یُوحنّا 13:18 - پنجابی نواں عہد نامہ نظرثانی شدہ چھپائی

¹⁸ مَیں تُہاڈی سبھناں دی گلّ نئیں کر دا جِنہاں نُوں مَیں چُنیا اے۔ اوہناں نُوں مَیں جاننا آں۔ پر ایہہ ایس لئی اے پئی پہلوں توں لِکھیا پُورا ہوئے پئی جیہڑا میری روٹی کھاندا اے اوس مَینُوں لَت ماری۔

یُوحنّا 13:18 ပူးပေါင်းရင်းမြစ်များ

متّی 10:36

تے بندے دے وَیری اوہدے گھر ای دے لوک ہون گے۔

متّی 26:21

تے جد اوہ پئے کھاندے سن اوس آکھیا مَیں تُہانوں سَچ آکھنا آں پئی تُہاڈے وِچوں اِک مَینُوں پھڑوائے گا۔

متّی 26:23

اوس جواب دِتّا۔ جِس میرے نال تھالی وِچ ہتّھ پایا اے۔ اوہ مَینُوں پھڑوائے گا۔

مرقس 14:17

جد شام ہوئی اوہ باراں دے نال آیا۔

مرقس 14:18

تے جد اوہ بَہہ کے کھان لگّے۔ تے یِسُوع آکھیا۔ مَیں تُہانوں سَچ آکھنا آں۔ پئی تُہاڈے وِچوں اِک جیہڑا میرے نال کھاندا اے۔ مَینُوں پھڑوائے گا۔

مرقس 14:20

اوس اوہناں نُوں آکھیا باراں وِچوں اِک جَنا۔ جیہڑا میرے نال تھال وِچ ہتّھ پاندا اے۔ سو ای اے۔

لُوقا 22:21

پر ویکھو میرے پھڑان والے دا ہتّھ میرے نال میز اُتّے اے۔

یُوحنّا 13:21

ایہہ آکھدیاں ای یِسُوع دا جی گھبرایا تے ایہہ گواہی دِتّی۔ مَیں تُہانوں سَچ سَچ آکھنا آں پئی تُہاڈے وِچوں اِک مَینُوں پھڑوائے گا۔

یُوحنّا 13:22

شاگِرد ایس شُبے وِچ ہو کے پئی اوہ کدی گلّ کر دا اے اِک دُوجے ولّ ویکھن لگّے۔

یُوحنّا 13:26

سو یِسُوع جواب دِتّا اوہ اوہی اے جِہنُوں مَیں بُرکی بھیوں کے دیاں گا۔ تَد بُرکی نُوں بھیوں کے اوس شمعُون اِسکریُوتی دے پُتر یہُوداہ نُوں دِتّی۔

یُوحنّا 15:16

تُساں مَینُوں نئیں چُنیا پر مَیں تُہانوں چُنیا تے تُہانوں مُقرّر کِیتا۔ پئی تُسی جاؤ تے پَھل لیاؤ تے تُہاڈا پَھل قیم رہے تاں جو تُسی باپ کولوں میرے ناں اُتّے جو کُجھ منگو گے اوہ تُہانوں دیوے۔

یُوحنّا 15:19

جے تُسی دُنیا دے ہوندے تے دُنیا اپنیاں نُوں پیار کر دی۔ پر تُسی دُنیا دے جو نئیں ہو ایس لئی پئی مَیں تُہانوں دُنیا وِچوں چُنیا دُنیا تُہاڈے نال وَیر رکھدی اے۔

یُوحنّا 15:25

پر ایہہ ایس کر کے ہویا پئی اوہ گلّ جیہڑی اوہناں دی شریعت وِچ لِکھی ہوئی اے پُوری ہوئے پئی اوہناں ایویں میرے نال وَیر رکھیا۔

