یُوحنّا 17:13 - پنجابی نواں عہد نامہ نظرثانی شدہ چھپائی

¹³ پر ہُن مَیں تیرے کول آؤنا آں۔ تے ایہہ گلّاں مَیں ایس واسطے دُنیا وِچ آکھنا آں پئی میری خُوشی اوہناں وِچ پُوری ہو جاوے۔

یُوحنّا 17:13 ပူးပေါင်းရင်းမြစ်များ

یُوحنّا 13:3

تے رات دی روٹی کھاندیاں ہویاں یِسُوع ایہہ جان کے پئی باپ نیں سبھ کُجھ میرے ہتّھ وِچ دِتّا تے مَیں خُدا ولّوں آیا تے خُدا کول جاناں آں۔

یُوحنّا 15:11

ایہہ گلّاں مَیں تُہانوں آکھیاں نیں تاں جو میری خُوشی تُہاڈے وِچ رہے۔ تے تُہاڈی خُوشی پُوری ہو جاوے۔

یُوحنّا 16:33

ایہہ گلّاں مَیں تُہانوں آکھیاں نیں تاں جو تُہانوں میرے وِچ سُکھ مِلے۔ دُنیا وِچ تُہانوں دُکھ اے پر تگڑے رہو کیوں جو مَیں دُنیا نُوں جِت لیا اے۔

یُوحنّا 17:11

تے ہُن مَیں دُنیا وِچ ہور نئیں رہنا۔ تے ایہہ دُنیا وِچ نیں۔ تے مَیں تیرے کول آؤناں آں۔ اَے قُدُّوس باپ! تُوں اپنے اوس ناں دی راہِیں جیہڑا تُوں مَینُوں دِتّا اے اوہناں دی سنبھالنا کر تاں جو اوہ ساڈے وانگُوں اِک ہون۔

یُوحنّا 3:29

جِہدے کول وَوہٹی اے اوہو لاڑا ہوندا اے پر لاڑے دا یار جیہڑا کھلو کے اوہدی گلّ سُندا اے لاڑے دی اواز نال بڑا خُوش ہوندا اے۔ سو میری ایہہ خُوشی پُوری ہوئی اے۔

یُوحنّا 7:33

تَد یِسُوع آکھیا ہور اجے تھوڑا چِر مَیں تُہاڈے نال آں تے جِس مَینُوں گھلّیا مَیں اوہدے کول جانا آں۔

اعمال 13:52

تے شاگِرد خُوشی تے پاک رُوح نال بھر دے جاندے سن۔

رُومِیوں 14:17

کیوں جو خُداوند دی بادشاہی کھانا پِینا نئیں اے۔ سگوں راستبازی تے میل ملاپ تے پاک رُوح وِچ خُوشی اے۔

گلتِیوں 5:22

پر رُوح دا پَھل پیار۔ خُوشی۔ تسلّی۔ برداشت۔ مِہربانی۔ نیکی۔ دیانتداری۔

عِبرانیوں 12:2

تے اِیمان دے بانی تے کامِل کرن والے یِسُوع نُوں ویکھدے رہیئے۔ جِس اوس خُوشی دے سبّب جیہڑی اوہدے اگّے پئی ہوئی سی بے عِزّتی دی پرواہ نا کِیتی تے صلِیب دا دُکھ جَھل کے خُدا دے تخت دے سَجّے پاسے جا بَیٹھا۔

۱-یُوحنّا 1:4

تے ایہہ گلّاں اسی ایس لئی لکھنے آں پئی ساڈی خُوشی پُوری ہو جائے۔

۲یُوحنّا 1:12

مَیں بتھیریاں گلّاں تُہانوں لِکھنِیاں نیں پر کاغذ تے سیاہی نال لِکھنا نئیں چاہندا سگوں تُہاڈے کول آ کے آمھنے سامھنے گلّ بات کرن دی آس رکھنا آں۔ تاں جو تُہاڈی خُوشی پُوری ہوئے۔