یُوحنّا 12:25 - پنجابی نواں عہد نامہ نظرثانی شدہ چھپائی

²⁵ اوہ جیہڑا اپنی جان پیاری سمجھدا اے۔ اوہ اوہنوں گواؤندا اے۔ تے اوہ جیہڑا اپنی جان نال ایس دُنیا وِچ وَیر رکھدا اے سدا دی زِندگی تِیکر اوہنوں سانبھی رکھّے گا۔

یُوحنّا 12:25 ပူးပေါင်းရင်းမြစ်များ

متّی 10:39

جِس اپنی جان نُوں لَبّھ لیا اوہ اوہنوں گوائے گا۔ پر جِس میرے واسطے اپنی جان نُوں گوایا اوہ اوہنوں لَبّھ لے گا۔

متّی 16:25

کیوں جو جیہڑا کوئی اپنی جان بچانی چاہے اوہ اوہنوں گوائے گا پر جیہڑا کوئی میرے لئی اپنی جان گوا دیوے اوہ اوہنوں لَبھّے گا۔

متّی 19:29

تے جِنہاں گھراں یا بھراواں یا بھیناں یا ماپیاں یا بال بچّیاں یا زمین نُوں میرے ناں دی خاطر چھڈ دِتّا اے اوہنوں سَو حِصّے وَدّھ مِلے گا۔ تے اوہ ہمیشہ دی زِندگی دا وارث ہوئے گا۔

مرقس 8:35

کیوں جو جیہڑا اپنی جان بچانی چاہے سو اوہنوں گوائے گا۔ پر جیہڑا میرے لئی تے اِنجِیل دے لئی اپنی جان گنواوے سو اوہنوں بچاوے گا۔

لُوقا 14:26

جے کوئی میرے ولّ آوے۔ تے اپنے پئیو تے ماں نال تے بیوی تے بالاں نال تے بھراواں تے بھیناں نال سگوں اپنی ای جان نال وی وَیر نا رکھّے۔ اوہ میرا شاگِرد نئیں ہوسکدا۔

لُوقا 17:33

جِس کِسے دی اپنی جان بچان دی مُراد ہوئے۔ اوہ اوہنوں گوائے گا تے جیہڑا اوہنوں گوائے سو اوہنوں جِیوندا رکھّے گا۔

اعمال 20:24

پر مَیں اپنی جان دا خیال بالکل نئیں کر دا۔ پئی اوہ مَینُوں پیاری لگدی اے۔ تاں جو مَیں اپنی دَوڑ نُوں تے اوس خِدمت نُوں جیہڑی خُداوند یِسُوع توں مَینُوں سپُرد ہوئی۔ پُورا کراں۔ تے خُدا دے کرم دی خُوشخبری اُتّے گواہی دیاں۔

اعمال 21:13

تَد پَولُس جواب دِتّا۔ پئی تُسی کِیہ کر دے ہو؟ روندے تے میرا دِل توڑ دے ہو؟ کیوں جو مَیں صرف یرُوشلِیم وِچ خُداوند یِسُوع دے ناں پِچّھے بَدّھے جان نُوں سگوں مر جان نُوں وی تیار آں۔

عِبرانیوں 11:35

زنانِیاں اپنے مُردے فیر جِیوندے لے لَئے۔ تے ہور کلپائے گئے۔ پر خلاصی منظُور نا کِیتی۔ تاں جو اوہناں نُوں چنگی قیامت مِل جائے۔

مُکاشفہ 12:11

تے اوہناں لیلے دے خُون تے اپنی گواہی دے کلام دے سبّب اوہنوں جِت لیا تے اوہناں اپنیاں جاناں نُوں پیارا نا رکھیا۔ ایتھوں تِیکر پئی مَوت وی جَھل لئی۔