یُوحنّا 15:24 - پنجابی نواں عہد نامہ نظرثانی شدہ چھپائی

²⁴ جے مَیں اوہناں وِچ اوہ کمّ جیہڑے کِسے دُوجے نیں نئیں کِیتے نا کر دا تے اوہناں دا گُناہ نا ہوندا پر ہُن تے اوہناں مَینُوں تے میرے باپ نُوں دوہاں نُوں ویکھیا تے ساڈے نال وَیر وی کِیتا اے۔

یُوحنّا 15:24 ပူးပေါင်းရင်းမြစ်များ

متّی 11:5

پئی اَنھے ویکھدے تے لنگے ٹُردے پِھردے۔ کوڑھے پاک صاف کِیتے جاندے نیں تے بولے سُندے تے مُردے جوالے جاندے نیں۔ تے غرِیباں نُوں خُوشخبری سُنائی جاندی اے۔

متّی 21:32

کیوں جو یُوحنّا نیکی دے راہ اُتّے تُہاڈے کول آیا تے تُساں اوہنوں نا مَنّیا پر محصُولِیاں تے کسبیاں نیں اوہنوں مَن لیا۔ پر تُسی ایہہ ویکھ کے مگروں وی نئیں پچھتائے پئی اوہنوں مَن لَیندے۔

متّی 9:33

تے جد بدرُوح کڈھی گئی تَد گُنگا گلّاں کرن لگ پیا۔ تے بِھیڑ حَیران ہو کے آکھن لگّی۔ پئی اجیہی گلّ اِسرائیل وِچ کدی نئیں سی ویکھی گئی۔

مرقس 2:12

تے اوہ اُٹھیا تے مَنجی چھیتی نال چُک کے اوہناں سبھناں دے سامھنے نِکل گیا۔ تَد سارے حَیران ہوگئے۔ تے خُدا دی وڈیائی کر کے آکھن لگّے پئی اساں ایس طرح دی گلّ کدی نئیں ویکھی۔

لُوقا 24:19

تے اوس اوہناں نُوں آکھیا کِیہ ورتیا ہے؟ اوہناں اوہنوں آکھیا یِسُوع ناصری دی بابت جیہڑا خُدا تے ساری قوم دے اگّے کمّ تے کلام وِچ قُدرت والا نبی سی۔

یُوحنّا 10:32

یِسُوع اوہناں نُوں جواب دِتّا پئی بتھیرے چنگے کمّ مَیں باپ ولّوں تُہانوں وکھائے۔ اوہناں وِچوں کیہڑے کمّ بدلے مَینُوں پتّھر مار دے ہو؟

یُوحنّا 10:37

جے مَیں اپنے باپ دے کمّ نا کراں تے مَینُوں نا مَنّو۔

یُوحنّا 12:10

پر سردار کاہِناں صلاح کِیتی پئی لعزر نُوں وی مار سُٹّیئے۔

یُوحنّا 12:45

تے اوہ جیہڑا مَینُوں ویکھدا اے میرے گھلّن والے نُوں ویکھدا اے۔

یُوحنّا 14:9

یِسُوع اوہنوں آکھیا اَے فِلپُّس مَیں اینے چِر دا تُہاڈے نال آں تے تُوں مَینُوں نئیں جان دا؟ جِس مَینُوں ویکھیا اے اوس باپ نُوں ویکھ لیا اے۔ تے تُوں کِیویں آکھنا ایں پئی باپ سانُوں وکھال؟

یُوحنّا 15:21

پر ایہہ سبھ کُجھ میرے ناں کر کے تُہاڈے نال کرن گے ایس لئی پئی اوہ اوہنوں نئیں جان دے جِس مَینُوں گھلّیا اے۔

یُوحنّا 15:22

جے مَیں نا آیا ہوندا تے اوہناں نُوں نا دِسدا تَد اوہناں دا گُناہ نا ہوندا۔ پر ہُن تے اوہناں کول اوہناں دے گُناہ دا کُجھ عُذر نئیں۔

