یُوحنّا 12:28 - پنجابی نواں عہد نامہ نظرثانی شدہ چھپائی

²⁸ اَے باپ اپنے ناں نُوں جلال دے۔ تَد اسمانوں اواز آئی پئی مَیں جلال دِتّا اے تے فیر وی جلال دیاں گا۔

یُوحنّا 12:28 ပူးပေါင်းရင်းမြစ်များ

متّی 11:25

اوس ویلے یِسُوع نے جواب وِچ آکھیا۔ اَے باپ اسمان تے زمین دے خُداوند مَیں تیری وڈیائی کرنا آں پئی تُوں ایہناں گلّاں نُوں داناواں تے سیانیاں توں لُکایا۔ تے اَنجانیاں اُتّے ظاہر کِیتا۔

متّی 11:26

ہاں اَے باپ کیوں جو ایسے طرح تینُوں چَنگا لگّا۔

متّی 17:5

اوہ تے اجے پیا بول دا ای سی تے ویکھو اِک نُورانی بدّل اوہناں اُتّے چھاں کِیتی۔ تے بدّل وِچوں اِک اواز ایہہ آکھدی آئی پئی ”ایہہ میرا پیارا پُتر اے جِس توں مَیں خُوش آں۔ اوہدی سُنو۔“

متّی 26:42

فیر اوس دُوجی وار جا کے دُعا منگی تے آکھیا اَے میرے باپ جیکر ایہہ میرے پِیتیاں بِناں میرے توں نئیں ٹل سکدا تے تیری مرضی ہوئے۔

متّی 3:17

تے ویکھو اسماناں توں اِک اواز آئی پئی ایہہ میرا پیارا پُتر اے جِس توں مَیں بڑا خُوش آں۔

مرقس 1:11

تے اسمانوں اِک اواز آئی۔ پئی تُوں میرا پیارا پُتر ایں۔ تَیتھوں مَیں راضی آں۔

مرقس 14:36

تے اوس آکھیا۔ ابّا یعنی اے باپ سبھ کُجھ تَیتھوں ہوسکدا اے۔ ایس پیالے نُوں میرے کولوں ہٹا دے۔ پر اوہ نا ہوئے جو مَیں چاہناں آں۔ سگوں اوہ جو تُوں چاہنا ایں۔

مرقس 9:7

تَد اِک بدّل آیا۔ تے اوہناں اُتّے چھاں کِیتی۔ تے بدّل وِچوں اِک اواز آئی۔ پئی ایہہ میرا پیارا پُتر اے۔ اوہدی سُنو۔

لُوقا 3:22

تے رُوحُ القُدس کبُوتر وانگر اوہدے اُتّے اُتریا تے اسمان توں اِک اواز آئی۔ پئی ”تُوں میرا پیارا پُتر ایں تَیتھوں مَیں راضی ہاں۔“

لُوقا 9:35

تے بدّلوں اِک اواز آئی پئی ایہہ میرا چُنیا ہویا پُتر اے۔ اوہدی سُنو۔

یُوحنّا 11:4

یِسُوع ایہہ سُن کے آکھیا ایہہ بیماری مَوت دی نئیں اے پر خُدا دے جلال لئی۔ تاں جو خُدا دے پُتر دا اوہدے کر کے جلال ہوئے۔

یُوحنّا 18:11

تَد یِسُوع پطرس نُوں آکھیا تلوار نُوں میان کر۔ اوہ پیالہ جیہڑا باپ مَینُوں دِتّا اے کِیہ مَیں نا پئیاں؟

یُوحنّا 9:3

یِسُوع جواب دِتّا۔ گُناہ نا تے ایس کِیتا نا ایہدے ماپیاں نیں پر ایس لئی پئی خُدا دے کمّ اوہدے وِچ ظاہر ہون۔

اِفسِیوں 2:7

ایس کر کے پئی اوہ آؤن والیاں زمانیاں وِچ اپنے فضل دی باہلی دَولت وکھائے جیہڑا مسِیح یِسُوع وِچ ساڈے اُتّے مِہربانی نال ہویا سی۔

اِفسِیوں 3:10

تاں جو ہُن کلِیسیا دی راہِیں خُدا دی طرح طرح دی حِکمت اوہناں حکُومت تے اختیار والیاں نُوں معلُوم ہو جائے۔ جیہڑے اسمانی تھانواں وِچ نیں۔

اِفسِیوں 3:21

کلِیسیا وِچ تے مسِیح یِسُوع وِچ سارِیاں پِیہڑیاں تِیکر تے سدا تِیکر اوسے دا جلال ہوندا رہے۔ آمِین۔

۲-پطرس 1:17

پئی اوس خُدا باپ اوس ویلے عِزّت تے جلال پایا جد اوس بڑے جلال وِچوں اوہنوں ایہہ اواز آئی پئی ایہہ میرا پیارا پُتر اے جِہدے توں مَیں خُوش آں۔