یُوحنّا 16:19 - پنجابی نواں عہد نامہ نظرثانی شدہ چھپائی

¹⁹ یِسُوع جان گیا پئی اوہ مَیتھوں پُچھنا چاہندے نیں۔ تَد اوہناں نُوں آکھیا تُسی کِیہ آپو وِچ ایہدی بابت پُچھدے ہو پئی مَیں آکھیا تھوڑے چِر نُوں تُسی مَینُوں فیر نا ویکھو گے تے فیر تھوڑے چِر نُوں تُسی مَینُوں ویکھو گے؟

یُوحنّا 16:19 ပူးပေါင်းရင်းမြစ်များ

متّی 6:8

سو تُسی اوہناں وانگُوں نا ہوؤ کیوں جو تُہاڈا باپ تُہاڈے منگن توں پہلاں ای جان دا اے پئی تُہانوں کیہڑیاں کیہڑیاں شیواں دی لوڑ اے۔

متّی 9:4

تے یِسُوع اوہناں دیاں خیالاں نُوں بُجھ کے آکھیا تُسی کاہِنُوں اپنے دِلاں وِچ بُرے خیال کر دے ہو؟

مرقس 9:32

پر اوہناں ایہہ گلّ نا سمجھی۔ تے اوہنوں پچُھّن لئی ڈر دے سن۔

یُوحنّا 13:33

اَے بچّیو اجے تھوڑا چِر مَیں تُہاڈے نال آں۔ تُسی مَینُوں لَبّھو گے تے جیویں مَیں یہُودِیاں نُوں آکھیا سی پئی جِتّھے مَیں جاناں آں تُسی نئیں آسکدے ہُن تُہانوں وی آکھنا آں۔

یُوحنّا 14:19

اجے تھوڑا چِر اے تے دُنیا مَینُوں فیر نا ویکھے گی پر تُسی ویکھدے رہو گے ایس کر کے پئی مَیں جِیونا آں تُسی وی جیوگے۔

یُوحنّا 16:16

تھوڑے چِر نُوں تُسی مَینُوں فیر نا ویکھو گے تے فیر تھوڑے چِر نُوں مَینُوں ویکھو گے۔

یُوحنّا 16:18

ایس لئی اوہناں آکھیا ایہہ کِیہ اے جو اوہ آکھدا اے۔ تھوڑا چِر؟ اسی نئیں سمجھدے پئی اوہ کِیہ آکھدا اے۔

یُوحنّا 16:23

تے اوس دِن تُسی مَیتھوں کُجھ نا پُچھو گے۔ مَیں تُہانوں سَچ سَچ آکھنا آں جے تُسی باپ کولوں کُجھ منگو گے تے اوہ میرے ناں اُتّے تُہانوں دیوے گا۔

یُوحنّا 16:26

اوس دِن تُسی میرے ناں اُتّے منگو گے تے مَیں تُہانوں ایہہ نئیں آکھدا پئی باپ کول تُہاڈے لئی عرض کراں گا۔

یُوحنّا 16:30

ہُن اسی جاننے آں پئی تُوں سبھ کُجھ جاننا ایں تے تینُوں لوڑ نئیں پئی کوئی تَیتھوں پُچھے۔ ایس گلّ توں سانُوں یقِین آؤندا اے پئی تُوں خُدا توں نِکلیا ایں۔

یُوحنّا 21:17

اوس اوہنوں ترِیجی وار آکھیا اَے شمعُون یُوحنّا دے پُتر تُوں مَینُوں پیار کرنا ایں؟ ایس گلّے پئی اوس ترِیجی وار اوہنوں آکھیا تُوں مَینُوں پیار کرنا ایں؟ پطرس اُداس ہویا تے اوہنوں آکھیا اَے خُداوند تُوں ای سبھ کُجھ جاننا ایں تینُوں معلُوم اے پئی مَیں تینُوں پیار کرنا آں۔ یِسُوع اوہنوں آکھیا میرِیاں بھیڈاں نُوں چار۔

یُوحنّا 6:61

پر یِسُوع اپنے آپ جان کے پئی میرے شاگِرد ایس گلّ اُتّے کُڑکُڑاؤندے نیں۔ اوہناں نُوں آکھیا ایہدے توں تُہانوں ٹھوکر لگدی اے۔

یُوحنّا 7:33

تَد یِسُوع آکھیا ہور اجے تھوڑا چِر مَیں تُہاڈے نال آں تے جِس مَینُوں گھلّیا مَیں اوہدے کول جانا آں۔

عِبرانیوں 4:13

جِہدے نال سانُوں کمّ اے۔ اوہدے کولوں دُنیا دی کوئی شے چُھپی ہوئی نئیں۔ سگوں اوہدیاں اکھّاں اگّے سارِیاں شیواں ننگِیاں تے کُھلِیاں ہویاں نیں۔

مُکاشفہ 2:23

تے اوہدے پُتراں نُوں جانوں ماراں گا۔ تے سارِیاں کلِیسیاواں نُوں پتا لگّے گا۔ پئی گُردیاں تے دِلاں دا جانن والا مَیں آں۔ تے مَیں تُہاڈے وِچوں ہر اِک نُوں اوہدیاں کمّاں دے سببّوں بدلہ دیاں گا۔