Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




یُوحنّا 14:26 - پنجابی نواں عہد نامہ نظرثانی شدہ چھپائی

26 پر مددگار جیہڑا پاک رُوح اے جِہنُوں باپ میرے ناں اُتّے گھلّے گا اوہو تُہانوں سبھ کُجھ سکھالے گا۔ تے جو کُجھ مَیں تُہانوں آکھیا اے تُہانوں یاد کرا دے گا۔

အခန်းကိုကြည့်ပါ။ ကော်ပီ




یُوحنّا 14:26
75 ပူးပေါင်းရင်းမြစ်များ  

تے یِسُوع مسِیح دا جمّنا ایویں ہویا پئی جد اوہدی ماں مریم دی یُوسف نال کُڑمائی ہوئی تَد اوہناں دے اکٹّھے ہون توں پہلاں جاپیا پئی اوہ پاک رُوح ولّوں جنّن والی اے۔


پر جد اوہ ایہناں گلّاں دی سوچ وچار کر دا سی۔ ویکھو خُداوند دے فرِشتے سُفنے وِچ اوہنوں وکھالی دے کے آکھیا۔ اَے یُوسف داؤد دے پُتر۔ تُوں اپنی بیوی مریم نُوں اپنے کول لیاؤن توں نا ڈر۔ کیوں جو جیہڑا اوہدے گربھ وِچ ہویا ایہہ پاک رُوح توں اے۔


ایس کر کے تُسی جاؤ تے سارِیاں قوماں نُوں شاگِرد بناؤ۔ تے باپ تے پُتر تے پاک رُوح دے نال اُتّے اوہناں نُوں بپتِسمہ دیو۔


مَیں تے تُہانوں تَوبہ دے واسطے پانی نال بپتِسمہ دینا آں۔ پر اوہ جیہڑا میرے پِچّھے آؤندا اے مَیتھوں زوراور اے۔ اوہدی جُتّی چُکن دے مَیں لائق نئیں آں۔ اوہ ای تُہانوں پاک رُوح تے اَگ نال بپتِسمہ دیوے گا۔


داؤد پاک رُوح دی راہِیں آکھیا۔ پئی خُداوند نیں میرے خُداوند نُوں آکھیا پئی تُوں میرے سَجّے پاسے بَہو۔ جد تِیکر مَیں تیرے وَیرِیاں نُوں تیرے پَیر رکھن دی چَوکی نا کراں۔


تے جدوں تُہانوں پھڑوا کے لے جان گے۔ تے پہلاں ای فِکر نا کرنا۔ پئی اسی کِیہ آکھاں گے۔ پر جو کُجھ اوس گھڑی تُہانوں بخشیا جائے۔ سو ای۔ آکھنا۔ کیوں جو آکھن والے تُسی نئیں اوہ۔ پر پاک رُوح۔


کیوں جو خُداوند دی نظر وِچ اوہ بزُرگ ہوئے گا۔ تے اوہ انگور دی رَس تے نشہ نا پِیوے گا۔ تے اوہ اپنی ماں دی کُکّھوں ای پاک رُوح نال بھر جائے گا۔


تے فرِشتے اوہنوں جواب دِتّا پئی پاک رُوح تیرے اُتّے اُترے گا تے خُدا تعالیٰ دی قُدرت تیرے اُتّے پر چھاواں کرے گی۔ ایس واسطے اوہ قُدُّوس جیہڑا جمّے گا خُدا دا پُتر اکھوائے گا۔


تے ایویں ہویا پئی جیویں ای اِلیشِبَع نے مریم دا سلام سُنیا تیؤں بچّہ اوہدی کُکھ وِچ اُچھل پیا تے اِلیشِبَع پاک رُوح نال بھر گئی۔


تے اوہدا پئیو زکریاہ پاک رُوح نال بھر گیا تے نبُوّت کر کے آکھن لگّا۔


سو جے تُسی بُرے ہو کے اپنے بالاں نُوں چَنگیاں شیواں دیناں جان دے ہو۔ تے اوہ باپ جیہڑا اسمان دا اے اوہناں نُوں جیہڑے اوہدے توں منگدے نیں۔ پاک رُوح ضرُور دیوے گا۔


تے ویکھو یرُوشلِیم وِچ شمعُون ناں اِک بندہ سی۔ تے اوہ نیک تے دِیندار سی تے اوہ اِسرائیل دی تسلّی دی اُڈِیک وِچ سی۔ تے رُوحُ القُدس اوہدے اُتّے سی۔


تے ویکھو مَیں اپنے باپ دے وعدہ نُوں تُہاڈے اُتّے گھلّنا آں۔ پر تُسی شہر وِچ بَیٹھے رہو۔ جد تِیکر عالمِ بالا توں تُہانوں قُدرت دے لباس نا مِلے۔


