یُوحنّا 10:18 - پنجابی نواں عہد نامہ نظرثانی شدہ چھپائی

¹⁸ کوئی مَیتھوں اوہنوں نئیں کھوندا پر مَیں اوہنوں آپے ای دینا آں۔ میرا اختیار اے پئی اوہنوں دے دیاں تے میرا اختیار اے پئی مُڑ اوہنوں لے لَواں۔ ایہہ حُکم مَینُوں اپنے باپ کولوں مِلیا اے۔

یُوحنّا 10:18 ပူးပေါင်းရင်းမြစ်များ

یُوحنّا 10:11

چَنگا ایّالی مَیں آں۔ چَنگا ایّالی بھیڈاں لئی اپنی جان دیندا اے۔

یُوحنّا 10:15

جیویں باپ مَینُوں جان دا اے تے مَیں باپ نُوں جاننا آں۔ تے بھیڈاں لئی مَیں اپنی جان دینا آں۔

یُوحنّا 10:17

باپ مَینُوں ایسے گلّے پیار کر دا اے پئی مَیں اپنی جان دینا آں تاں جو فیر مَیں اوہنوں لے لَواں۔

یُوحنّا 14:31

ایہہ ایس لئی ہوندا اے۔ تاں جو دُنیا جانے پئی مَیں باپ نُوں پیار کرنا آں تے جیویں باپ نے مَینُوں حُکم دِتّا اوسے طرح مَیں کرنا آں۔ اُٹھو ایتھوں چلّئے۔

یُوحنّا 15:10

جے میرے حُکماں نُوں مَنّو تے میرے پیار وِچ رہو گے۔ جیویں مَیں اپنے باپ دے حُکماں نُوں مَنّیا اے تے اوہدے پیار وِچ رہنا آں۔

یُوحنّا 19:11

یِسُوع اوہنوں جواب دِتّا پئی تیرا میرے اُتّے کُجھ وی وَس نا ہوندا جے تینُوں اُتّوں دِتّا نا جاندا۔ ایس لئی جِس مَینُوں تیرے حوالے کِیتا اوہدا وَدّھ گُناہ اے۔

یُوحنّا 5:26

کیوں جو جیویں باپ اپنے وِچ زِندگی رکھدا اے اوسے طرح اوس پُتر نُوں وی دِتّا پئی اپنے وِچ زِندگی رکھّے۔

یُوحنّا 5:30

مَیں اپنے آپ کُجھ نئیں کر سکدا۔ جیویں مَیں سُننا آں اوسے طرح عدالت کرنا آں تے میری عدالت سَچّی اے۔ کیوں جو مَیں اپنی مرضی نُوں نئیں لَبّھدا پر اوہدی مرضی نُوں جِس مَینُوں گھلّیا اے۔

یُوحنّا 6:38

کیوں جو مَیں اسمانوں اپنی مرضی پُوری کرن نُوں نئیں لتّھا آں۔ پر اوہدی مرضی جِس مَینُوں گھلّیا اے۔

اعمال 2:24

اوسے نُوں خُدا مَوت دے بندھ توں چھڈا کے جوالیا۔ کیوں جو ایہہ نئیں سی ہو سکدا پئی اوہ اوہدے وَس وِچ رہے۔

اعمال 2:32

ایسے یِسُوع نُوں خُدا جوالیا جِہدے اسی سارے گواہ ہاں۔

اعمال 3:15

پر تُساں زِندگی دے مالک نُوں قتل کِیتا۔ جِہنُوں خُدا مُردیاں وِچوں جوالیا۔ تے اسی اوہدے گواہ آں۔

طِطُس 2:14

جِس اپنے آپ نُوں ساڈے لئی دے دِتّا۔ پئی سانُوں ساری بیدینی توں ڈنڈ بھرکے چھڈائے تے پاک کر کے اپنے خاص وِرثہ لئی اِک اُمّت بنائے۔ جیہڑی نیک کمّاں وِچ سرگرم ہوئے۔

عِبرانیوں 2:9

ہاں اوہنوں ویکھنے آں جیہڑا فرِشتیاں نالوں کُجھ ای گھٹ کِیتا گیا اے یعنی یِسُوع نُوں جِس مَوت دا دُکھ سہہ کے جلال تے عِزّت دا تاج پایا۔ تاں جو خُدا دے فضل نال اوہ ہر اِک بندے دی خاطر مَوت دا سواد لَئے۔