یُوحنّا 16:27 - پنجابی نواں عہد نامہ نظرثانی شدہ چھپائی

²⁷ کیوں جو باپ آپ ای تُہانوں پیار کر دا اے ایس لئی پئی تُساں مَینُوں پیار کِیتا اے تے اِیمان لیاؤندا اے پئی مَیں باپ کولوں نِکلیا آں۔

یُوحنّا 16:27 ပူးပေါင်းရင်းမြစ်များ

متّی 10:37

جیہڑا پئیو یا ماں نُوں میرے نالوں وَدّھ پیار کر دا اے اوہ میرے کمّ دا نئیں اے۔ تے جیہڑا پُتر یا دِھی نُوں میرے نالوں وَدّھ پیار کر دا اے اوہ میرے کمّ دا نئیں۔

یُوحنّا 14:21

جِہدے کول میرے حُکم نیں تے اوہ اوہناں نُوں مَندا اے اوہ ای اے جیہڑا مَینُوں پیار کر دا اے تے جیہڑا مَینُوں پیار کر دا اے میرے باپ دا پیارا ہوئے گا تے مَیں اوہنوں پیار کراں گا۔ تے اپنے آپ نُوں اوہدے اُتّے ظاہر کراں گا۔

یُوحنّا 14:23

یِسُوع اوہنوں جواب دِتّا جے کوئی مَینُوں پیار کر دا اے اوہ میرے کلام نُوں مَنّے گا۔ تے میرا باپ اوہنوں پیار کرے گا۔ تے اسی اوہدے کول آواں گے تے اوہدے نال رہاں گے۔

یُوحنّا 16:30

ہُن اسی جاننے آں پئی تُوں سبھ کُجھ جاننا ایں تے تینُوں لوڑ نئیں پئی کوئی تَیتھوں پُچھے۔ ایس گلّ توں سانُوں یقِین آؤندا اے پئی تُوں خُدا توں نِکلیا ایں۔

یُوحنّا 17:23

مَیں اوہناں وِچ تے تُوں میرے وِچ تاں جو کامِل ہو کے اِک ہو جان۔ تے دُنیا جانے پئی تُوں مَینُوں گھلّیا۔ تے جِس طرح تُوں مَینُوں پیار کِیتا اوسے طرح تُوں اوہناں نُوں وی پیار کِیتا۔

یُوحنّا 2:11

ایہہ پہلی کرامات یِسُوع نیں گلِیل دے قانا وِچ کِیتی تے اپنا جلال ظاہر کِیتا تے اوہدیاں شاگِرداں اوہدے اُتّے اِیمان لیاندا۔

یُوحنّا 3:13

تے اسمان اُتّے کوئی نئیں چڑھیا اوہدے سِوا جیہڑا اسمانوں لتّھا اے۔ یعنی اِبنِ آدم جیہڑا اسمان دے وِچ اے۔

یُوحنّا 7:29

مَیں اوہنوں جاننا آں کیوں جو مَیں اوہدے ولّوں آں تے اوس مَینُوں گھلّیا۔

یُوحنّا 8:42

یِسُوع اوہناں نُوں آکھیا جے خُدا تُہاڈا باپ ہوندا تے تُسی مَینُوں پیار کر دے۔ کیوں جو مَیں خُدا توں نِکلیا تے آیا آں۔ تے مَیں آپ توں نئیں آیا آں پر اوس مَینُوں گھلّیا۔

رُومِیوں 8:3

ایس لئی پئی جیہڑی گلّ جِسم دی کمزوری دے سببّوں شریعت توں نا ہو سکی۔ خُدا اپنے ای پُتر نُوں گُناہی جِسم دی صُورت وِچ تے گُناہ دی قُربانی لئی گھل کے جِسم وِچ گُناہ دی سزا دا حُکم کِیتا۔

۱-کُرِنتھِیوں 15:47

پہلا بندہ زمین وِچوں یعنی خاکی سی دُوجا بندہ اسمانی اے۔

۱-کُرِنتھِیوں 16:22

جیہڑا خُداوند نُوں پیار نئیں کر دا سو لعنتی ہوئے۔ ساڈے خُداوندا آ۔

۲-کُرِنتھِیوں 5:14

کیوں جو مسِیح دی مُحبّت سانُوں لاچار کر دیندی اے۔ ایس لئی پئی اسی ایہہ سمجھنے آں پئی جد اِک ساریاں لئی مویا۔ تے سارے مر گئے۔

گلتِیوں 4:4

پر جدوں پُورا ویلا آ گیا خُدا اپنے پُتر نُوں گھلّیا جیہڑا عورت توں جمّیا۔ تے جنم توں شریعت دا ہٹھارُو بنیا۔

اِفسِیوں 6:24

جیہڑے ساڈے خُداوند یِسُوع مسِیح نال سدا قیم رہن والی مُحبّت رکھدے نیں۔ اوہناں ساریاں اُتّے فضل ہوئے۔

۱-تِیمُتِھیُس 1:15

ایہہ سَچّی گلّ اے تے سبھنیں پاسیں مَنّن والی اے پئی مسِیح یِسُوع گُناہِیاں نُوں نجات دین واسطے دُنیا وِچ آیا جِنہاں وِچوں مَیں موہرلا آں۔

عِبرانیوں 12:6

کیوں جو جِہنُوں خُداوند پیار کر دا اے۔ اوہنوں جِھڑکدا وی اے تے جِہنُوں پُتر بناندا اے۔ اوہنوں کولڑے وی مار دا اے۔

۱-پطرس 1:8

اوہدے نال تُسی بِن ویکھیاں مُحبّت رکھدے ہو تے بھانویں اوہنوں ایس ویلے نئیں ویکھدے فیر وی اوہدے اُتّے اِیمان لیا کے اجیہی خُوشی کر دے ہو۔ تے جِہدا بیان نئیں ہو سکدا تے جیہڑی جلال نال بھری ہوئی اے۔

۱-یُوحنّا 4:19

اسی ایس لئی مُحبّت کرنے آں پئی پہلا اوس ساڈے نال مُحبّت کِیتی۔

مُکاشفہ 3:19

مَیں جِنہاں نُوں پیار کرنا آں اوہناں نُوں جِھڑکدا تے سزا وی دینا آں۔ ایس لئی سرگرم ہو تے تَوبہ کر۔

مُکاشفہ 3:9

ویکھ مَیں شیطان دی جماعت دے اوہناں لوکاں نُوں تیرے قابُو وِچ کر دیاں گا۔ جیہڑے اپنے آپ نُوں یہُودی آکھدے نیں تے ہَین نئیں۔ سگوں جُھوٹھ بول دے نیں۔ ویکھ مَیں ایہہ کراں گا پئی اوہ آ کے تیرے پیراں وِچ سجدہ کرن گے تے جانن گے پئی مَیں تینُوں پیار کرنا آں۔