تے رُوحُ القُدس کبُوتر وانگر اوہدے اُتّے اُتریا تے اسمان توں اِک اواز آئی۔ پئی ”تُوں میرا پیارا پُتر ایں تَیتھوں مَیں راضی ہاں۔“


تے مَیں اوہنوں جان دا نئیں ساں پر جِس مَینُوں گھلّیا سی پئی پانی نال بپتِسمہ دیاں اوس مَینُوں آکھیا سی پئی جِہدے اُتّے تُوں رُوح نُوں اُتر دیاں تے اوہدے اُتّے ٹھیر دیاں ویکھیں اوہو ای اے جیہڑا پاک رُوح نال بپتِسمہ دیندا اے۔


اوہدے شاگِرد پہلاں اوہناں گلّاں نُوں نا سمجھے۔ پر جد یِسُوع اپنے جلال نُوں پہنچ گیا سی۔ تَد اوہناں نُوں یاد آیا پئی ایہہ گلّاں اوہدی بابت لِکھیاں ہویاں سن۔ تے نالے ایہہ پئی اوہناں اوہدے نال ایہہ سلُوک کِیتا سی۔


تے مَیں باپ کول عرض کراں گا تے اوہ تُہانوں دُوجا مددگار بخشے گا پئی اوہ سدا تُہاڈے نال ہوئے۔


ایہہ گلّاں مَیں تُہاڈے نال رہندیاں تُہانوں آکھیاں نیں۔


پر جدوں اوہ مددگار آوے گا جِہنُوں مَیں باپ ولّوں تُہاڈے کول گھلاں گا۔ یعنی سچیائی دا رُوح جیہڑا باپ ولّوں نِکلدا اے تے اوہ میری بابت گواہی دے گا۔


تَد وی مَیں تُہانوں ٹھیک آکھنا آں پئی میرا ٹُر جانا تُہاڈے واسطے چَنگا اے کیوں جو جے مَیں نا جاواں تے مددگار تُہاڈے کول نئیں آوے گا۔ پر جے مَیں جاواں تے اوہنوں تُہاڈے کول گھلاں گا۔


سو جد اوہ مُردیاں وِچوں جی اُٹھیا تَد اوہدیاں شاگِرداں نُوں یاد آیا پئی اوس ایہی آکھیا سی۔ تے پاک کتاب دا تے اوس گلّ دا جیہڑی یِسُوع آکھی سی یقِین کِیتا۔


تے ایہہ آکھ کے اوہناں اُتّے پُھوک ماری تے اوہناں نُوں آکھیا پاک رُوح لوؤ۔


نبیاں دِیاں کِتاباں وِچ ایہہ لِکھیا ہویا اے پئی اوہ سبھ خُدا دے سِکھائے ہوئے ہون گے ہر اِک جِس باپ کولوں سُنیا تے سِکھیا میرے کول آؤندا اے۔


پر اوہنے ایہہ رُوح دی بابت آکھیا سی جیہڑا اوہدے مَنّن والیاں نُوں مِلنا سی۔ ایس لئی پئی اجے تِیکر رُوح نئیں سی مِلیا۔ کیوں جو یِسُوع اجے اپنے جلال نُوں نا سی پہنچیا۔


اوس دِن تِیکر پئی جد پاک رُوح دی راہِیں اپنے چُنیاں ہویاں رسُولاں نُوں حُکم دین دے پِچّھوں اوہ اُتانہہ چُکیا گیا۔


تے اوہناں دے نال رَل کے اوہناں نُوں حُکم دِتّا پئی یرُوشلِیم توں باہر نا جاؤ۔ سگوں باپ دے اوس وعدہ دی اُڈِیک رکھو۔ جیہڑا تُساں سُنیا اے۔


پر جدوں پاک رُوح تُہاڈے اُتّے آوے گا۔ تے تُہانوں طاقت مِلے گی۔ تے یرُوشلِیم تے سارے یہُودیہ تے سامریہ وِچ نالے دھرتی دے اخِیر تِیکر۔ تُسی میرے گواہ ہوؤ گے۔


تَد مَینُوں خُداوند دی گلّ جیہڑی اوس آکھی یاد آئی۔ پئی یُوحنّا تاں پانی نال بپتِسمہ دِتّا۔ پر تُہانوں پاک رُوح نال بپتِسمہ مِلے گا۔


جد ایہہ خُداوند دی سیوا پئے کر دے سن۔ تے روزے رکھدے سن تَد پاک رُوح آکھیا میرے لئی برنباس تے ساؤُل نُوں وکھرا کرو اوس کمّ واسطے جِہدے لئی مَیں اوہناں نُوں سدّیا اے۔


سو اوہ پاک رُوح دے گھلّے ہوئے سِلُوکیہ نُوں گئے تے اوتھوں جہاز اُتّے چڑھ کے کُپرُس نُوں ٹُر پئے۔


