یُوحنّا 16:32 - پنجابی نواں عہد نامہ نظرثانی شدہ چھپائی

³² ویکھو اوہ گھڑی آؤندی اے۔ سگوں آگئی اے پئی تُسی ہر اِک آپو اپنی تھائِیں کھِلرپُلر جاؤ گے تے مَینُوں اکلّیاں چھڈ جاؤ گے تَد وی مَیں اکلّا نئیں کیوں جو باپ میرے نال اے۔

یُوحنّا 16:32 ပူးပေါင်းရင်းမြစ်များ

متّی 26:31

تَد یِسُوع اوہناں نُوں آکھیا اَج رات تُسی میری بابت ٹھوکر کھاؤ گے کیوں جو ایہہ لِکھیا اے۔ ”پئی مَیں آجڑی نُوں ماراں گا تے اِجّڑ دِیاں بھیڈاں کھِلّر جان گِیاں۔“

متّی 26:56

پر ایہہ سبھ کُجھ ایس لئی ہویا پئی نبیاں دے نوِشتے پُورے ہون۔ تَد سارے شاگِرد اوہنوں چھڈ کے بھج گئے۔

مرقس 14:27

تے یِسُوع اوہناں نُوں آکھیا پئی تُسی سارے ٹھوکر کھاؤ گے۔ کیوں جو لِکھیا اے پئی مَیں ایّالی نُوں ماراں گا تے بھیڈاں کھِلّر جان گِیاں۔

مرقس 14:50

تے سارے اوہنوں چھڈ کے بھج گئے۔

یُوحنّا 12:23

یِسُوع نیں اوہناں نُوں جواب دِتّا ویلا آگیا اے پئی اِبنِ آدم دا جلال ہوئے۔

یُوحنّا 16:2

لوک تُہانوں جماعتوں کڈھ دین گے تے اوہ گھڑی آؤندی اے پئی جیویں کوئی تُہاڈا خُون کرے اوہ ایہہ سمجھے گا پئی مَیں خُدا دی خِدمت کرنا آں۔

یُوحنّا 16:25

ایہہ گلّاں مَیں تُہانوں تمثِیلاں وِچ آکھیاں نیں۔ اوہ گھڑی آؤندی اے جد مَیں تُہاڈے نال تمثِیلاں وِچ نئیں بولاں گا پر صاف صاف تُہانوں باپ دی خبر دیاں گا۔

یُوحنّا 16:31

یِسُوع اوہناں نُوں جواب دِتّا ہُن تُہانوں یقِین آؤندا اے؟

یُوحنّا 19:27

فیر شاگِرد نُوں آکھیا پئی ویکھ ایہہ تیری ماں۔ تے اوسے گھڑی اوہ شاگِرد اوہنوں اپنے گھر لے گیا۔

یُوحنّا 20:10

سو شاگِرد اپنے گھر نُوں فیر مُڑ گئے۔

یُوحنّا 4:21

یِسُوع اوہنوں آکھیا بی بی! میری گلّ مَن۔ اوہ ویلا آؤندا اے جدوں نا ایس پہاڑ اُتّے تے نا یرُوشلِیم وِچ تُسی باپ دی بندگی کرو گے۔

یُوحنّا 4:23

پر ویلا آؤندا اے تے ہُنے اے جدوں سَچّے بَھگت رُوح تے سچیائی نال باپ دی بندگی کرن گے کیوں جو باپ اجیہاں نُوں چاہندا اے۔ پئی اوہدی بندگی کرن۔

یُوحنّا 5:25

مَیں تُہانوں سَچ سَچ آکھنا آں پئی اوہ گھڑی آؤندی اے تے ہُن ای اے جدوں مُردے خُدا دے پُتر دی اواز سُنن گے تے جیہڑے سُنن گے جِیو پَین گے۔

یُوحنّا 5:28

ایس گلّوں حَیران نا اوہ۔ کیوں جو اوہ گھڑی آؤندی اے جدوں سارے جیہڑے قبراں وِچ نیں اوہدی اواز سُنن گے۔

یُوحنّا 8:16

تے جے مَیں فیصلہ کرنا آں تے میرا فیصلہ سَچّا اے کیوں جو مَیں اکلّا نئیں آں پر مَیں تے باپ جِس مَینُوں گھلّیا۔

یُوحنّا 8:29

تے میرا گھلّن والا میرے نال اے اوس مَینُوں اکلّا نئیں چھڈیا کیوں جو مَیں ہمیش اوہ ای کمّ کرنا آں جیہڑے اوہنوں چنگے لگدے نیں۔

اعمال 21:6

تے اِک دُوجے توں وِداع ہو کے اسی جہاز اُتّے چڑھے تے اوہ اپنے گھراں نُوں پرت گئے۔

اعمال 8:1

تے ساؤُل اوہدے مار دین اُتّے راضی سی۔ تے اوس دِن توں یرُوشلِیم دی کلِیسیا اُتّے بڑا ظُلم ہون لگّا۔ تے رسُولاں نُوں چھڈ کے اوہ سارے یہُودیہ تے سامریہ دے مُلک وِچ کھِلّر گئے۔