا ہوئے۔ سگوں آپو وِچ اِک دِل تے اِک صلاح ہو کے کامِل بنے رہو۔

۱-کُرِنتھِیوں 12:12

کیوں جو جیویں جِسم اِک اے تے اوہدے انگ بتھیرے نیں۔ تے جِسم دے سارے انگ بھانویں بتھیرے نیں پر آپو وِچ رَل کے اِکّوئی جِسم نے۔ ایسے طرح مسِیح وی اے۔

۱-کُرِنتھِیوں 6:17

تے جیہڑا خُداوند دی صُحبت وِچ رہندا اے اوہ اوہدے نال اِک رُوح ہو جاندا اے۔

گلتِیوں 3:28

نا کوئی یہُودی رہیا نا یُونانی۔ نا کوئی غلام نا اَزاد نا کوئی جَنا نا زنانی۔ کیوں جو تُسی سارے مسِیح یِسُوع وِچ اِک ہو۔

فِلِپّیوں 1:27

نِرا ایہہ کرو پئی تُہاڈا چال چَلّن مسِیح دی خُوشخبری دے لائق ہوئے۔ تاں جو بھانویں مَیں آواں تے تُہانوں ویکھاں تے بھانویں نا آواں تُہاڈا ایہہ حال سُناں۔ پئی تُسی اِکّو رُوح وِچ پکّے اوہ۔ تے اِنجِیل دے اِیمان دے لئی تُسی رَل کے اِک جان ہو کے دِلوں محنت کر دے ہو۔

۱-یُوحنّا 1:3

جو کُجھ اساں ویکھیا تے سُنیا اے۔ تُہانوں وی اوہ دسنے آں۔ تاں جو تُسی وی ساڈے نال سنگت رکھو۔ تے ساڈی سنگت باپ دے نال تے اوہدے پُتر یِسُوع مسِیح دے نال اے۔

۱-یُوحنّا 5:7

تے رُوح ای گواہی دین والا اے۔ کیوں جو رُوح سچیائی اے۔