یُوحنّا 14:12 - پنجابی نواں عہد نامہ نظرثانی شدہ چھپائی

¹² مَیں تُہانوں سَچ سَچ آکھنا آں پئی اوہ جیہڑا میرے اُتّے اِیمان لیاؤندا اے جیہڑے کمّ مَیں کرنا آں اوہ وی کرے گا۔ تے ایہناں نالوں وی وڈّے کرے گا کیوں جو مَیں باپ کول جاناں آں۔

یُوحنّا 14:12 ပူးပေါင်းရင်းမြစ်များ

متّی 21:21

مَیں تُہانوں سَچ آکھنا آں پئی جے کر یقِین کرو تے شک نا کرو تے تُسی نِرا ایہو ای نا کرو گے جیویں ہنجیر دے بُوٹے نال ہویا۔ پر جے ایس پہاڑ نُوں وی آکھو گے پئی اُٹھ تے سمُندر وِچ جا پَو تے ہو جائے گا۔

مرقس 11:13

تے ہنجیر دا اِک رُکھّ پَتّراں نال لدّیاں ہویا دُوروں ویکھ کے گیا۔ پئی شاید اوہدے وِچوں کُجھ ہتّھ آوے۔ تے جد اوہدے نیڑے آیا تے پَتّراں دے بِناں اوہدے وِچ کُجھ نا لَبّھیا۔ کیوں جو ہنجیراں دی رُت نئیں سی۔

مرقس 16:17

تے اِیمان لیاؤن والیاں وِچ ایہہ مُعجزے ہون گے۔ پئی اوہ میرا ناں لے کے بدرُوحاں نُوں کڈھن گے۔ تے نَوِیاں نَوِیاں بولیاں بولن گے۔

یُوحنّا 14:28

تُساں سُن لیا اے پئی مَیں تُہانوں آکھیا پئی مَیں جاناں تے تُہاڈے کول فیر آؤناں آں۔ جے تُسی مَینُوں پیار کر دے تے خُوش ہوندے پئی مَیں باپ کول جاناں آں کیوں جو باپ مَیتھوں وَڈا اے۔

یُوحنّا 16:7

تَد وی مَیں تُہانوں ٹھیک آکھنا آں پئی میرا ٹُر جانا تُہاڈے واسطے چَنگا اے کیوں جو جے مَیں نا جاواں تے مددگار تُہاڈے کول نئیں آوے گا۔ پر جے مَیں جاواں تے اوہنوں تُہاڈے کول گھلاں گا۔

یُوحنّا 4:37

تے اوہدے اُتّے ایہہ اکھان ٹھیک آؤندا اے پئی ”بِیجے کوئی تے وَڈّھے کوئی۔“

یُوحنّا 5:20

کیوں جو باپ پُتر نُوں پیار کر دا اے تے سارے کمّ جیہڑے اوہ آپ کر دا اے اوہنوں وکھاؤندا اے۔ تے اوہ اوہناں نالوں وڈّے کمّ اوہنوں وکھا لے گا پئی تسِیں اچنبے وِچ نا پَوو۔

یُوحنّا 7:33

تَد یِسُوع آکھیا ہور اجے تھوڑا چِر مَیں تُہاڈے نال آں تے جِس مَینُوں گھلّیا مَیں اوہدے کول جانا آں۔

یُوحنّا 7:39

پر اوہنے ایہہ رُوح دی بابت آکھیا سی جیہڑا اوہدے مَنّن والیاں نُوں مِلنا سی۔ ایس لئی پئی اجے تِیکر رُوح نئیں سی مِلیا۔ کیوں جو یِسُوع اجے اپنے جلال نُوں نا سی پہنچیا۔

اعمال 10:46

کیوں جو اوہ اوہناں نُوں کئی طرح دی بولیاں بولدے تے خُدا دی وڈیائی کر دیاں پئے سُندے سن۔ تَد پطرس آکھیا۔

