یُوحنّا 15:16 - پنجابی نواں عہد نامہ نظرثانی شدہ چھپائی

¹⁶ تُساں مَینُوں نئیں چُنیا پر مَیں تُہانوں چُنیا تے تُہانوں مُقرّر کِیتا۔ پئی تُسی جاؤ تے پَھل لیاؤ تے تُہاڈا پَھل قیم رہے تاں جو تُسی باپ کولوں میرے ناں اُتّے جو کُجھ منگو گے اوہ تُہانوں دیوے۔

یُوحنّا 15:16 ပူးပေါင်းရင်းမြစ်များ

متّی 21:22

تے سبھ کُجھ جو تُسی یقِین کر کے دُعا وِچ منگو گے۔ سو تُہانوں مِلے گا۔

متّی 7:7

منگو تے تُہانوں دِتّا جائے گا لَبّھو تے مِلے گا۔ کھڑکاؤ تے تُہاڈے لئی کھو لیا جائے گا۔

لُوقا 6:13

تے جد دِن چڑھیا تَد اوس اپنے شاگِرداں نُوں کول سَدّ کے اوہناں وِچوں باراں نُوں چُنیا تے اوہناں نُوں رسُول وی آکھیا۔

یُوحنّا 13:18

مَیں تُہاڈی سبھناں دی گلّ نئیں کر دا جِنہاں نُوں مَیں چُنیا اے۔ اوہناں نُوں مَیں جاننا آں۔ پر ایہہ ایس لئی اے پئی پہلوں توں لِکھیا پُورا ہوئے پئی جیہڑا میری روٹی کھاندا اے اوس مَینُوں لَت ماری۔

یُوحنّا 15:19

جے تُسی دُنیا دے ہوندے تے دُنیا اپنیاں نُوں پیار کر دی۔ پر تُسی دُنیا دے جو نئیں ہو ایس لئی پئی مَیں تُہانوں دُنیا وِچوں چُنیا دُنیا تُہاڈے نال وَیر رکھدی اے۔

یُوحنّا 15:5

مَیں انگور دا بُوٹا آں تے تُسی ٹہنِیاں ہو۔ اوہ جیہڑا میرے وِچ رہندا تے مَیں اوہدے وِچ۔ اوہو بُہت پَھل لیاؤندا اے۔ کیوں جو مَیتھوں وَکھ ہو کے تُسی کُجھ نئیں کر سکدے۔

یُوحنّا 6:70

یِسُوع اوہناں نُوں جواب دِتّا مَیں تُہانوں باراں نُوں نئیں سی چُنیا؟ تے تُہاڈے وِچوں اِک جَنا شیطان اے۔

اعمال 1:24

تَد اوہناں دُعا منگ کے آکھیا اَے خُداوند تُوں جیہڑا ساریاں دے دِلاں دا حال جاننا ایں۔ ایہہ دس پئی ایہناں دوہاں وِچوں تُوں کِنوں چُنیا اے۔

اعمال 1:8

پر جدوں پاک رُوح تُہاڈے اُتّے آوے گا۔ تے تُہانوں طاقت مِلے گی۔ تے یرُوشلِیم تے سارے یہُودیہ تے سامریہ وِچ نالے دھرتی دے اخِیر تِیکر۔ تُسی میرے گواہ ہوؤ گے۔

اعمال 10:41

ساری قوم اُتّے نئیں پر اوہناں گواہاں اُتّے جیہڑے اگیترے خُدا دے چُنے ہوئے سن یعنی ساڈے اُتّے جِنہاں اوہدے مُردیاں وِچوں جی اُٹھن دے مگروں اوہدے نال کھادا پِیتا۔

اعمال 22:14

تے اوس آکھیا۔ ساڈے پئیو دادیاں دے خُدا تینُوں مُقرّر کِیتا اے پئی تُوں اوہدی مرضی نُوں جانیں۔ تے اوس نیک نُوں ویکھیں تے اوہدے مُنھ دی اواز سُنیں۔

اعمال 9:15

پر خُداوند اوہنوں آکھیا تُوں جا۔ کیوں جو اوہ غیر قوماں تے بادشاہاں تے بنی اِسرائیل دے اگّے میرا ناں پُہنچان نُوں میرا چُنیا ہویا وسیلہ اے۔

رُومِیوں 1:13

بھراؤ مَیں نئیں چاہندا۔ پئی تُسی ایس گلّوں بے خبر رہو۔ پئی مَیں کئی وار تُہاڈے کول آؤن دا اِرادہ کِیتا۔ پئی جیویں مَینُوں ہورناں غیر قوماں وِچ پَھل مِلیا اے۔ اوسے طرح تُہاڈے وِچ وی مِلے۔ پر اَج تِیکر رُکیا رہیا۔

رُومِیوں 1:5

جِہدی راہِیں سانُوں فضل تے رسالت مِلی۔ تاں جو اوہدے ناں واسطے سارِیاں قوماں وِچوں لوک اِیمان دے تابعیاں ہون۔

