یُوحنّا 14:11 - پنجابی نواں عہد نامہ نظرثانی شدہ چھپائی

¹¹ مَینُوں مَنّو پئی مَیں باپ وِچ آں تے باپ میرے وِچ اے۔ جے ایویں نئیں تے اوہناں کمّاں دے سبّب ای مَینُوں مَنّو۔

یُوحنّا 14:11 ပူးပေါင်းရင်းမြစ်များ

یُوحنّا 10:25

یِسُوع اوہناں نُوں جواب دِتّا مَیں تُہانوں دسیا تے تُسی نئیں مَن دے۔ جیہڑے کمّ مَیں اپنے باپ دے ناں اُتّے کرنا آں میرے گواہ نیں۔

یُوحنّا 10:32

یِسُوع اوہناں نُوں جواب دِتّا پئی بتھیرے چنگے کمّ مَیں باپ ولّوں تُہانوں وکھائے۔ اوہناں وِچوں کیہڑے کمّ بدلے مَینُوں پتّھر مار دے ہو؟

یُوحنّا 10:38

پر جے مَیں کرنا آں۔ تَد مَینُوں بھانویں نا ای مَنّو پر میرے کمّاں نُوں تے مَنّو تاں جو تُسی جانوں تے سمجھو پئی باپ میرے وِچ اے تے مَیں باپ وِچ۔

یُوحنّا 14:10

تُوں سَچ نئیں مَن دا پئی مَیں باپ وِچ آں تے باپ میرے وِچ اے؟ جیہڑیاں گلّاں مَیں تُہانوں آکھنا آں مَیں اپنے ولّوں نئیں آکھدا۔ پر باپ میرے وِچ رہ کے اپنے کمّ کر دا اے۔

یُوحنّا 14:20

اوس دِن تُسی جانو گے پئی مَیں اپنے باپ وِچ آں تے تُسی میرے وِچ تے مَیں تُہاڈے وِچ۔

یُوحنّا 5:36

پر میرے کول جیہڑی گواہی اے اوہ یُوحنّا دی گواہی توں وڈّی اے کیوں جو جیہڑے کمّ باپ میرے سپُرد کِیتے پئی مَیں اوہناں نُوں پُوریاں کراں یعنی ایہو کمّ جیہڑے مَیں کرنا آں اوہ میرے حق وِچ گواہی دیندے نیں پئی باپ مَینُوں گھلّیا اے۔

اعمال 2:22

اَے اِسرائیلیو! ایہہ گلّاں سُنو پئی یِسُوع ناصری اِک بندہ سی جِہدا خُدا دے ولّوں ہونا تُہاڈے اُتّے اوہناں کراماتاں تے نشانِیاں تے عجب کمّاں نال ثابت ہویا جیہڑے خُدا اوہدی ہتّھِیں تُہاڈے وِچ وکھالے۔ جیویں تُسی آپ جان دے ہو۔

عِبرانیوں 2:4

تے نال ای خُدا وی اپنی مرضی دے سببّوں نشاناں تے کراماتاں تے طرح طرح دے مُعجزیاں تے پاک رُوح دِیاں نِعمتاں دی راہِیں اوہدی گواہی دیندا رہیا۔