یُوحنّا 17:12

جد مَیں اوہناں دے نال ساں تیرے ناں دی راہِیں جیہڑا تُوں مَینُوں دِتّا اے اوہناں دی سنبھالنا کِیتی تے مَیں اوہناں دی راکھی کِیتی۔ تے ہلاکت دے پُتر دے باہجوں کِسے دا ناس نئیں ہویا تاں جو نوِشتہ پُورا ہوئے۔

یُوحنّا 18:32

تاں جو یِسُوع دی ایہہ گلّ جیہڑی اوس اِشارے نال آکھی سی پُوری ہوئے پئی مَیں کیہڑی مَوت نال مراں گا۔

یُوحنّا 19:24

تَد اوہناں اِک دُوجے نُوں آکھیا اوہنوں پاڑیئے نا پر اوہدے اُتّے گُنے پائیے پئی کِہدا ہوئے تاں جو اوہ نوِشتہ پُورا ہوئے جیہڑا آکھیا گیا سی۔ پئی اوہناں میرے کپڑے ونڈ لَئے تے میری پوشاک اُتّے قُرعہ پائے۔ سو ایہہ گلّاں سپاہیاں کِیتیاں۔

یُوحنّا 19:36

ایہہ ایس کر کے ہویا تاں جو نوِشتہ پُورا ہوئے پئی اوہدی کوئی ہڈّی بھنّی نا جاوے گی۔

یُوحنّا 21:17

اوس اوہنوں ترِیجی وار آکھیا اَے شمعُون یُوحنّا دے پُتر تُوں مَینُوں پیار کرنا ایں؟ ایس گلّے پئی اوس ترِیجی وار اوہنوں آکھیا تُوں مَینُوں پیار کرنا ایں؟ پطرس اُداس ہویا تے اوہنوں آکھیا اَے خُداوند تُوں ای سبھ کُجھ جاننا ایں تینُوں معلُوم اے پئی مَیں تینُوں پیار کرنا آں۔ یِسُوع اوہنوں آکھیا میرِیاں بھیڈاں نُوں چار۔

یُوحنّا 6:70

یِسُوع اوہناں نُوں جواب دِتّا مَیں تُہانوں باراں نُوں نئیں سی چُنیا؟ تے تُہاڈے وِچوں اِک جَنا شیطان اے۔

اعمال 1:16

بھراؤ۔ ضرُور سی پئی اوہ نوِشتہ پُورا ہوئے۔ جیہڑا پاک رُوح پہلاں توں داؤد دی زبانی یہُوداہ دی بابت جیہڑا یِسُوع دے پھڑن والیاں دا آگُو بن گیا سی آکھیا۔

اعمال 1:2

اوس دِن تِیکر پئی جد پاک رُوح دی راہِیں اپنے چُنیاں ہویاں رسُولاں نُوں حُکم دین دے پِچّھوں اوہ اُتانہہ چُکیا گیا۔

۲-کُرِنتھِیوں 4:5

کیوں جو اسی اپنی نئیں سگوں مسِیح یِسُوع دی منادی کرنے آں۔ پئی اوہ خُداوند اے۔ تے اپنی بابت ایہہ آکھنے آں۔ پئی یِسُوع دی خاطر تُہاڈے نوکر آں۔

عِبرانیوں 4:13

جِہدے نال سانُوں کمّ اے۔ اوہدے کولوں دُنیا دی کوئی شے چُھپی ہوئی نئیں۔ سگوں اوہدیاں اکھّاں اگّے سارِیاں شیواں ننگِیاں تے کُھلِیاں ہویاں نیں۔

مُکاشفہ 2:23

تے اوہدے پُتراں نُوں جانوں ماراں گا۔ تے سارِیاں کلِیسیاواں نُوں پتا لگّے گا۔ پئی گُردیاں تے دِلاں دا جانن والا مَیں آں۔ تے مَیں تُہاڈے وِچوں ہر اِک نُوں اوہدیاں کمّاں دے سببّوں بدلہ دیاں گا۔