یُوحنّا 1:26 - پنجابی نواں عہد نامہ نظرثانی شدہ چھپائی

²⁶ یُوحنّا اوہناں نُوں جواب دِتّا پئی مَیں تے پانی نال بپتِسمہ دینا آں۔ تُہاڈے وِچ اِک کھلوتا ہویا اے جِہنُوں تُسی نئیں جان دے۔

یُوحنّا 1:26 ပူးပေါင်းရင်းမြစ်များ

متّی 3:11

مَیں تے تُہانوں تَوبہ دے واسطے پانی نال بپتِسمہ دینا آں۔ پر اوہ جیہڑا میرے پِچّھے آؤندا اے مَیتھوں زوراور اے۔ اوہدی جُتّی چُکن دے مَیں لائق نئیں آں۔ اوہ ای تُہانوں پاک رُوح تے اَگ نال بپتِسمہ دیوے گا۔

متّی 3:6

تے اپنے گُناہاں دا اِقرار کر کے یَردن ندی وِچ اوہدے ہتھّوں بپتِسمہ لیا۔

مرقس 1:8

مَیں تُہانوں پانی نال بپتِسمہ دِتّا اے۔ پر اوہ تُہانوں پاک رُوح نال بپتِسمہ دیوے گا۔

لُوقا 3:16

تَد یُوحنّا نے سبھناں نُوں جواب دِتّا مَیں تے تُہانوں پانی نال بپتِسمہ دینا آں۔ پر میرے نالوں اِک ودِھیک طاقت والا آؤندا اے۔ جِہدی جُتّی دی مَیں وَدّھری کھولن جوگا نئیں آں۔ اوہ تُہانوں پاک رُوح تے اَگ نال بپتِسمہ دیوے گا۔

یُوحنّا 16:3

اوہ ایس واسطے ایہہ کرن گے کیوں جو نا اوہناں باپ نُوں جانیا اے نا مَینُوں۔

یُوحنّا 17:25

اے سَچّے مُنصف باپ دُنیا تینُوں نئیں جانیا پر مَیں تینُوں جانیا۔ تے اوہناں جانیا پئی تُوں مَینُوں گھلّیا۔

یُوحنّا 17:3

تے سدا دی زِندگی ایہہ اے پئی اوہ تینُوں جانن جیہڑا اکلّا سَچّا خُدا ایں تے نالے یِسُوع مسِیح نُوں جِہنُوں تُوں گھلّیا اے۔

یُوحنّا 8:19

تَد اوہناں اوہنوں آکھیا کِتّھے اے تیرا باپ؟ یِسُوع جواب دِتّا نا تُسی مَینُوں جان دے ہو تے نا میرے باپ نُوں جے تُسی مَینُوں جان دے تے میرے باپ نُوں وی جان دے۔

اعمال 1:5

کیوں جو یُوحنّا تے پانی نال بپتِسمہ دِتّا۔ پر تُہانوں تھوڑے دِناں دے پِچّھوں پاک رُوح دا بپتِسمہ مِلے گا۔

اعمال 11:16

تَد مَینُوں خُداوند دی گلّ جیہڑی اوس آکھی یاد آئی۔ پئی یُوحنّا تاں پانی نال بپتِسمہ دِتّا۔ پر تُہانوں پاک رُوح نال بپتِسمہ مِلے گا۔

اعمال 19:4

پَولُس آکھیا پئی یُوحنّا نے تَوبہ دا بپتِسمہ دِتّا۔ تے لوکاں نُوں ایہہ آکھیا۔ پئی تُسی اوہدے اُتّے جیہڑا میرے پِچّھے آؤندا اے یعنی یِسُوع اُتّے اِیمان لیاؤ۔

۱-یُوحنّا 3:1

ویکھو باپ ساڈے نال کیڈی مُحبّت کِیتی اے۔ پئی اسی خُدا دے پُتر اکھوایئے تے اسی ہاں وی۔ دُنیا سانُوں ایس لئی نئیں جاندی پئی اساں اوہنوں نئیں جانیا۔