کیوں جو پاک رُوح نُوں تے سانُوں چَنگا لگّا۔ پئی ایہناں ضرُوری گلّاں دے بِناں تُہاڈے اُتّے ہور کُجھ بھار نا پائیے۔


تے خُدا جیہڑا دِلاں نُوں جانن والا اے اوہناں اُتّے گواہی دِتّی۔ پئی جیویں سانُوں تے اوہناں نُوں وی اوس پاک رُوح دِتّا۔


تے اوہ فرُوگیہ تے گلِتیہ دے دیس وِچوں لنگھے۔ کیوں جو پاک رُوح اوہناں نُوں منع کِیتا۔ پئی آسِیہ وِچ کلام نا سُنان۔


سو جد اوہ خُدا دے سَجّے پاسے اُچّا کِیتا گیا تے اوس باپ کولوں پاک رُوح دا وعدہ پایا تاں اوس ایہہ جو تُسی ویکھدے تے سُندے ہو بخش دِتّا۔


تَد اوہ سارے پاک رُوح نال بھر گئے۔ تے اوپریاں بولیاں بولن لگّے جیویں رُوح اوہناں نُوں بولن دی طاقت دِتّی۔


تُسی اپنی اوس سارے اِجّڑ دی خبرداری کرو۔ جِہدا پاک رُوح نے تُہانوں نِگہبان بنایا۔ پئی خُدا دی کلِیسیا نُوں چارو جِہنُوں اوس اپنے ای لہو نال مُل لیا۔


مَیں سارِیاں گلّاں وِچ تُہانوں نمونہ وکھالیا۔ پئی ایس طرح محنت کر کے کمزوراں دی مدد کرنی تے خُداوند یِسُوع دی گلّ یاد کرنی چاہیدی اے۔ جیہڑی اوس آپے آکھی۔ پئی دینا لین نالوں مُبارک اے۔


تے جد اوہناں دی آپو وِچ اِکّو صلاح نا بنی۔ تَد پَولُس دے ایہہ گلّ آکھدیاں سار ای اوہ ٹُر گئے۔ پئی پاک رُوح نے یسعیاہ نبی دی زبانی تُہاڈے پئیو دادیاں نُوں چَنگا آکھیا۔


پر پطرس آکھیا۔ اَے حننیاہ شیطان تیرے دِل وِچ ایہہ گلّ کیوں پائی پئی تُوں پاک رُوح نُوں فریب دیویں تے زمین دے مُل وِچوں کُجھ رکھ چھڈیں؟


اَے ہُوڑمت والیو جیہڑے دِل تے کنّ ولّوں سُنتی نئیں بَیٹھے۔ تُسی ہر ویلے پاک رُوح دا سامنا کر دے ہو جیویں تُہاڈے وڈّے کر دے سن۔ اوسے طرح تُسی کر دے ہو۔


پر اوہ پاک رُوح نال بھریا ہویا اسمان ولّ پیا ویکھدا سی۔ تے خُدا دے جلال تے یِسُوع نُوں خُدا دے سَجّے ہتّھ کھلوتیاں ویکھیا۔


کیوں جو خُداوند دی بادشاہی کھانا پِینا نئیں اے۔ سگوں راستبازی تے میل ملاپ تے پاک رُوح وِچ خُوشی اے۔


ہُن اوس آس دا خُدا تُہاڈے اِیمان لیاؤن دے سبّب ساری خُوشی تے چَین نال تُہانوں بھر دیوے تاں جو تُسی پاک رُوح دی قُدرت نال آس وِچ وَدھدے جاؤ۔


پئی مَیں خُدا دی خُوشخبری دی سیوا کاہِن وانگر کر کے غیر قوماں دے لئی مسِیح یِسُوع دا سیوک ہوواں۔ تاں جو غیر قوماں دا چڑھاوا پاک رُوح توں پاک ہو کے منظُور کِیتا جاوے۔


تے آس شرمندہ ایس لئی نئیں کر دی۔ پئی خُدا دی مُحبّت پاک رُوح دی راہِیں جیہڑا سانُوں دِتّا گیا ساڈے دِلاں وِچ پائی ہوئی اے۔


سو مَیں تُہانوں دسنا آں پئی جیہڑا خُدا دے رُوح دی ہدایت نال بولدا اے اوہ نئیں آکھدا پئی یِسُوع لعنتی اے۔ تے نا کوئی پاک رُوح بِناں آکھ سکدا ایہہ۔ پئی یِسُوع خُداوند اے۔


تُسی نئیں جان دے پئی تُہاڈا بدن پاک رُوح دی ہیکل اے جیہڑا تُہاڈے وِچ وَسدا اے۔ تے تُہانوں خُدا ولّوں مِلیا اے۔ تے تُسی اپنے نئیں۔


