یُوحنّا 1:43 - پنجابی نواں عہد نامہ نظرثانی شدہ چھپائی

⁴³ اگلے بَھلک اوہ گلِیل دے دیس نُوں جانا چاہندا سی۔ تے فِلپُّس نُوں لَبّھیا تے یِسُوع اوہنوں آکھیا میرے مگر ٹُر پَو۔

یُوحنّا 1:43 ပူးပေါင်းရင်းမြစ်များ

متّی 10:3

فِلپُّس تے برتُلمائی تُوما تے متّی محصُولِیہ۔

متّی 4:12

تے ایہہ سُن کے پئی یُوحنّا پھڑیا گیا اے اوہ گلِیل نُوں ٹُرپیا۔

متّی 8:22

پر یِسُوع اوہنوں آکھیا میرے مگر ٹُر آ۔ تے مُردیاں نُوں اپنے مُردے دفناں دے۔

متّی 9:9

جد یِسُوع اوتھوں لنگھ کے اگہاں گیا اوس اِک شخص نُوں جِہدا ناں متّی سی محصُول دی چَوکی اُتّے بَیٹھیاں ویکھیا تے اوہنوں آکھیا میرے مگر ٹُرپَو تے اوہ اُٹھ کے اوہدے مگر ٹُرپیا۔

لُوقا 19:10

کیوں جو اِبنِ آدم گواچے ہویاں نُوں لَبّھن تے بچان آیا اے۔

یُوحنّا 1:28

ایہہ گلّاں بَیت عَنِیاہ وِچ یَردنوں پار ہویاں جِتّھے یُوحنّا بپتِسمہ دیندا سی۔

یُوحنّا 1:29

دُوجے دِن یُوحنّا یِسُوع نُوں اپنے ولّ آؤندیاں ویکھ کے آکھیا ویکھو خُدا دا برّہ جیہڑا دُنیا دا گُناہ چُک لے جاندا اے۔

یُوحنّا 1:35

فیر دُوجے دِن یُوحنّا تے اوہدیاں شاگِرداں وِچوں دو کھلوتے ہوئے سن۔

یُوحنّا 1:37

تے اوہناں دوہاں شاگِرداں اوہنوں ایہہ گلّ کر دیاں سُنیا تے یِسُوع دے مگر ٹُر پئے۔

یُوحنّا 1:44

فِلپُّس بَیت صَیدا دا سی جیہڑا اندریاس تے پطرس دا شہر اے۔

یُوحنّا 12:21

تَد اوہ فِلپُّس کول آئے جیہڑا گلِیل دے بَیت صَیدا دا سی تے عرض کِیتی جناب اسی یِسُوع نُوں ویکھنا چاہنے آں۔

یُوحنّا 14:8

فِلپُّس اوہنوں آکھیا اَے خُداوند سانُوں باپ وکھا تے سانُوں ایہو ای بس اے۔

یُوحنّا 2:11

ایہہ پہلی کرامات یِسُوع نیں گلِیل دے قانا وِچ کِیتی تے اپنا جلال ظاہر کِیتا تے اوہدیاں شاگِرداں اوہدے اُتّے اِیمان لیاندا۔

یُوحنّا 6:5

تَد یِسُوع اپنیاں اَکھّیاں چُک کے ویکھیا پئی بڑی بِھیڑ میرے کول پئی آؤندی اے۔ تے فِلپُّس نُوں آکھیا پئی اسی ایہناں دے کھان لئی روٹِیاں کِتّھوں مُل لئیے؟

یُوحنّا 6:7

فِلپُّس اوہنوں جواب دِتّا پئی دو سَو دینار دِیاں روٹِیاں ایہناں لئی پُوریاں نئیں ہون گِیاں پئی ہر اِک نُوں تھوڑی جیہی وی ہتّھ لگّے۔

فِلِپّیوں 3:12

ایہہ نئیں پئی مَینُوں ہُن تِیکر لَبھّا اے یا مَیں ہُن تِیکر پُگ گیا آں پر مَیں بھجا جانا آں۔ پئی اوس گلّ نُوں ہتّھ پاں جِہدے مارِیاں مسِیح یِسُوع مَینُوں ہتّھ پایا اے۔

۱-یُوحنّا 4:19

اسی ایس لئی مُحبّت کرنے آں پئی پہلا اوس ساڈے نال مُحبّت کِیتی۔