اعمال 16:18

تے اوہ بُہت دِناں تِیکر ایس طرح کر دی رہی تے پَولُس بڑا کلپیا۔ تے پِچّھے مُڑ کے اوس رُوح نُوں آکھیا۔ مَیں یِسُوع مسِیح دا ناں لے کے تینُوں حُکم کرنا آں پئی ایہدے وِچوں نِکل جا۔ تے اوہ اوسے گھڑی نِکل گئی۔

اعمال 19:12

ایتھوں تِیکر پئی رُومال تے پٹکے۔ اوہدے پنڈے نُوں چُھوا کے بِیماراں اُتّے پاندے سن تے روگ اوہناں توں ہَٹ جاندے سن۔ تے بُریاں رُوحاں نِکل جاندِیاں سن۔

اعمال 2:33

سو جد اوہ خُدا دے سَجّے پاسے اُچّا کِیتا گیا تے اوس باپ کولوں پاک رُوح دا وعدہ پایا تاں اوس ایہہ جو تُسی ویکھدے تے سُندے ہو بخش دِتّا۔

اعمال 2:41

سو جِنہاں اوہدی گلّ مَن لئی اوہناں بپتِسمہ لیا۔ تے اوسے دِن تِنّ کُو ہزار لوک اوہناں نال رَل گئے۔

اعمال 4:16

پئی اسی ایہناں بندیاں نال کِیہ کرئیے۔ کیوں جو اوہناں توں اِک مَنّی ہوئی کرامات ہو گئی اے۔ جیہڑی یرُوشلِیم دے سارے رہن والیاں نُوں معلُوم اے۔ تے اسی مُکّر نئیں سکدے۔

اعمال 4:33

تے رسُول خُداوند یِسُوع مسِیح دے جی اُٹھن دی گواہی بڑی طاقت نال دیندے سن۔ تے اوہناں سبھناں اُتّے بڑا فضل سی۔

اعمال 4:4

پر بتھیریاں اوہناں وِچوں جِنہاں کلام سُنیا اِیمان لیاندا تے اوہ بندے گنتری وِچ پنج کُو ہزار ہوگئے سن۔

اعمال 5:15

ایتھوں تِیکر پئی لوک اپنیاں روگِیاں نُوں لیاؤندے۔ تے پلنگاں تے مَنجِیاں اُتّے رکھدے سن ایس لئی پئی پطرس جد آوے اوہدا پر چھاواں ای اوہناں وِچوں کِسے اُتّے پَے جاوے۔

اعمال 6:7

تے خُدا دا کلام وَدھدا گیا۔ تے یرُوشلِیم وِچ شاگِرداں دی گنتری بُہت وَدّھ گئی۔ تے بتھیرے کاہِن ایس دِین وِچ آگئے۔

اعمال 8:7

ایس لئی پئی بتھیرے لوکاں وِچوں پلِیت رُوحاں بڑی ڈنڈ پا کے نِکل آئِیاں۔ تے بتھیرے مفلُوج تے لُوہلے لنگے چنگے بھلے کِیتے گئے۔

اعمال 9:34

تے پطرس اوہنوں آکھیا۔ اَے اَینیاس یِسُوع مسِیح تینُوں چَنگا کر دا اے۔ تُوں اُٹھ تے اپنا بسترا سانبھ لے۔ تے اوہ اوسے ویلے اُٹھیا۔

اعمال 9:40

پر پطرس اوہناں سبھناں نُوں باہر کڈھ کے تے گوڈے نواکے دُعا منگی۔ تے مَیّت ولّ مُنھ کر کے آکھیا۔ تبِیتا اُٹھ۔ تَد اوس اَکھّیاں کھولِیاں تے پطرس نُوں ویکھ کے اُٹھ بَیٹھی۔

رُومِیوں 15:19

بھانویں نشانِیاں تے کراماتاں دی قُدرت نال بھانویں پاک رُوح دی قُدرت نال۔ ایتھوں تِیکر پئی یرُوشلِیم توں لے کے اِلّرِکُم تِیکر وی مَیں پھیرا مار کے مسِیح دی خُوشخبری دی پُوری منادی کِیتی۔