یُوحنّا 14:19 - پنجابی نواں عہد نامہ نظرثانی شدہ چھپائی

¹⁹ اجے تھوڑا چِر اے تے دُنیا مَینُوں فیر نا ویکھے گی پر تُسی ویکھدے رہو گے ایس کر کے پئی مَیں جِیونا آں تُسی وی جیوگے۔

یُوحنّا 14:19 ပူးပေါင်းရင်းမြစ်များ

یُوحنّا 11:25

یِسُوع اوہنوں آکھیا قیامت تے زِندگی مَیں آں۔ جیہڑا میرے اُتّے اِیمان لیاؤندا اے بھانویں اوہ مر جائے تَد وی جِیئے گا۔

یُوحنّا 12:35

تَد یِسُوع اوہناں نُوں آکھیا۔ اجے تھوڑا چِر چانن تُہاڈے وِچ اے۔ جِنّاں چِر تُہاڈے وِچ چانن اے ٹُرو پِھرو اجیہا نا ہوئے پئی ہنیرا تُہانوں آگھیرے۔ تے ہنیرے وِچ ٹُرن والے نُوں پتا نئیں لگ دا پئی کِتّھے جاندا اے۔

یُوحنّا 13:33

اَے بچّیو اجے تھوڑا چِر مَیں تُہاڈے نال آں۔ تُسی مَینُوں لَبّھو گے تے جیویں مَیں یہُودِیاں نُوں آکھیا سی پئی جِتّھے مَیں جاناں آں تُسی نئیں آسکدے ہُن تُہانوں وی آکھنا آں۔

یُوحنّا 14:6

یِسُوع اوہنوں آکھیا مَیں ای راہ تے سچیائی تے زِندگی آں۔ میرے بِناں کوئی باپ دے کول نئیں آؤندا۔

یُوحنّا 16:16

تھوڑے چِر نُوں تُسی مَینُوں فیر نا ویکھو گے تے فیر تھوڑے چِر نُوں مَینُوں ویکھو گے۔

یُوحنّا 16:22

سو ہُن تے تُہانوں غم اے پر مَیں تُہانوں فیر ویکھیاں گا تے تُہاڈا دِل خُوشی کرے گا تے تُہاڈی خُوشی تُہاتھوں کوئی کھو نئیں لَیندا۔

یُوحنّا 6:40

کیوں جو میرے باپ دی ایہہ مرضی اے پئی جیہڑا پُتر نُوں ویکھدا اے تے اوہدے اُتّے اِیمان لیاؤندا اے سدا دی زِندگی اوہنوں مِلے۔ تے اخِیری دِن مَیں اوہنوں فیر زِندہ کراں گا۔

یُوحنّا 7:33

تَد یِسُوع آکھیا ہور اجے تھوڑا چِر مَیں تُہاڈے نال آں تے جِس مَینُوں گھلّیا مَیں اوہدے کول جانا آں۔

یُوحنّا 8:21

تَد اوس فیر اوہناں نُوں آکھیا مَیں جاناں آں۔ تے تُسی مَینُوں لَبّھو گے تے اپنے گُناہ وِچ مرو گے۔ جِتّھے مَیں جانا آں تُسی نئیں آسکدے۔

اعمال 10:41

ساری قوم اُتّے نئیں پر اوہناں گواہاں اُتّے جیہڑے اگیترے خُدا دے چُنے ہوئے سن یعنی ساڈے اُتّے جِنہاں اوہدے مُردیاں وِچوں جی اُٹھن دے مگروں اوہدے نال کھادا پِیتا۔

رُومِیوں 5:10

کیوں جو جے اسی وَیری ہو کے خُدا نال اوہدے پُتر دی مَوت دی راہِیں مِلائے گئے تے ہُن جد میل ہوگیا اسی اوہدی زِندگی وِچ ضرُور ای بچائے جاواں گے۔

رُومِیوں 8:34

کیہڑا اے جیہڑا ڈنڈ لاندا اے؟ ایہہ مسِیح یِسُوع اے جیہڑا مر گیا۔ آہو سگوں اوہی جیہڑا مُردیاں وِچوں جوالیا گیا تے خُدا دے سَجّے پاسے اے۔ تے ساڈی سفارِش وی کر دا اے۔

۱-کُرِنتھِیوں 15:20

پر سَچ مُچ مسِیح تے مُردیاں وِچوں جی اُٹھیا اے تے اوہناں وِچوں جیہڑے سَوں گئے نیں پہلا پَھل ہویا۔

۱-کُرِنتھِیوں 15:45

جیویں لِکھیا وی اے۔ پئی پہلا بندہ یعنی آدم جِیوندا جی بنیا پِچّھلا آدم زِندگی دین والی رُوح بنیا۔

عِبرانیوں 7:25

ایس واسطے جیہڑے اوہدے راہِیں خُدا کول آوندے نیں اوہ اوہناں نُوں پُوری نجات دے سکدا اے۔ کیوں جو اوہ اوہناں دی سفارِش لئی ہمیشہ جِیوندا اے۔

مُکاشفہ 20:4

فیر مَیں تخت ویکھے تے لوک اوہناں اُتّے بَیٹھ گئے تے عدالت اوہناں دے سپُرد کِیتی گئی۔ تے اوہناں دِیاں رُوحاں نُوں وی ویکھیا۔ جِنہاں دے یِسُوع دی گواہی دین مارِیاں تے خُدا دے کلام مارِیاں سِر وَڈّھے گئے سن۔ تے جِنہاں نا اوس پشُو دی پُوجا کِیتی سی۔ تے نا اوہدے بُت دی۔ تے نا اوہدا ٹھپّہ اپنے مَتّھے تے ہتّھاں اُتّے لیا سی۔ تے اوہ زِندہ ہو کے ہزار ورھے تِیکر مسِیح دے نال بادشاہی کر دے رہے۔