یُوحنّا 14:24 - پنجابی نواں عہد نامہ نظرثانی شدہ چھپائی

²⁴ اوہ جیہڑا مَینُوں پیار نئیں کر دا اوہ میرے کلام نُوں نئیں مَن دا۔ تے جیہڑا کلام تُسی سُندے ہو میرا نئیں پر باپ دا اے جِس مَینُوں گھلّیا۔

یُوحنّا 14:24 ပူးပေါင်းရင်းမြစ်များ

متّی 19:21

یِسُوع نے اوہنوں آکھیا جے تُوں کامِل ہونا چاہنا ایں تے جا کے اپنا سبھ کُجھ ویچ تے غرِیباں نُوں دے تے تینُوں اسمان اُتّے خزانہ مِلے گا۔ تَد آ کے میرے مگر ٹُر پَو۔

یُوحنّا 14:10

تُوں سَچ نئیں مَن دا پئی مَیں باپ وِچ آں تے باپ میرے وِچ اے؟ جیہڑیاں گلّاں مَیں تُہانوں آکھنا آں مَیں اپنے ولّوں نئیں آکھدا۔ پر باپ میرے وِچ رہ کے اپنے کمّ کر دا اے۔

یُوحنّا 14:15

جے تُسی مَینُوں پیار کر دے ہو تاں میرے حُکماں نُوں مَنّو گے۔

یُوحنّا 14:25

ایہہ گلّاں مَیں تُہاڈے نال رہندیاں تُہانوں آکھیاں نیں۔

یُوحنّا 3:11

مَیں تینُوں سَچ سَچ آکھنا آں پئی جو کُجھ اسی جاننے آں سو بولنے آں تے جِہنُوں اساں ویکھیا اے اوہدی گواہی دینے آں تُسی ساڈی گواہی قبول نئیں کر دے اوہ۔

یُوحنّا 3:34

کیوں جو جِہنُوں خُدا گھلّیا اوہ خُدا دِیاں گلّاں کر دا اے۔ ایس لئی پئی اوہ رُوح مِن کے نئیں دیندا۔

یُوحنّا 5:19

ایس واسطے یِسُوع اوہناں نُوں جواب دِتّا مَیں تُہانوں سَچ سَچ آکھنا آں پئی پُتر آپ توں کُجھ نئیں کر سکدا پر جو کُجھ اوہ باپ نُوں کر دیاں ویکھدا اے۔ کیوں جو جیہڑے کمّ اوہ کر دا اے پُتر وی اوسے طرح کر دا اے۔

یُوحنّا 5:38

تے اوہدا کلام تُہاڈے وِچ نئیں رہندا کیوں جو جِہنُوں اوس گھلّیا تُسی اوہنوں نئیں مَن دے۔

یُوحنّا 7:16

تَد یِسُوع اوہناں نُوں جواب دِتّا۔ میری تعلِیم میری نئیں پر میرے گھلّن والے دی اے۔

یُوحنّا 7:28

ایس واسطے یِسُوع ہیکل وِچ سکھالن ویلے زور نال آکھیا۔ تُسی نالے مَینُوں جان دے ہو تے نالے ایہہ وی جان دے ہو مَیں کِتّھوں دا ہاں۔ تے مَیں اپنے ولّوں نئیں آیا آں۔ پر میرا گھلّن والا جِہنُوں تُسی نئیں جان دے سَچّا اے۔

یُوحنّا 8:26

مَینُوں تُہاڈی بابت بُہت کُجھ بولنا تے فیصلہ کرنا اے۔ پر میرا گھلّن والا سَچّا اے۔ تے جیہڑیاں گلّاں مَیں اوہدے کولوں سُنیاں نیں سو ای مَیں دُنیا وِچ بولنا آں۔

یُوحنّا 8:28

ایس لئی یِسُوع آکھیا جد تُسی اِبنِ آدم نُوں اُچیاں کرو گے تَد تُہانوں پتا لگّے گا پئی مَیں اوہ آں تے ایہہ پئی مَیں اپنے ولّوں کُجھ نئیں کر دا آں۔ پر جیویں باپ مَینُوں سکھالیا مَیں ایہہ گلّاں کر دا آں۔

یُوحنّا 8:38

جو کُجھ مَیں اپنے باپ کول ویکھیا اے اوہو مَیں بولنا آں۔ تے تُسی اوہو کر دے ہو جیہڑا تُساں اپنے پئیو کولوں سُنیا اے۔

یُوحنّا 8:42

یِسُوع اوہناں نُوں آکھیا جے خُدا تُہاڈا باپ ہوندا تے تُسی مَینُوں پیار کر دے۔ کیوں جو مَیں خُدا توں نِکلیا تے آیا آں۔ تے مَیں آپ توں نئیں آیا آں پر اوس مَینُوں گھلّیا۔