یُوحنّا 12:27 - پنجابی نواں عہد نامہ نظرثانی شدہ چھپائی

²⁷ ہُن میرا جی گھبراؤندا اے تے مَیں کِیہ آکھاں؟ پئی اَے باپ مَینُوں ایس گھڑیوں بچا۔ پر مَیں ایسے سبّب ایس گھڑی تِیکر آیا۔

یُوحنّا 12:27 ပူးပေါင်းရင်းမြစ်များ

متّی 11:25

اوس ویلے یِسُوع نے جواب وِچ آکھیا۔ اَے باپ اسمان تے زمین دے خُداوند مَیں تیری وڈیائی کرنا آں پئی تُوں ایہناں گلّاں نُوں داناواں تے سیانیاں توں لُکایا۔ تے اَنجانیاں اُتّے ظاہر کِیتا۔

متّی 11:26

ہاں اَے باپ کیوں جو ایسے طرح تینُوں چَنگا لگّا۔

متّی 26:42

فیر اوس دُوجی وار جا کے دُعا منگی تے آکھیا اَے میرے باپ جیکر ایہہ میرے پِیتیاں بِناں میرے توں نئیں ٹل سکدا تے تیری مرضی ہوئے۔

متّی 26:45

تَد شاگِرداں کول آیا تے اوہناں نُوں آکھیا۔ ہُن سُتّے رہو تے آرام کرو۔ ویکھو ویلا آگیا اے تے اِبنِ آدم گُنہگاراں دے ہتّھ پھڑوایا جاندا اے۔

لُوقا 22:44

فیر اوہ بُہت پریشان ہو کے بڑی تانگھ نال دُعا منگن لگّا تے اوہدا مُڑھکا لہو دے تُبکیاں وانگُوں زمین اُتّے ڈِگّدا سی۔

لُوقا 22:53

جد مَیں روز ہیکل وِچ تُہاڈے نال ساں تُساں میرے اُتّے ہتّھ نا پائے پر ایہہ تُہاڈی گھڑی تے ہنیرے دا اختیار اے۔

یُوحنّا 11:41

سو اوہناں پتّھر نُوں ہٹایا تے یِسُوع اَکھّیاں اُتانہہ کر کے آکھیا۔ اَے باپ مَیں تیرا شُکر کرنا ہاں پئی تُوں میری سُنی۔

یُوحنّا 12:23

یِسُوع نیں اوہناں نُوں جواب دِتّا ویلا آگیا اے پئی اِبنِ آدم دا جلال ہوئے۔

یُوحنّا 13:21

ایہہ آکھدیاں ای یِسُوع دا جی گھبرایا تے ایہہ گواہی دِتّی۔ مَیں تُہانوں سَچ سَچ آکھنا آں پئی تُہاڈے وِچوں اِک مَینُوں پھڑوائے گا۔

یُوحنّا 18:37

تَد پِیلاطُس اوہنوں آکھیا۔ تے فیر تُوں بادشاہ ایں؟ یِسُوع جواب دِتّا تے آکھیا تُوں آپی آکھنا ایں پئی مَیں بادشاہ آں۔ مَیں ایس گلّ لئی جمّیا تے ایس گلّ لئی دُنیا وِچ آیا آں پئی مَیں سچیائی اُتّے گواہی دیاں۔ ہر اِک جیہڑا سچیائی دا اے میری اواز سُندا اے۔

۱-تِیمُتِھیُس 1:15

ایہہ سَچّی گلّ اے تے سبھنیں پاسیں مَنّن والی اے پئی مسِیح یِسُوع گُناہِیاں نُوں نجات دین واسطے دُنیا وِچ آیا جِنہاں وِچوں مَیں موہرلا آں۔

عِبرانیوں 2:14

سو جِس حال بچّے خُون تے گوشت وِچ سنگی نیں اوسے طرح اوہ اوہناں وانگر آپ وی اوہناں وِچ شریک ہویا۔ تاں جو اوہ مَوت دی راہِیں اوہنوں جِہنُوں مَوت اُتّے طاقت مِلی یعنی ابلیس نُوں بے کار کر دے۔

عِبرانیوں 5:7

جدوں اپنی جِسم دے چولے وِچ سی تَد اوس ڈاہڈے وَین کر کے تے اتھرُو وگا کے اوہدے اگّے دُعا تے مِنّتاں کِیتیاں جیہڑا اوہنوں مَوتوں بچا سکدا سی تے اوہدی خُدا ترسی دے سبّب اوہدی سُنی گئی۔