یُوحنّا 1:48 - پنجابی نواں عہد نامہ نظرثانی شدہ چھپائی

⁴⁸ نتنی ایل اوہنوں آکھیا تُوں میرا کِتّھوں دا واقف ایں؟ یِسُوع اوہنوں جواب دِتّا۔ فِلپُّس دے تینُوں سَدّن توں پہلاں جدوں تُوں ہنجیر دے بُوٹے ہیٹھ سَیں مَیں تینُوں ویکھ لیا سی۔

یُوحنّا 1:48 ပူးပေါင်းရင်းမြစ်များ

متّی 10:3

فِلپُّس تے برتُلمائی تُوما تے متّی محصُولِیہ۔

متّی 6:6

پر تُوں جد دُعا منگیں تَد اپنی کوٹھڑی وِچ جا تے بُوہا مار کے اپنے باپ توں جیہڑا پڑدے وِچ اے دُعا منگ تے تیرا باپ جیہڑا پڑدے وِچ ویکھ لَیندا اے تینُوں بدلہ دے گا۔

یُوحنّا 1:44

فِلپُّس بَیت صَیدا دا سی جیہڑا اندریاس تے پطرس دا شہر اے۔

یُوحنّا 12:21

تَد اوہ فِلپُّس کول آئے جیہڑا گلِیل دے بَیت صَیدا دا سی تے عرض کِیتی جناب اسی یِسُوع نُوں ویکھنا چاہنے آں۔

یُوحنّا 14:8

فِلپُّس اوہنوں آکھیا اَے خُداوند سانُوں باپ وکھا تے سانُوں ایہو ای بس اے۔

یُوحنّا 2:25

تے اوہنوں لوڑ نئیں سی پئی کوئی اِنسان دی گواہی دیوے ایس لئی پئی اوہ آپ جان دا سی پئی اِنسان دے دِل وِچ کِیہ اے۔

یُوحنّا 6:5

تَد یِسُوع اپنیاں اَکھّیاں چُک کے ویکھیا پئی بڑی بِھیڑ میرے کول پئی آؤندی اے۔ تے فِلپُّس نُوں آکھیا پئی اسی ایہناں دے کھان لئی روٹِیاں کِتّھوں مُل لئیے؟

یُوحنّا 6:7

فِلپُّس اوہنوں جواب دِتّا پئی دو سَو دینار دِیاں روٹِیاں ایہناں لئی پُوریاں نئیں ہون گِیاں پئی ہر اِک نُوں تھوڑی جیہی وی ہتّھ لگّے۔

۱-کُرِنتھِیوں 14:25

تے اوہدے دِل دے بھیت ظاہر ہو جان گے تے اوہ مُنھ پرنیں ڈِگّ کے خُدا نُوں سجدہ کرے گا۔ تے اوہ اِقرار کرے گا۔ پئی بے شک خُدا تُہاڈے وِچ اے۔

۱-کُرِنتھِیوں 4:5

سو جد تِیکر خُداوند نا آوے۔ ویلے توں پہلاں کِسے کمّ دا فیصلہ نا کرو اوہو ہنیرے دِیاں چُھپیاں ہویاں گلّاں نُوں روشن کر دے گا۔ تے دِلاں دے منصُوبے ظاہر کر دے گا۔ اوس ویلے ہر اِک دی وڈیائی خُدا ولّوں ہوئے گی۔