یُوحنّا 16:7 - پنجابی نواں عہد نامہ نظرثانی شدہ چھپائی

⁷ تَد وی مَیں تُہانوں ٹھیک آکھنا آں پئی میرا ٹُر جانا تُہاڈے واسطے چَنگا اے کیوں جو جے مَیں نا جاواں تے مددگار تُہاڈے کول نئیں آوے گا۔ پر جے مَیں جاواں تے اوہنوں تُہاڈے کول گھلاں گا۔

یُوحنّا 16:7 ပူးပေါင်းရင်းမြစ်များ

لُوقا 24:49

تے ویکھو مَیں اپنے باپ دے وعدہ نُوں تُہاڈے اُتّے گھلّنا آں۔ پر تُسی شہر وِچ بَیٹھے رہو۔ جد تِیکر عالمِ بالا توں تُہانوں قُدرت دے لباس نا مِلے۔

لُوقا 4:25

مَیں تُہانوں سَچ آکھنا آں۔ پئی جد ایلیّاہ دے ویلے ساڈھیاں تِنّاں ورھیاں تِیکر اسمان بند رہیا۔ پئی سارے مُلک وِچ بڑا کال پیا تَد اِسرائیل وِچ بتھیریاں بیوہ زنانِیاں سن۔

لُوقا 9:27

پر مَیں تُہانوں سَچ آکھنا آں پئی ایتھے کھلون والیاں وِچوں کئی اِک نیں جیہڑے جد تِیکر خُدا دی بادشاہی نُوں ویکھ نا لین اُکّا مَوت دا سواد نا لین گے۔

یُوحنّا 14:26

پر مددگار جیہڑا پاک رُوح اے جِہنُوں باپ میرے ناں اُتّے گھلّے گا اوہو تُہانوں سبھ کُجھ سکھالے گا۔ تے جو کُجھ مَیں تُہانوں آکھیا اے تُہانوں یاد کرا دے گا۔

یُوحنّا 14:28

تُساں سُن لیا اے پئی مَیں تُہانوں آکھیا پئی مَیں جاناں تے تُہاڈے کول فیر آؤناں آں۔ جے تُسی مَینُوں پیار کر دے تے خُوش ہوندے پئی مَیں باپ کول جاناں آں کیوں جو باپ مَیتھوں وَڈا اے۔

یُوحنّا 14:3

تے جے مَیں جا کے تُہاڈے لئی تھاں تیار کراں مَیں مُڑ آ کے تُہانوں اپنے نال لے لاں گا پئی جِتّھے مَیں آں تُسی وی ہوؤ۔

یُوحنّا 15:26

پر جدوں اوہ مددگار آوے گا جِہنُوں مَیں باپ ولّوں تُہاڈے کول گھلاں گا۔ یعنی سچیائی دا رُوح جیہڑا باپ ولّوں نِکلدا اے تے اوہ میری بابت گواہی دے گا۔

یُوحنّا 16:8

تے اوہ آ کے دُنیا نُوں گُناہ تے نیکی تے عدالت دی بابت قصوروار بنائے گا۔

یُوحنّا 7:39

پر اوہنے ایہہ رُوح دی بابت آکھیا سی جیہڑا اوہدے مَنّن والیاں نُوں مِلنا سی۔ ایس لئی پئی اجے تِیکر رُوح نئیں سی مِلیا۔ کیوں جو یِسُوع اجے اپنے جلال نُوں نا سی پہنچیا۔

اعمال 10:34

تَد پطرس نے مُنھ کھول کے آکھیا۔ سَچ مُچ مَیں جان لیا پئی خُدا کِسے دا لحاظ کرن والا نئیں۔

اعمال 2:33

سو جد اوہ خُدا دے سَجّے پاسے اُچّا کِیتا گیا تے اوس باپ کولوں پاک رُوح دا وعدہ پایا تاں اوس ایہہ جو تُسی ویکھدے تے سُندے ہو بخش دِتّا۔

رُومِیوں 8:28

تے اسی جاننے آں پئی سارِیاں شیواں اوہناں لئی جیہڑے خُدا نال مُحبّت رکھدے نیں رَل کے فائدہ پَیدا کر دیاں نیں ایہہ اوہ نیں جیہڑے خُدا دے اِرادے دے سببّوں سَدّے گئے نیں۔

۲-کُرِنتھِیوں 4:17

کیوں جو ساڈی پَل کُو دی ہَولی جیہی مُصِیبت ساڈے لئی بُہت ای بھارا تے سدا دا جلال پَیدا کر دی جاندی اے۔