یُوحنّا 15:23

جیہڑا میرے نال وَیر رکھدا اے میرے باپ نال وی وَیر رکھدا اے۔

یُوحنّا 16:9

گُناہ دی بابت ایس لئی پئی اوہ میرے اُتّے اِیمان نئیں لیاؤندے۔

یُوحنّا 3:2

اوہ رات دے ویلے اوہدے کول آیا تے اوہنوں آکھیا اَے ربّی اسی جاننے آں پئی تُوں خُدا ولّوں اُستاد ہو کے آیا ایں کیوں جو ایہہ کراماتاں جیہڑیاں تُوں کرنا ایں کوئی نئیں کر سکدا جے خُدا اوہدے نال نا ہوئے۔

یُوحنّا 5:36

پر میرے کول جیہڑی گواہی اے اوہ یُوحنّا دی گواہی توں وڈّی اے کیوں جو جیہڑے کمّ باپ میرے سپُرد کِیتے پئی مَیں اوہناں نُوں پُوریاں کراں یعنی ایہو کمّ جیہڑے مَیں کرنا آں اوہ میرے حق وِچ گواہی دیندے نیں پئی باپ مَینُوں گھلّیا اے۔

یُوحنّا 6:36

پر مَیں تُہانوں آکھ دِتّا اے پئی تُساں مَینُوں ویکھیا اے۔ تَد وی اِیمان نئیں لیاؤندے۔

یُوحنّا 7:31

پر لوکاں وِچوں بتھیرے ایہہ آکھ کے اوہنوں مَن گئے پئی مسِیح جد آئے گا ایہناں نالوں وَدّھ مُعجزے کرے گا۔ جیہڑے ایس کِیتے نیں؟

یُوحنّا 9:32

دُنیا دے شُروع توں نئیں سُنیا گیا پئی کِسے جماندرُو اَنھے دِیاں اَکھّیاں کھولِیاں ہون۔

یُوحنّا 9:41

یِسُوع اوہناں نُوں آکھیا جے تُسی اَنھے ہوندے تے تُہاڈا گُناہ نا ہوندا۔ پر ہُن تُسی آکھدے ہو پئی سانُوں دِسدا اے۔ تُہاڈا گُناہ تُہاڈے ذِمّے رہندا اے۔

اعمال 10:38

یعنی یِسُوع ناصری دی بابت پئی خُدا نے پاک رُوح تے قُدرت نال اوہنوں کِیویں مسَح کِیتا۔ اوہ تاں بھلیائی کر دا تے ابلیس دے سارے قابُو کِیتیاں ہویاں نُوں چَنگا کر دا پِھریا۔ کیوں جو خُدا اوہدے نال سی۔

اعمال 2:22

اَے اِسرائیلیو! ایہہ گلّاں سُنو پئی یِسُوع ناصری اِک بندہ سی جِہدا خُدا دے ولّوں ہونا تُہاڈے اُتّے اوہناں کراماتاں تے نشانِیاں تے عجب کمّاں نال ثابت ہویا جیہڑے خُدا اوہدی ہتّھِیں تُہاڈے وِچ وکھالے۔ جیویں تُسی آپ جان دے ہو۔

رُومِیوں 1:30

بُرا آکھن والے۔ خُدا اگّے نفرتی۔ طعنے مارن والے گُھمنّڈی۔ گپّی۔ بدیاں دے بانی۔ ماپیاں دا آکھا نا مَنّن والے۔

۲-تِیمُتِھیُس 3:4

دغاباز۔ ڈِھیٹھ۔ گُھمنّڈی۔ خُدا نالوں دُنیا دِیاں خُوشیاں نُوں بُہتا پسند کرن والے ہون گے۔

یعقُوب 4:4

زنا کرن والیو! تُسی نئیں جاندِیاں پئی دُنیا دی یاری خُدا دا وَیر اے؟ سو جیہڑا دُنیا دا یار بننا چاہندا اے اوہ اپنے آپ نُوں خُدا دا وَیری بناندا اے۔