یُوحنّا 15:5 - پنجابی نواں عہد نامہ نظرثانی شدہ چھپائی

⁵ مَیں انگور دا بُوٹا آں تے تُسی ٹہنِیاں ہو۔ اوہ جیہڑا میرے وِچ رہندا تے مَیں اوہدے وِچ۔ اوہو بُہت پَھل لیاؤندا اے۔ کیوں جو مَیتھوں وَکھ ہو کے تُسی کُجھ نئیں کر سکدے۔

یُوحنّا 15:5 ပူးပေါင်းရင်းမြစ်များ

متّی 13:21

اوہ تے جڑ اپنے وِچ نئیں رکھدا پر تھوڑا چِر رہندا اے۔ تے کلام دے سبّب دُکھ یا ظُلم ہوندیاں ای جھٹ اوہ ٹھوکر کھاندا اے۔

یُوحنّا 12:24

مَیں تُہانوں سَچ سَچ آکھنا آں پئی جِنّاں چِر کنک دا دانہ زمین وِچ پَے کے نا مرے اوہ اکلّا ای رہندا اے۔ پر جے مر جاوے تے بوہتا پَھل لیاؤندا اے۔

یُوحنّا 15:16

تُساں مَینُوں نئیں چُنیا پر مَیں تُہانوں چُنیا تے تُہانوں مُقرّر کِیتا۔ پئی تُسی جاؤ تے پَھل لیاؤ تے تُہاڈا پَھل قیم رہے تاں جو تُسی باپ کولوں میرے ناں اُتّے جو کُجھ منگو گے اوہ تُہانوں دیوے۔

یُوحنّا 5:19

ایس واسطے یِسُوع اوہناں نُوں جواب دِتّا مَیں تُہانوں سَچ سَچ آکھنا آں پئی پُتر آپ توں کُجھ نئیں کر سکدا پر جو کُجھ اوہ باپ نُوں کر دیاں ویکھدا اے۔ کیوں جو جیہڑے کمّ اوہ کر دا اے پُتر وی اوسے طرح کر دا اے۔

یُوحنّا 9:33

جے اوہ بندہ خُدا ولّوں نا ہوندا تے کُجھ نا کر سکدا۔

اعمال 4:12

تے کِسے دُوجے توں نجات نئیں اے ایس لئی پئی اسمانوں ہیٹھاں بندیاں نُوں کوئی ہور ناں دِتّا نئیں گیا۔ جِہدی راہِیں اسی نجات پا سکیئے۔

رُومِیوں 12:5

اوسے طرح اسی جیہڑے بتھیرے آں پر مسِیح وِچ اِک بدن آں۔ تے اِک اِک کر کے اِک دُوجے دے انگ آں۔

رُومِیوں 6:22

پر ہُن گُناہ توں چُھٹ کے تے خُدا دے غلام بن کے تُہاڈا پَھل پاکیزگی لئی اے۔ تے اوڑک ہمیشہ دی زِندگی۔

رُومِیوں 7:4

سو میرے بھراؤ! تُسی مسِیح دے بدن دی راہِیں شریعت ولّوں ایس کر کے مر گئے اوہ۔ پئی تُسی دُوجے دے جیہڑا مُردیاں وِچوں جوالیا گیا۔ ہو جاؤ۔ تاں جو اسی خُدا دے لئی پَھل لیاوے۔

۱-کُرِنتھِیوں 10:16

اوہ برکت دا پیالہ جِہدے اُتّے اسی برکت منگنے آں۔ مسِیح دے خُون دی شراکت نئیں؟ اوہ روٹی جیہڑی اسی توڑنے آں۔ مسِیح دے بدن دی شراکت نئیں؟

۱-کُرِنتھِیوں 12:12

کیوں جو جیویں جِسم اِک اے تے اوہدے انگ بتھیرے نیں۔ تے جِسم دے سارے انگ بھانویں بتھیرے نیں پر آپو وِچ رَل کے اِکّوئی جِسم نے۔ ایسے طرح مسِیح وی اے۔

۱-کُرِنتھِیوں 12:27

ایویں تُسی مِل کے مسِیح دا بدن ہو تے وکھرے وکھرے انگ ہو۔

۲-کُرِنتھِیوں 13:8

کیوں جو اسی سچیائی دے برخلاف کُجھ نئیں کر سکدے۔ پر نِرا سچیائی دے لئی کر سکنے آں۔

۲-کُرِنتھِیوں 9:10

سو جیہڑا بِیجن والے نُوں وی تے کھان لئی روٹی دیندا اے۔ اوہ ای تُہاڈے لئی وی دے گا۔ تے اوہدے وِچ وادھا کر دے گا۔ تے تُہاڈی راستبازی دیاں پَھلاں نُوں وَدھائے گا۔

گلتِیوں 5:22

پر رُوح دا پَھل پیار۔ خُوشی۔ تسلّی۔ برداشت۔ مِہربانی۔ نیکی۔ دیانتداری۔

اِفسِیوں 5:9

(ایس لئی پئی چانن دا پَھل پُوری نیکی تے راستبازی تے سچیائی اے۔)

فِلِپّیوں 1:11

تے راستبازی دے پَھل نال جیہڑا مسِیح یِسُوع دے سببّوں اے بھرے رہو۔ تاں جو خُدا دا جلال تے وڈیائی ہوئے۔

فِلِپّیوں 4:13

جیہڑا مَینُوں طاقت دیندا اے اوہدے سببّوں مَیں سبھ کُجھ کر سکنا آں۔

فِلِپّیوں 4:17

ایہہ نئیں پئی اِنعام منگنا آں پر اجیہا پَھل چاہناں آں۔ جیہڑا تُہاڈے لیکھے وِچ وَدّھ ہو جائے۔

کُلُسِّیوں 1:10

تاں جو تُہاڈا چال چَلّن خُدا دے لائق ہوئے تے تُسی اوہنوں سارِیاں گلّاں وِچ خُوش کرو۔ تے تُہاڈے ساریاں نیک کمّاں وِچ پَھل لگّے۔ تے تُسی خُدا دی پچھان وِچ وَدھدے جاؤ۔

کُلُسِّیوں 1:6

جیہڑا تُہاڈے کول اَپڑیا اے۔ تے سارے جہان وِچ پَھلدا اے۔ تے وَدھدا جاندا اے۔ تُہاڈے وِچ وی جد توں تُساں خُدا دے فضل نُوں سُنیا تے اوہنوں سَچ کر کے جانیا اے۔ اینج ای کر دا اے۔

یعقُوب 1:17

سارِیاں چَنگیاں نِعمتاں تے اِنعام اُتّوں نیں۔ تے چانن دے باپ ولّوں مِلدے نیں۔ جیہڑا نا بدل سکدا اے نا بھون دے سبّب اوہدے اُتّے کوئی پر چھاواں پَے سکدا اے۔

۱-پطرس 2:4

اوہدے کول آ کے جیہڑا بندیاں دا ردّیا ہویا پر خُدا دا چُنیا تے قِیمتی جِیوندا پتّھر اے۔

۲-پطرس 3:18

سگوں ساڈے خُداوند تے نجات دین والے یِسُوع مسِیح دے فضل تے پہچان وِچ وَدھدے جاؤ۔ اوسے دا جلال ہُن وی ہوئے۔ تے سدا تِیکر رہے۔ آمِین۔