رُومِیوں 15:4

کیوں جو جو کُجھ اگّے لِکھیا گیا سی ساڈی تعلِیم دے لئی لِکھیا گیا۔ تے جو اسی صبر نال تے پاک کتاب دی تسلّی نال آس رکھیے۔

رُومِیوں 9:21

گھمیار دا مِٹّی اُتّے وَس نئیں پئی اِکّو تھوبے وِچوں اِک بھانڈا عِزّت دا تے دُوجا بے عِزّتی دا بنائے؟

۱-کُرِنتھِیوں 10:11

ایہہ گلّاں اوہناں دی نصِیحت لئی ہویاں۔ تے ساڈے اخِیری زمانے والیاں دے سمجھان واسطے لِکھیاں گِئیاں۔

گلتِیوں 1:15

پر جدوں اوس خُدا دی جِس مَینُوں میری ماں دے ڈِھڈ توں وَکھریاں کِیتا تے اپنے فضل نال سدّیا ایہہ مرضی ہوئی۔

اِفسِیوں 2:10

کیوں جو اسی اوسے دی کاریگری آں تے مسِیح یِسُوع وِچ اوہناں نیک کمّاں دے واسطے پَیدا کِیتے گئے ساں جیہڑے خُدا مُڈھوں ای ساڈے کرن لئی تیار کِیتے سن۔

کُلُسِّیوں 1:23

ایس شرط نال پئی تُسی اِیمان دی نِینّھ اُتّے قیم تے پکّے رہو۔ تے اوس خُوشخبری دی آس نُوں جِہنُوں تُساں سُنیا اے۔ نا چھڈو۔ جِہدی منادی اسمان دے ہیٹھ ساری خلقت وِچ کِیتی گئی۔ تے مَیں پَولُس اوسے دا نوکر بنیاں۔

کُلُسِّیوں 1:6

جیہڑا تُہاڈے کول اَپڑیا اے۔ تے سارے جہان وِچ پَھلدا اے۔ تے وَدھدا جاندا اے۔ تُہاڈے وِچ وی جد توں تُساں خُدا دے فضل نُوں سُنیا تے اوہنوں سَچ کر کے جانیا اے۔ اینج ای کر دا اے۔

۱-تِیمُتِھیُس 2:7

مَیں سَچ آکھناں آں تے جُھوٹھ نئیں آکھدا۔ پئی مَیں ایسے مطلب نال منادی کرن والا تے رسُول تے غیر قوماں نُوں اِیمان تے سچیائی دِیاں گلّاں سکھان والا لگّا آں۔

۲-تِیمُتِھیُس 1:11

جِہدے لئی مَیں مَنّاد تے رسُول تے اُستاد بنیا آں۔

۲-تِیمُتِھیُس 2:2

تے جیہڑیاں گلّاں میرے کولوں بتھیرے گواہاں دے سامھنے سُنیاں نیں اوہناں نُوں اجیہے دیانتدار بندیاں نُوں سونپ جیہڑے ہورناں نُوں وی سکھان دے لائق ہون۔

طِطُس 1:5

مَیں کریتے وِچ تینُوں ایس لئی چھڈیا سی پئی تُوں جِنہاں گلّاں وِچ کسر رہ گئی سی ٹھیک کریں۔ تے جیویں مَیں حُکم دِتّا ساریاں شہراں وِچ اجیہے بزُرگ نامزد کر۔

عِبرانیوں 11:4

اِیمان دی راہِیں ہابل قائن نالوں چنگی قُربانی خُدا اگّے چاہڑی تے اوہدے سبّب اوہدے راستباز ہون دی گواہی ہوئی۔ کیوں جو خُدا اوہدیاں نذراں دی بابت گواہی دِتّی تے بھانویں اوہ مر گیا تَد وی اوسے دی راہِیں ہُن تِیکر گلّ کر دا اے۔

یعقُوب 3:18

تے صُلح کران والیاں لئی نیکی دا پَھل صُلح نال بِیجیا جاندا اے۔

۱-پطرس 3:15

سگوں مسِیح نُوں خُداوند جان کے اپنے دِلاں وِچ پاک سمجھو۔ تے جیہڑا تُہاڈے کولوں تُہاڈی آس دا سبّب پُچھے اوہدا جواب دین لئی ہر ویلے تیار رہو پر حلِیمی تے خَوف نال۔

۱-پطرس 3:2

ایس لئی پئی جے کوئی بندہ کلام نُوں نا وی مَنّے تَد وی زنانی دے پاک چال چَلّن نال تے خَوف نُوں ویکھ کے بِناں کلام دے کھِچّے جان۔

۱-یُوحنّا 4:10

مُحبّت ایہدے وِچ نئیں۔ پئی اساں خُدا نال مُحبّت کِیتی سگوں ایہدے وِچ اے پئی اوس ساڈے نال مُحبّت کِیتی تے ساڈے گُناہاں دے کفّارے لئی اپنے پُتر نُوں گھلّیا۔

۱-یُوحنّا 4:19

اسی ایس لئی مُحبّت کرنے آں پئی پہلا اوس ساڈے نال مُحبّت کِیتی۔