خُداوند یِسُوع مسِیح دا فضل تے خُدا دی مُحبّت تے پاک رُوح دی سنگت تُہاڈے سبھناں نال ہوندی رہے۔


پاکیزگی نال۔ عِلم نال ۔تحمّل نال۔ مِہربانی نال۔ پاک رُوح نال۔ سَچّی مُحبّت نال۔


تے تُساں وی جدوں سچیائی دا کلام سُنیا جیہڑا تُہاڈی نجات دی خُوشخبری اے۔ نالے اوہدے اُتّے اِیمان لیاندا تے مسِیح وِچ تُہاڈے اُتّے وعدہ کِیتے ہوئے پاک رُوح دی مُہر لگّی۔


پئی ساڈے خُداوند یِسُوع مسِیح دا خُدا جیہڑا جلال دا باپ اے۔ تُہانوں اپنی پچھان لئی حِکمت تے اِلہام دی رُوح دیوے۔


تے خُدا دے پاک رُوح نُوں نا کلپاؤ جِہدی ساڈے اُتّے چُھٹکارے دے دِن لئی مُہر لگّی ہوئی اے۔


ایس واسطے جیہڑا نئیں مَندا اوہ بندے دی نئیں پر اوس خُدا دی گلّ نئیں مَندا جیہڑا تُہانوں اپنا پاک رُوح دیندا اے۔


اوس پاک رُوح دی راہِیں جیہڑا ساڈے وِچ وسّیا ہویا اے۔ اوس چنگی امانت دی حفاظت کر۔


تے اوس سانُوں چھڈایا۔ پر راستبازی دے کمّاں دے سببّوں نئیں جیہڑے اساں کِیتے پر اپنی رحمت نال نَوِیں پَیدایش تے نہاؤن تے پاک رُوح دے سانُوں نَوِیاں بناؤن دے وسیلے نال۔


تے پاک رُوح وی سانُوں گواہی دیندا اے۔ پہلے تے ایہہ آکھدا اے۔


تے نال ای خُدا وی اپنی مرضی دے سببّوں نشاناں تے کراماتاں تے طرح طرح دے مُعجزیاں تے پاک رُوح دِیاں نِعمتاں دی راہِیں اوہدی گواہی دیندا رہیا۔


جیویں پاک رُوح آکھدا اے۔ جے اَج تُسی اوہدی اواز سُنو۔


ایس توں پاک رُوح دا ایہہ اشارہ اے پئی جد تِیکر پہلا تنبُو کھلوتا ہویا اے۔ پاک مکان دا راہ ظاہر نا ہویا۔


اوہناں اُتّے ایہہ اِلہام اُگھیڑیا گیا پئی اوہناں گلّاں وِچ اپنی نئیں سگوں تُہاڈی سیوا کر دے سن تے ایہناں گلّاں دی خبر تُہانوں ہُن اوہناں دی راہِیں ہوئی اے۔ جِنہاں پاک رُوح دی راہِیں جیہڑا اسمانوں گھلّیا گیا تُہانوں خُوشخبری سُنائی۔ ایہناں گلّاں اُتّے فرِشتے وی دھیان کرنا چاہندے نیں۔


کیوں جو کوئی نبُوّت بندیاں دی مرضی نال نئیں ہوئی سگوں بندے پاک رُوح دی جُنبش نال خُدا ولّوں بولدے سن۔


پر تُسی اوس قُدُّوس ولّوں مسَح کِیتے گئے ہو۔ تے تُسی سبھو کُجھ جان دے ہو۔


تے تُہاڈا اوہ مسَح جیہڑا اوہدے ولّوں کِیتا گیا تُہاڈے وِچ قیم رہندا اے۔ تے تُہانوں ایس گلّ دی لوڑ نئیں۔ پئی کوئی تُہانوں سِکھائے۔ سگوں جیویں اوہ مسَح جیہڑا اوہدے ولّوں تُہاڈے اُتّے کِیتا گیا۔ تُہانوں سارِیاں گلّاں سِکھالدا اے تے سَچّا اے۔ تے جُھوٹھا نئیں تے جیویں اوس تُہانوں سکھایا اے۔ اوسے طرح اوہدے وِچ قیم رہو۔


تے رُوح ای گواہی دین والا اے۔ کیوں جو رُوح سچیائی اے۔


پر تُسی پیاریو! اپنے چوکھے پاک اِیمان وِچ وَدّھ کے تے پاک رُوح وِچ دُعا منگ کے۔


جِہدے کنّ ہَین اوہ سُن لَئے پئی رُوح کلِیسیاواں نُوں کِیہ آکھدا اے۔ جیہڑا جِتّے اوہنوں دُوجی مَوت توں نُقصان نا پہنچے گا۔


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