یُوحنّا 13:17 - پنجابی نواں عہد نامہ نظرثانی شدہ چھپائی

¹⁷ جے تسِیں ایہہ گلّاں جان دے ہو تے اوہناں اُتّے چلدے ہو تاں مُبارک اوہ۔

یُوحنّا 13:17 ပူးပေါင်းရင်းမြစ်များ

متّی 12:50

کیوں جو جیہڑا کوئی میرے باپ دی جیہڑا اسماناں وِچ اے مرضی نُوں پُورا کر دا اے اوہو اے میرا بھرا تے بھین تے ماں۔

لُوقا 11:28

پر اوس آکھیا ہاں سگوں بُہتے دھنّ اوہ نیں جیہڑے خُدا دا کلام سُندے تے اوہدے اُتّے عمل کر دے نیں۔

یُوحنّا 15:14

تُسی تَد ای میرے دوست ہو۔ جے میرے حُکماں نُوں پُوریاں کرو۔

رُومِیوں 2:13

کیوں جو شریعت مَنّن والے وی خُدا دے اگّے راستباز نئیں ٹَھیرن گے۔ سگوں شریعت اُتّے چلّن والے۔

گلتِیوں 5:6

تے مسِیح یِسُوع وِچ نا تے سُنتی بہنا کِسے کمّ دا اے۔ تے نا سُنتی نا بہنا۔ پر اوہ اِیمان جیہڑا مُحبّت دی راہِیں اثر کر دا اے۔

یعقُوب 1:25

پر جیہڑا بندہ اَزادی دی پُوری شریعت اُتّے دِل نال سوچدا رہندا اے۔ اوہ اپنے کمّ وِچ برکت پائے گا۔ ایس لئی پئی اوہ سُن کے بُھلدا نئیں سگوں عمل کر دا اے۔

یعقُوب 4:17

سو جیہڑا بھلا کرنا جان دا اے تے نئیں کر دا اوہ گُناہ کر دا اے۔

مُکاشفہ 22:14

مُبارک نیں اوہ جیہڑے اپنے کپڑے دھوندے نیں۔ کیوں جو زِندگی دے بُوٹے کول آؤن دا اختیار پان گے تے اوہناں پھاٹکاں توں شہر وِچ داخل ہون گے۔