یُوحنّا 10:36 - پنجابی نواں عہد نامہ نظرثانی شدہ چھپائی

³⁶ جِہنُوں باپ نیں مُقدّس کِیتا تے دُنیا وِچ گھلّیا۔ تُسی اوہنوں آکھدے ہو پئی تُوں کُفر بکنا ایں۔ جد مَیں آکھیا پئی مَیں خُدا دا پُتر آں؟

یُوحنّا 10:36 ပူးပေါင်းရင်းမြစ်များ

متّی 27:43

اوہ خُدا اُتّے بھروسا رکھدا اے۔ جے اوہ اوہنوں چاہندا اے تَد ہُن اوہنوں چھڈاوے کیوں جو اوس آکھیا۔ پئی مَیں خُدا دا پُتر آں۔

متّی 27:54

تے صُوبیدار تے اوہدے نال دے جیہڑے یِسُوع دی راکھی کر دے سن بُھچال تے سارا حال ویکھ کے بُہت ڈر گئے تے آکھن لگّے ایہہ سَچ مُچ خُدا دا پُتر سی۔

لُوقا 1:35

تے فرِشتے اوہنوں جواب دِتّا پئی پاک رُوح تیرے اُتّے اُترے گا تے خُدا تعالیٰ دی قُدرت تیرے اُتّے پر چھاواں کرے گی۔ ایس واسطے اوہ قُدُّوس جیہڑا جمّے گا خُدا دا پُتر اکھوائے گا۔

یُوحنّا 10:35

جد اوس اوہناں نُوں جِنہاں نُوں خُدا دا کلام آیا خُدا آکھیا۔ (تے پاک کتاب جُھوٹھی نئیں ہو سکدی۔)

یُوحنّا 17:18

جیویں تُوں مَینُوں دُنیا وِچ گھلّیا۔ اوسے طرح مَیں وی اوہناں نُوں دُنیا وِچ گھلّیا۔

یُوحنّا 17:21

تاں جو سبھ اِک ہون پئی جیویں اَے باپ تُوں میرے وِچ تے مَیں تیرے وِچ آں اوہ وی ساڈے وِچ ہون تاں جو دُنیا اِیمان لیاوے پئی تُوں مَینُوں گھلّیا۔

یُوحنّا 17:8

ایس لئی پئی ایہہ کلام جیہڑا تُوں مَینُوں دِتّا مَیں اوہناں نُوں دِتّا اے۔ تے اوہناں قبول کِیتا تے سَچ مَنّیا پئی مَیں تیرے ولّوں نِکلیا۔ تے اِیمان لیاندا پئی تُوں مَینُوں گھلّیا۔

یُوحنّا 19:7

یہُودِیاں اوہنوں جواب دِتّا پئی اسی شریعت والے آں تے شریعت دے سببّوں اوہ قتل کرن دے لائق اے ایس لئی پئی ایس اپنے آپ نُوں خُدا دا پُتر بنایا۔

یُوحنّا 20:28

تُوما اوہنوں آکھیا اے میرے خُداوند اے میرے خُدا۔

یُوحنّا 20:31

پر ایہہ لِکھیاں گِئیاں نیں تاں جو تُسی اِیمان لیاؤ پئی یِسُوع جو اے اوہو مسِیح خُدا دا پُتر اے۔ تے اِیمان لیا کے اوہدے ناں توں تُہانوں زِندگی مِلے۔

یُوحنّا 3:17

کیوں جو خُدا اپنے پُتر نُوں دُنیا وِچ ایس لئی نئیں گھلّیا پئی دُنیا دی عدالت کرے سگوں ایس لئی پئی دُنیا اوہدے سببّوں بچ جائے۔

یُوحنّا 3:34

کیوں جو جِہنُوں خُدا گھلّیا اوہ خُدا دِیاں گلّاں کر دا اے۔ ایس لئی پئی اوہ رُوح مِن کے نئیں دیندا۔

یُوحنّا 5:30

مَیں اپنے آپ کُجھ نئیں کر سکدا۔ جیویں مَیں سُننا آں اوسے طرح عدالت کرنا آں تے میری عدالت سَچّی اے۔ کیوں جو مَیں اپنی مرضی نُوں نئیں لَبّھدا پر اوہدی مرضی نُوں جِس مَینُوں گھلّیا اے۔

یُوحنّا 6:27

فنا ہون والے کھانے لئی محنت نا کرو پر اوس کھانے لئی جیہڑا سدا دی زِندگی تِیکر رہن والا اے جیہڑا اِبنِ آدم تُہانوں دیوے گا کیوں جو خُدا جیہڑا باپ اے اوس اوہدے اُتّے مُہر کر دِتّی اے۔

یُوحنّا 6:38

کیوں جو مَیں اسمانوں اپنی مرضی پُوری کرن نُوں نئیں لتّھا آں۔ پر اوہدی مرضی جِس مَینُوں گھلّیا اے۔

یُوحنّا 6:57

جیویں باپ جیہڑا جِیوندا اے مَینُوں گھلّیا تے مَیں باپ دے سبّب جِیوناں آں۔ اوہ وی جیہڑا مَینُوں کھاندا اے میرے سبّب جیوے گا۔

یُوحنّا 6:69

اسی اِیمان لیائے تے جان گئے آں پئی خُدا دا قُدُّوس تُوں ای ایں۔

یُوحنّا 8:42

یِسُوع اوہناں نُوں آکھیا جے خُدا تُہاڈا باپ ہوندا تے تُسی مَینُوں پیار کر دے۔ کیوں جو مَیں خُدا توں نِکلیا تے آیا آں۔ تے مَیں آپ توں نئیں آیا آں پر اوس مَینُوں گھلّیا۔

رُومِیوں 1:4

پر پاکیزگی دی رُوح ولّوں مُردیاں وِچوں جی اُٹھن دے سبّب قُدرت نال خُدا دا پُتر ثابت ہویا۔

رُومِیوں 8:3

ایس لئی پئی جیہڑی گلّ جِسم دی کمزوری دے سببّوں شریعت توں نا ہو سکی۔ خُدا اپنے ای پُتر نُوں گُناہی جِسم دی صُورت وِچ تے گُناہ دی قُربانی لئی گھل کے جِسم وِچ گُناہ دی سزا دا حُکم کِیتا۔

رُومِیوں 9:5

بزُرگ اوہناں دے نیں۔ نالے مسِیح جِسم ولّوں اوہناں وِچوں ہویا جیہڑا سبھناں توں اُچّا خُدا سدا توڑی مُبارک اے آمِین۔

گلتِیوں 4:4

پر جدوں پُورا ویلا آ گیا خُدا اپنے پُتر نُوں گھلّیا جیہڑا عورت توں جمّیا۔ تے جنم توں شریعت دا ہٹھارُو بنیا۔