یُوحنّا 13:34 - پنجابی نواں عہد نامہ نظرثانی شدہ چھپائی

³⁴ مَیں تُہانوں اِک نواں حُکم دینا آں پئی تُسی اِک دُوجے نُوں پیار کرو۔ جیویں مَیں تُہانوں پیار کِیتا۔

یُوحنّا 13:34 ပူးပေါင်းရင်းမြစ်များ

متّی 5:44

پر مَیں تُہانوں آکھنا آں پئی دُشمناں نال پیار کرو تے جیہڑے تُہانوں دُکھ دین اوہناں دی خَیر منگو۔

یُوحنّا 15:17

ایہناں گلّاں دا مَیں تُہانوں ایس واسطے حُکم دینا آں پئی تُسی اِک دُوجے نُوں پیار کرو۔

یُوحنّا 17:21

تاں جو سبھ اِک ہون پئی جیویں اَے باپ تُوں میرے وِچ تے مَیں تیرے وِچ آں اوہ وی ساڈے وِچ ہون تاں جو دُنیا اِیمان لیاوے پئی تُوں مَینُوں گھلّیا۔

رُومِیوں 12:10

بھراواں وَرگی مُحبّت نال آپو وِچ بڑا پیار رکھو۔ عِزّت ولّوں اِک دُوجے نُوں چَنگا سمجھو۔

رُومِیوں 13:10

مُحبّت گواہنڈی دا بُرا نئیں کر دی۔ ایس کر کے مُحبّت رکھنا شریعت دا پُورا کرنا اے۔

رُومِیوں 13:8

اِک دُوجے نال پیار کرن توں بِناں کِسے گلّے کِسے دے دیندار نا رہو۔ کیوں جو جیہڑا دُوجے نال پیار کر دا اے۔ اوہنے شریعت نُوں پُورا کِیتا اے۔

گلتِیوں 5:22

پر رُوح دا پَھل پیار۔ خُوشی۔ تسلّی۔ برداشت۔ مِہربانی۔ نیکی۔ دیانتداری۔

گلتِیوں 5:6

تے مسِیح یِسُوع وِچ نا تے سُنتی بہنا کِسے کمّ دا اے۔ تے نا سُنتی نا بہنا۔ پر اوہ اِیمان جیہڑا مُحبّت دی راہِیں اثر کر دا اے۔

گلتِیوں 6:10

سو جدوں موقع مِلے۔ ساریاں نال نیکی کریئے۔ خاص کر اِیمانداراں نال۔

گلتِیوں 6:2

تُسی اِک دُوجے دے بھار وَنڈو تے ایس طرح مسِیح دی شریعت نُوں پُوریاں کرو۔

اِفسِیوں 5:2

تے تُہاڈا چالا مُحبّت وِچ ہوئے جیویں مسِیح وی تُہاڈے نال مُحبّت کِیتی۔ تے ساڈے واسطے اپنے آپ نُوں خُوشبوئی وانگر خُدا دی نظر کر کے قُربان کِیتا۔

کُلُسِّیوں 1:4

کیوں جو اساں سُنیا اے۔ پئی تُساں مسِیح یِسُوع اُتّے اِیمان لیاندا اے۔ تے سارے پاک لوکاں نال پیار کر دے ہو۔

۱-تھِسّلُنِیکوں 3:12

تے خُداوند کرے پئی جیویں سانُوں تُہاڈے نال مُحبّت اے اوسے طرح تُہاڈی مُحبّت وی آپو وِچ تے ساریاں بندیاں نال بُہتی ہوئے۔ تے وَدھے۔

۲-تھِسّلُنِیکوں 1:3

بھراؤ! تُہاڈے ولّوں ہر ویلے خُدا دا شُکر کرنا ساڈے اُتّے فرض اے تے چاہیدا وی اے۔ کیوں جو تُہاڈا اِیمان بُہت وَدھدا جاندا اے۔ تے تُہاڈی ساریاں دی مُحبّت آپو وِچ بُہت وَدّھدِی جاندی اے۔

عِبرانیوں 13:1

بھراواں نال مُحبّت قیم رکھو۔

یعقُوب 2:8

تَد وی جے پاک کتاب دی گلّ دے سببّوں بادشاہی شریعت نُوں پُوریاں کر دے ہو پئی اپنے گواہنڈی نُوں اپنے وانگر پیار کر تے چَنگا کر دے ہو۔

۱-پطرس 1:22

ایس کر کے پئی تُساں سچیائی نُوں مَن کے بھراواں نال سَچّی مُحبّت کرن لئی اپنیاں دِلاں نُوں پاک کِیتا اے۔ دِلوں جانوں آپو وِچ مُحبّت کرو۔

۲-پطرس 1:7

تے دِینداری اُتّے بھراواں دا پیار۔ تے بھراواں دے پیار اُتّے وی مُحبّت وَدھاؤ۔

۱-یُوحنّا 3:11

کیوں جو جیہڑا سنیہا تُساں مُڈھوں سُنیا اوہ ایہہ اے پئی اسی اِک دُوجے نال مُحبّت رکھیے۔

۱-یُوحنّا 3:23

اوہدا حُکم ایہہ اے پئی اسی اوہدے پُتر یِسُوع مسِیح دے ناں اُتّے اِیمان لیاوے تے جِہیا اوس سانُوں حُکم دِتّا اے تہیا اِک دُوجے نال مُحبّت کریئے۔

۱-یُوحنّا 4:21

تے سانُوں اوہدے ولّوں ایہہ حُکم مِلیا اے پئی جیہڑا خُدا نال مُحبّت رکھدا اے اوہ اپنے بھرا نال وی مُحبّت رکھّے۔

۲یُوحنّا 1:5

ہُن بی بی مَیں تینُوں کوئی نواں حُکم نئیں سگوں اوہ ای جیہڑا مُڈھوں ساڈے کول اے لِکھنا آں تے تیری مِنّت کرنا آں۔ پئی اسی اِک دُوجے دے نال مُحبّت کریئے۔