یُوحنّا 13:23 - پنجابی نواں عہد نامہ نظرثانی شدہ چھپائی

²³ اوہدے شاگِرداں وِچوں اِک جِہنُوں یِسُوع پیار کر دا سی۔ کھانا کھاندیاں یِسُوع دی ہِک ولّ سِر جُھکایا ہویا سی۔

یُوحنّا 13:23 ပူးပေါင်းရင်းမြစ်များ

لُوقا 16:22

تے اِنج ہویا پئی اوہ غرِیب مر گیا۔ تے فرِشتیاں اوہنوں ابرہام دی کُچھّڑ وِچ لے جا رکھیا۔ تے دَولت مند وی مویا تے دَبّیا گیا۔

یُوحنّا 1:18

خُدا نُوں کدی کِسے نئیں ڈِٹّھا پر اِکلَوتے پُتر نیں جیہڑا باپ دی گدّ وِچ اے اوہنوں ظاہر کِیتا۔

یُوحنّا 11:3

تَد اوہدی بھیناں اوہنوں ایہہ سنیہا گھلّیا۔ پئی اَے خُداوند ویکھ جِہنُوں تُوں پیار کرنا ایں اوہ ماندا اے۔

یُوحنّا 11:36

تَد یہُودِیاں آکھیا ویکھو اوہ اوہنوں کِنّاں پیار کر دا سی۔

یُوحنّا 11:5

مرتھا نُوں تے اوہدی بھین تے لعزر نُوں یِسُوع پیار کر دا سی۔

یُوحنّا 13:24

ایس لئی شمعُون پطرس اوہنوں سینت ماری پئی سانُوں دس اوہ کِہدی گلّ کر دا اے۔

یُوحنّا 13:25

اوس یِسُوع دی ہِک دا اُنجے ڈھاسنا لاکے اوہنوں آکھیا اَے خُداوند اوہ کون اے؟

یُوحنّا 19:26

سو یِسُوع اپنی ماں نُوں تے نالے اوس شاگِرد نُوں جِہنُوں پیار کر دا سی کول کھلوتا ہویا ویکھ کے اپنی ماں نُوں آکھیا بی بی ایہہ تیرا پُتر اے۔

یُوحنّا 20:2

تَد اوہ شمعُون پطرس تے اوس دُوجے شاگِرد کول جِہنُوں یِسُوع پیار کر دا سی نٹّھی آئی تے اوہناں نُوں آکھن لگّی اوہناں خُداوند نُوں قبروں کڈھ لیا اے تے سانُوں پتا نئیں پئی اوہنوں کِتّھے رکھیا۔

یُوحنّا 21:20

پطرس پِچھّاں مُڑ کے اوس شاگِرد نُوں جِہنُوں یِسُوع پیار کر دا سی مگر آؤندیاں ویکھیا جِس رات دی روٹی ویلے وی اوہدی ہِک اُتّے ڈھاسنا لائیاں ہویاں آکھیا سی ”اَے خُداوند اوہ کون اے جیہڑا تینُوں پھڑواؤندا اے؟“

یُوحنّا 21:24

ایہہ اوہو ای شاگِرد اے جیہڑا اوہناں گلّاں دی گواہی دیندا اے تے جِس ایہہ گلّاں لِکھیاں۔ تے اسی جاننے آں پئی اوہدی گواہی سَچّی اے۔

یُوحنّا 21:7

ایس لئی اوہ شاگِرد جِہنُوں یِسُوع پیار کر دا سی پطرس نُوں آکھن لگّا ایہہ تے خُداوند اے۔ سو جد شمعُون پطرس ایہہ سُنیا پئی ایہہ خُداوند اے تَد اپنا کپڑا لکّ نال بَنّھ لیا کیوں جو ننگا سی تے سمُندر وِچ چھال ماری۔